Awos. 14:7 - Ebaibul

⁷ Tosyaa iŋes ŋagaari ŋamiae ŋakanikapei ŋuna iritae a ŋaŋolei ka ya ŋagaari a Ijipit ŋunace daadaŋ, kitodoka ŋikapolok ŋulu epukatotor iŋes nagaari ŋun daadaŋ.

Awos. 14:7 Iomraidhean Croise

Akisy. 50:9

Ya iŋes ŋagaari ka ŋikametok kec. Alal asepic ŋin nooi.

Ŋikiru. 20:7

Ikinyomito ŋice ŋagaari ka ŋice ŋaŋolei, nai ikikinyomit isua Ekapolon Akuj kosi.

Ŋikiru. 68:17

Erae ŋagaari ŋuna ka Akuj ŋalipyo ka ŋalipyo; Abu Ekapolon alomoru Sinai nakibois keŋ ŋina asegan.

Awos. 14:23

Kiwuapakis Ŋijipitian ikes, tolomasi Nanam ŋina Areŋan, tolomasi ŋaŋolei, ŋagaari ka ŋikametok ŋagaari a Parao daadaŋ Nanam.

Awos. 14:6

Aŋun, abu Parao kisitemok ŋituŋa agaari keŋ ŋina iritae a ŋaŋolei, ido abu torukosi ka ŋasigarya keŋ.

Awos. 14:8

Abu Ekapolon kitogogoŋ akou a Parao a erwosit a Ijipit kisiwuap iŋes Ŋisirael ŋulu apotu torotokis anakwap keŋ erae ŋikelounak ŋulu alakara.

Awos. 15:4

Emasak iŋes ŋagaari ka ŋasigarya a Parao Nanam. Etamat Anam ŋina Areŋan ŋikapolok ŋulu ekinyomitae nooi ŋulu epukatotor Parao.

Isa. 37:24

Ijamuwa iyoŋ Ekapolon alorwor a ŋiketiyak kon, idau iyoŋ alimun ebe, ‘Aŋuna ayakar ayoŋ ŋaŋolei ŋuna alalak, adau ayoŋ akidok naitae a ŋimoru, adau ayoŋ akidol kidiama jik ŋimoru ŋulu a Lebanon, adau ayoŋ ayepakin kwap ŋikito keŋ ŋulu aoyak ŋulu a Cedar, ayepaki kwap ŋikito keŋ ŋulu ajokak nooi ŋulu a Sipres; adau ayoŋ akidol naitae keŋ ŋuna asilok, adol namoni keŋ ŋuna ajokak nooi.

Ŋikat. 4:15

Abu Ekapolon kitubul Sisera alokiŋaren Barak kaapei ka ŋasigarya keŋ ŋuna adokito ŋagaari. Todoku Sisera anagaari keŋ, toem a ŋakejen.

Ŋikat. 4:3

Apotu nai Ŋisirael kigworokis Ekapolon iŋitasi akiŋarakino, anerae ayakar Yabin ŋagaari ŋuna etiyaunitae a ŋasuwa ŋuna eritae a ŋaŋolei ŋamiae ŋakanikaomwon, ido abu kisican Ŋisirael neni aronon ya ŋikaru ŋatomoniarei.