Awos. 15:11 - Ebaibul

¹¹ Okoe Ekapolon, ŋae ikwaan ka iyoŋ anakujo a ŋunace? Ŋae ikwaan ka iyoŋ, iyakar iyoŋ apolou ŋina ailiilon a asegis, iyakar iyoŋ apolou ŋina itiyaa ŋakujuwuanisya, ka ŋaumonokineta.

Awos. 15:11 Iomraidhean Croise

2 Sam. 7:22

Aŋun, ipol iyoŋ, okoe Ekapolon Akuj; anerae mam ituŋanan ikwaanatar iyoŋ ka mam Akuj ace mati iyoŋ bon ikwapei eirarere isua ŋakiro daadaŋ a ŋaki kosi.

1 Ŋirw. 8:23

Kilip tema, “Okoe Ekapolon, Akuj a Ŋisirael, mam Akuj ŋina ikwaan ka iyoŋ anakuj, kori anakwap, ŋina iricit Acamunet ka amina ŋina nyiryaŋiryaŋa aŋuna a ŋiketiyak kon a ŋulu erubakinito iwuapito erot kon a ŋitai kec a daadaŋ.

1 Ŋakiro a ŋirwa 16:25

anerae epol nooi Ekapolon, ido emaikina kipuroe iŋes nooi, emaikina kitopolooroe iŋes nooi akilo ŋakujo daadaŋ.

2 Ŋakiro a ŋirwa 2:5

Epol nooi Akai ŋina alosi ayoŋ akiduk, anerae epol nooi Akuj kosi akilo ŋakujo ŋunace daadaŋ.

2 Ŋakiro a ŋirwa 6:14

Kilip tema, “Okoe Ekapolon Akuj a Ŋisirael, mam Akuj ŋina ikwaan ka iyoŋ anakuj, kori anakwap, ŋina iricit Acamunet anamina a ŋina nyiryaŋiryaŋa aŋuna a ŋiketiyak kon a ŋulu erubakinito iwuapito erot keŋ a ŋitai kec a daadaŋ.

Ŋikiru. 113:5

Ŋae ikwaan ke Ekapolon Akuj yok, ŋina ipukat alokidiama nooi,

Ŋikiru. 119:120

Emarani akuwan kaŋ aŋuna akakeritor ayoŋ iyoŋ, eketubulito ayoŋ ŋatubonokineta kon.

Ŋikiru. 136:4

Iŋes bon itiyae ŋiticisyo ŋulu ka aumokin, anerae erae amina keŋ ŋina nyiryaŋyiryaŋa ŋina a ŋikaru ka ŋikaru.

Ŋikiru. 145:17

Iyookino Ekapolon anakiro keŋ a daadaŋ, ido erimaana aloticisyo keŋ a daadaŋ.

Ŋikiru. 22:23

Iyes ŋulu itopoloorito Ekapolon, kipuro iŋes! Iyes ŋiletok a Yakob daadaŋ, kitopoloosi iŋes! Iyes ŋiletok a Isirael daadaŋ kilipa neni keŋ!

Ŋikiru. 35:10

A etau kaŋ a daadaŋ, atemari ayoŋ ebe, “Okoe Ekapolon, ŋae ikwaanatar iyoŋ? Iununui iyoŋ ŋulu epalag aneni a ŋulu egogoŋ akilo ikes, iununui iyoŋ ŋulu epalag aneni a ŋulu edemanarete ikes ŋiboro kec.”

Ŋikiru. 60:2

Idau iyoŋ akitamaranikin akwap; idau iyoŋ akitoororun akwap; togolonok tokona neni eorori, anerae ecamit aritaar.

Ŋikiru. 66:5

Potu toyenutu ŋakiro ŋuna etiya Akuj; eumokina nooi ŋakiro ŋuna etiyae iŋes aŋuna a ŋituŋa.

Ŋikiru. 77:11

Emaikina ayoŋ otamu ŋiticisyo kon, okoe Ekapolon; ee, emaikina ayoŋ otamu ŋakiro kon ŋuna ka aumokin ŋuna koloŋ ibu iyoŋ kitiya.

Ŋikiru. 77:14

Iyoŋ Akuj ŋina itiyae ŋuna ka aumokin; idau iyoŋ akitoodikin apedor kon neni a ŋituŋa a ŋakwapin.

Ŋikiru. 77:19

Abu erot kon kitor kidiŋ anam, abu erot kon kitor kidiŋ ŋakipi ŋuna alalak nooi; ido mam ituŋanan abu kiŋolik ŋikukus kon.

Ŋikiru. 86:10

anerae ipol iyoŋ nooi ka itiyae ŋiticisyo ŋulu ka aumokin; iyoŋ bon irae Akuj.

Ŋikiru. 86:8

Okoe Ekapolon, emam anakujo akuj ŋina ikwaan ka iyoŋ; mam ŋiticisyo ikwaan ka ŋulu kon.

Ŋikiru. 89:18

anerae neni kon Ekapolon eryamunere isua aiuno. Iyoŋ Akuj ŋina asegan, ŋina a Ŋisirael irae erwosit kosi.

Ŋikiru. 90:11

Ŋae mono tokona eyeni apedor ŋina ka aŋoit kon? Anerae ededeŋ anyunyura kon ikwaan ka ekabule ŋolo ebuni aneni kon.

Awos. 18:11

Ayenu tokona ayoŋ atemar epol Ekapolon nooi akilo ŋakujo ŋunace, anerae abu toiu Ŋisirael aneni a Ŋijipitian apaki ŋina atiŋitere Ŋisirael erono nooi.”

Awos. 20:3

Nyiyakatar ŋakujo ŋace mati ayoŋ bon.

Awos. 3:20

Aŋun, esitiyae ayoŋ apedor kaŋ, esicani ŋituŋa a Ijipit alorotin a ŋulu ka aumokin a ŋulu alosi ayoŋ akitiyanakin neni kec. Ekaku a ŋun, ikimyekini Parao iyes toloto.

Awos. 8:10

Tema Parao, “Moi taparacu.” Tema Moses, “Etiyae ayoŋ ikwapei ilimunio iyoŋ! Aŋuna ka akitaanyun iyoŋ atemar, mam ituŋanan epedoryo akisikwaanikin ka Ekapolon Akuj kosi.

Awos. 8:6

Aŋun, abu Aron kikyaa akan keŋ kidiama ŋakipi ŋuna aya nakwap a Ijipit; ido apotu ŋakidodoka tolomut a nen pena nakwap a Ijipit.

Awos. 9:14

Ani pa kimyek, eyakuuni ayoŋ ŋakisicaneta kaŋ neni kon, neni a ŋikapolok a ŋulu ipukatotor iyoŋ ka neni a ŋituŋa kon, ikotere iyoŋ iyenuni atemar mam ice ikikwaan ka ayoŋ anakwap a daadaŋ.

Isa. 30:11

Nyiwuapa ŋakiro ŋuna ajokak, kimyekisi akitiya ŋuna iyookino, nyikilimonokis nabo isua ŋakiro ŋuna ka Akuj a Isirael a ŋina asegan.”

Isa. 40:18

Anibore nai isikwaanikineta iyes Akuj, kori anibore eyakatar ŋasima keŋ?

Isa. 40:25

Ebala Ekapolon ŋolo asegan ebe, “Ŋae nai tokona ikisikwaanikineta iyes ayoŋ? Kori ŋae ikiriyan ka ayoŋ?

Isa. 46:9

totamunito ŋakiro ŋuna alunyar koloŋ sek, anerae arae ayoŋ Akuj, emam ace arae ayoŋ Akuj ka emam akuj ace ŋina ikikwaan ka ayoŋ.

Isa. 57:15

Alimu Ekapolon ŋolo iboi alokidiama nooi, ŋolo iboi ŋikaru ka ŋikaru ŋolo erae ekiro keŋ ŋolo asegan ebe, “Eboi ayoŋ alokidiama ka anakibois a ŋina asegan, kaapei ka ŋituŋa ŋulu itiditeuna ka iapara alotai kec, ikotere ainakini ikes nabo ŋitai ŋulu itiditeuna ka oinak ikes nabo ŋitai ŋulu iapara.

Isa. 6:3

Anyarasi ŋisubuna ŋul ebasi, “Eseg, eseg eseg Ekapolon ŋolo a ŋajoresyo, ileleba apolou keŋ akwap daadaŋ.”

Yer. 10:16

Nyikoni Akuj a Yakob nen, anerae iŋes etiyauni ŋiboro daadaŋ ka erae ŋituŋa a Isirael ŋulu keŋ, erae ekiro keŋ Ekapolon ŋolo a ŋajoresyo.”

Yer. 49:19

Lopite ŋolo elomunia eŋatuny anamoni a Yorodan toloma neni edakasi ŋibaren, abuni ayoŋ neni a Ŋiedomi erita ikes pa etenito, ido aseuni ayoŋ ŋini acamit ayoŋ kipuka akwap kec. Ŋae ikikwaan ka ayoŋ? Ŋae epedori akisitakin ayoŋ? Alikepukan epedori akitijiore ayoŋ?

Ŋilep. 19:2

“Tolimok Ŋisirael daadaŋ ebe, ‘Toruworos ŋulu asegak, anerae aseg ayoŋ Ekapolon Akuj kus.

Mika 7:18

Okoe Akuj, anikuj ikwaan ka iyoŋ! Irae iyoŋ Akuj ŋina isyoniyenene asecit ka ŋadyakanareta a ŋipiya a ŋituŋa kon. Nyirubakini iyoŋ iŋoit ŋikaru ka ŋikaru, nai imina iyoŋ akitoodiunun akisyon.

Luk. 12:5

Eketoodikini ayoŋ iyes ŋini itemokino tokerito; tokerito Akuj ŋina epedori akiar, nabo eyakar iŋes apedor ŋina cakakinet tooma nakim ŋina nyeduŋe. Akalimokini ayoŋ iyes kire atemar, tokerito iŋes!

Ŋikis. 1:30

Ekapolon Akuj kus ŋolo ikiŋarenikini iyes, iŋes ebuni ajiore aŋuna kus, lopite ŋolo abunio kitiyaa aŋuna kus alo Ijipit iteete iyes

Ŋikis. 3:24

“Okoe Ekapolon Akuj, isyak iyoŋ akitoodikin ayoŋ eketiyan kon apolou ka apedor kon. Akuj ani ŋina alokidiama, kori alokwap epedori akitiya ŋiticisyo ŋulu ka apedor a ŋina apolon lopite ŋolo itiyaa iyoŋ?

Ŋikis. 33:26

Okoe Ŋisirael, mam ice ikwaan ka Akuj kus, Akuj ŋina ebunit alokidiama aiun iyes, eyai iŋes anailiil keŋ lodouwon.

Ŋikis. 4:34

Kori eya mono ŋituŋa a akwap adio ŋulu abu Akuj tolemu anakwap a ace aŋuna keŋ a ŋakikatanakineta, a ŋakitoodyanakineta, a ŋaumonokineta, a ejie, a apedor a ŋina etiron, agogoŋu ka a ŋiticisyo a ŋulu apolok nooi a ŋulu etubulok, lopite ŋolo etiyaa Ekapolon Akuj kus ŋun daadaŋ aŋuna kus alo Ijipit, iteete iyes a?

Akis. 13:4

Kilipa ŋituŋa daadaŋ neni ke epiu, anerae abu inak apolou keŋ neni ke etyaŋ. Kilipa ikes tari neni ke etyaŋ ebasi, “Ŋae ikoni etyaŋ? Ŋae epedori akitijiore iŋes?”

Akis. 15:4

Ekapolon! Ŋae ituŋanan ŋini nyikikeri iyoŋ? Ŋae ewouni alimor apolou kon? Iyoŋ bon irae ŋolo Asegan. Epote ŋakwapin daadaŋ akilip neni kon, anerae aanyut daadaŋ ŋiticisyo kon ŋulu iyookino.”

Akis. 4:8

Ayakar ŋolosubuna ŋabebenuk ŋakanikapei ŋuna eryamito ŋakonyen kiŋa ka tooma. Apaaran ka akuwar nyieŋununuyete ikes aeo ebasi, “Eseg, eseg, eseg Ekapolon Akuj ŋina etiron, ŋina arae ka erae ka ŋina ebuni.”

1 Sam. 2:2

Mam ice eseg ikwaan ke Ekapolon; mam ipei daŋ ikwaan ka iŋes, mam ekedaran ikwaan ka Akuj yok.