Awos. 14:31 - Ebaibul

³¹ Ani iŋolikinete Ŋisirael apedor ŋina apolon ŋina abu Ekapolon kitoodik Ŋijipitian, apotu Ŋisirael tokera Ekapolon, ido kikinyoma iŋes ka Moses eketiyan keŋ.

Awos. 14:31 Iomraidhean Croise

2 Ŋakiro a ŋirwa 20:20

Tonyout ŋituŋa a Yudaya ka ŋituŋa a Yerusalem taparacu sek, toloto naloŋisat ŋina a Tekoa, ani erotokinete ikes, towo Yeosapat tema, “Kiirasi ŋakiro kaŋ, iyes ŋituŋa a Yudaya ka ŋituŋa a Yerusalem. Tonupa neni ke Ekapolon Akuj kus, ikotere torubakis ititiny; tonupa ŋakiro ŋuna irworosi ŋikadwarak keŋ, ikotere ilounete ŋimoe kus.”

Neem. 9:9

“Ibu iyoŋ kiŋolik ŋican atapapaa kosi alo Ijipit ka ibu kiira akigworo kec ananam a ŋina Areŋan.

Ŋikiru. 119:120

Emarani akuwan kaŋ aŋuna akakeritor ayoŋ iyoŋ, eketubulito ayoŋ ŋatubonokineta kon.

Awos. 19:9

Tema nai Ekapolon neni a Moses, “Abuni ayoŋ neni kon ayai lodou ŋolo nyecaor, ikotere ŋituŋa ekeirasi ayoŋ erworo apaki ŋina ikirworikinia iwon, ido ikikinyomete iyoŋ ŋituŋa jik ekaku a nu.” Ani kedau Moses alimokin Ekapolon ŋakiro ŋuna abasi ŋituŋa,

Awos. 4:31

Tonupa ŋituŋa ŋakiro ŋun; ani iirarete ikes atemar adau Ekapolon akiirar akigworo a Ŋisirael ka eŋolik ŋican ŋulu eryamunito ikes, apotu Ŋisirael toryediko kijuuroto kilipa.

Luk. 8:13

Ŋikinyom ŋulu adoete loŋaro erae ŋituŋa ŋulu iirarete akirot kijaut ka alelyan, nai emamukatar ikes ŋataagor, enupete ca iwadio, nai ani edoli ŋirwa ŋulu itemere, tosodo topalikis.

Yoa. 11:45

Aŋun, apotu Ŋiyudayan ŋulu alalak ŋulu arukunete ka Maria, ido kiŋolikis ŋuna etiyae Yesu, tonupa iŋes.

Yoa. 2:11

Arae ŋin akujuwuanut ŋina esyaunan ŋina etiyae Yesu alo Kana, anakwap a ŋina a Galileya. Alopite a ŋol kisileerek iŋes ikes apolou keŋ, tonupa ŋikasyomak keŋ iŋes.

Ŋitic. 8:13

Abu Simoni daŋ elope tonup, kibatisae. Abu iŋes torubak erukito ka Pilipo; etuumokinito iŋes ŋaumonokineta ka ŋakujuwuanisya ŋuna apolok ŋuna etiyasi.

Ŋibur. 3:5

Arae Moses ekile ŋolo abu Akuj kikinyom ikwapei eketiyan keŋ alokal a ŋolo ka Akuj, ido abu kiteyenu ŋituŋa ŋakiro ŋuna epote ekaku.

Yos. 24:7

Nai apotu atapapaa kus kikaloikis Ekapolon akiŋarakin ikes, tosodi abu Ekapolon kiwuak akiryonut kidiŋ ŋisigarya a Ijipit ka iyes, tomunya Ŋijipitian a ŋakipi a ŋuna ka anam. Iyenete iyes ŋilopeyek ŋuna abu ayoŋ etiya lotuŋa a Ijipit. Ekaku, ipotu iyes kiboiyoto apaki ŋina aoyan analoŋisat.

Yos. 4:14

Akoloŋit ŋin, abu Ekapolon Akuj kituruwo Yosua ekarwon alokiŋaren Ŋisirael daadaŋ, tokera ikes iŋes ŋirwa daadaŋ ŋulu ayarya Yosua, tokera lopite ŋolopei sek kekeritotor Moses.

Yos. 4:24

Erae ŋun ikotere akiteyenunia ŋituŋa daadaŋ anakwap atemar egogoŋ Ekapolon Akuj ka erae ikotere iyes itopoloorete Ekapolon Akuj kus ŋikaru ka ŋikaru.”

1 Sam. 12:16

Aŋun nai, totena, toyenut ŋakiro nu ŋuna apolok nooi ŋuna itiyakini Ekapolon iteete iyes.

1 Sam. 12:18

Aŋun, abu Samuel tonyara Ekapolon, ido abu Ekapolon yau agiro ka akiru akoloŋit ŋin; kitopoloosi nooi ŋituŋa daadaŋ Ekapolon ka Samuel.