Awos. 14:4 - Ebaibul

⁴ Etogogoŋi ayoŋ akou a Parao, ido ikiwuapak iyes, ikotere ayoŋ oryamu apolou anakiloun Parao ka ŋasigarya keŋ daadaŋ ka eyenunete Ŋijipitian atemar arae ayoŋ Ekapolon.” Apotu Ŋisirael kitiyata ŋun.

Awos. 14:4 Iomraidhean Croise

Neem. 9:10

Ibu iyoŋ kitiya ŋakitoodyanakineta ka ŋaumonokineta akisicania Parao ka ŋiketiyak keŋ daadaŋ ta ŋituŋa daadaŋ ŋulu a akwap keŋ, anerae iyeni iyoŋ atemar apotu ikes kiyata erono neni atapapaa kosi. Ibu iyoŋ kituruun bon a arwonu a ŋina arubaki tari nakoloŋit na.

Awos. 10:2

ka emaikina nai iyes kitatamyanakis ŋidwe kus ka ŋipapae kus epite ŋolo abunio ayoŋ esicania Ŋijipitian aryenyaana ka ŋolo abunio ayoŋ etiyaa ŋakujuwuanisya kaŋ neni kec, ido iyenunete iyes atemar arae ayoŋ Ekapolon.”

Awos. 10:27

Nai abu Ekapolon kitogogoŋ akou a Parao, nyecamak Ŋisirael toloto.

Awos. 12:28

Apotu ikes kitiyata ŋuna ecikit Ekapolon Moses ka Aron.

Awos. 14:23

Kiwuapakis Ŋijipitian ikes, tolomasi Nanam ŋina Areŋan, tolomasi ŋaŋolei, ŋagaari ka ŋikametok ŋagaari a Parao daadaŋ Nanam.

Awos. 14:25

Tomunana ŋakejen a ŋagaari kec, nyitepedo Ŋijipitian amyaar ikes. Temasi nai Ŋijipitian, “Oema aneni a Ŋisirael! Iŋarakinit Ekapolon Ŋisirael akitijiore iwon Ŋijipitian.”

Awos. 14:3

Einakini nen Parao atamakin ebe, ‘Irimirimete Ŋisirael akwap pa eyenete neni lotot; eretak ikes aloŋisat.’

Awos. 14:5

Ani elimokinio erwosit a Ijipit atemar kesiwa Ŋisirael, kibelekis iŋes ka ŋulu epukatotor ŋatameta kec, temasi iŋitasi, “Nyo etiyae iwon, ŋini ikisimyek iwon Ŋisirael torotokis anakitiyanakin iwon?”

Awos. 14:8

Abu Ekapolon kitogogoŋ akou a Parao a erwosit a Ijipit kisiwuap iŋes Ŋisirael ŋulu apotu torotokis anakwap keŋ erae ŋikelounak ŋulu alakara.

Awos. 18:11

Ayenu tokona ayoŋ atemar epol Ekapolon nooi akilo ŋakujo ŋunace, anerae abu toiu Ŋisirael aneni a Ŋijipitian apaki ŋina atiŋitere Ŋisirael erono nooi.”

Awos. 6:7

Akayai ayoŋ iyes irae ŋituŋa kaŋ ka aruwor ayoŋ Akuj kus. Iyenunete iyes atemar arae ayoŋ Ekapolon Akuj kus, ŋolo akalaku iyes anakisicaneta a Ŋijipitian.

Awos. 7:17

Ŋakiro ŋuna irworo Ekapolon ikes nu: Iyenuni iyoŋ atemar erae iŋes Ekapolon anakiro a nu; kiŋolik, arami ayoŋ ŋakipi a Nile a ebela alo a ŋolo atiŋit, ido eruwor ŋakipi ŋaokot.

Awos. 7:3

Nai eturuwori ayoŋ iŋes ŋolo egogoŋ akou, ido etiyakini ayoŋ ŋakujuwuanisya ka ŋaumonokineta ŋuna alalak nakwap a Ijipit.

Awos. 7:5

Eyenunete Ŋijipitian atemar arae ayoŋ Ekapolon apaki ŋina esicania ayoŋ ŋituŋa a Ijipit, ido oyau Ŋisirael a nen anakwap a Ijipit.”

Awos. 9:16

Nai ŋakiro nu ikes pa akaarya ayoŋ iyoŋ: Erae aŋuna ka akisitiya iyoŋ etoodiunia apedor kaŋ ka ikotere kiseraere ekiro kaŋ anakwap a daadaŋ.

Esek. 20:9

Nai aŋuna a ekiro kaŋ, abu ayoŋ etiya ŋuna nyepedorere akiyanyia ekiro kaŋ anakwapin a ŋuna eboiyoto Ŋisirael ka alokiŋaren ŋituŋa ŋulu abu ayoŋ etoodikin anayaun Ŋisirael anakwap a Ijipit.

Esek. 28:22

Tolimok ikes atemar, alimu Ekapolon Akuj ŋakiro nu, ‘Okoe ŋituŋa a Sidon, ekemanit ayoŋ iyes, eketopoloorete ayoŋ ŋituŋa kon. Eyenunete ikes atemar arae ayoŋ Ekapolon, eyenunete ikes ŋun apaki ŋina esicania ayoŋ ikes, etoodiun ayoŋ neni kec arae ŋolo asegan alotooma Sidon.

Esek. 32:15

Ani eturuwori ayoŋ akwap a Ijipit ŋina emam ibore eyai, apaki ŋina edaunor ibore eyai tooma keŋ, apaki ŋina aarya ayoŋ ibore daadaŋ ŋini sek ayari alotooma keŋ, eyenunete nai Ŋijipitian atemar arae ayoŋ Ekapolon.’

Esek. 38:16

Ipote iyes akirem ŋituŋa kaŋ Ŋisirael, ipote iyes ibutarito akwap ikwa edou. Okoe iyoŋ Gog, alorwa a ŋulu eponito akayauni ayoŋ iyoŋ torem akwap a ŋituŋa kaŋ, ikotere nai ŋituŋa a ŋakwapin okoyenut ayoŋ apaki ŋina etoodiunia ayoŋ asegis kaŋ neni kec aneni kon.’

Esek. 38:23

Alopite a ŋol, etoodikini ayoŋ ŋituŋa a ŋakwapin daadaŋ apolou kaŋ ka atemar apol ayoŋ nooi ka arae ayoŋ Akuj ŋina asegan. Eyenunete nai ikes atemar arae ayoŋ Ekapolon.”

Esek. 39:13

Enukete ŋituŋa a akwap a Isirael daadaŋ ŋituŋa ŋul, itopolooryo ikes a ŋakiro a ŋun akoloŋit ŋina etoodiunia ayoŋ apolou kaŋ.

Ŋilep. 10:3

Tema nai Moses neni ka Aron, “Arae ŋakiro ŋun ŋuna esileereunit Ekapolon ŋinibore abaakar ebe, ‘Itoodiun asegis kaŋ aneni, a ŋulu eketopoloorito ayoŋ ka eketopoloorete ayoŋ ŋituŋa daadaŋ.’”

Ŋirom. 11:8

Ikwaŋinapei igiritere Nakigireta ebe, “Abu Akuj kitililimiyo ŋitai kec, kitabaŋaan ŋatameta kec. Akitodol tari tokona, nyepedorete ikes akiŋolikin a ŋakonyen kec kori akiirar a ŋaki kec.”

Ŋirom. 9:17

Anerae ebasi Ŋakigireta abala Akuj neni a Parao ebe, “Abu ayoŋ eketuruwo iyoŋ ekepukan aŋuna a ŋakiro a nupei a nu: akisitiya iyoŋ kitoodiu apedor kaŋ ka akiserakin ekiro kaŋ nakwap daadaŋ.”

Ŋirom. 9:18

Aŋun nai, isyoni Akuj ŋini ecamit iŋes ka itininiki ŋatameta a ŋini ecamit iŋes.

Yos. 11:20

anerae arae Ekapolon iŋes abu kitogogoŋ ŋakyes kec, ikotere imukekinete akitijiore Ŋisirael, ido tomunyarae jik nyisyoni tari ipei, nai tolemarae jik anakwap lopite ŋolopei ecikitor Ekapolon Moses.

Ŋikat. 4:7

Amodiuni ayoŋ Sisera ekapolokiniton ŋasigarya a Yabin akitijikin iyoŋ anayonae a Kison. Ebuni iŋes ka ŋagaari keŋ ŋuna iritae a ŋaŋolei ka ŋasigarya keŋ, ido epotokini ayoŋ iŋes napedor kon.’ ”