Awos. 14:29 - Ebaibul

²⁹ Nai apotu Ŋisirael todoka Anam eonit neni alosyoto ikes ka erounito ikes ŋakipi esibit ŋarwatatain aloteten ka alokedyeny kec.

Awos. 14:29 Iomraidhean Croise

2 Ŋirw. 2:8

Tolacu nai Eliya ekaaso keŋ, tobilaki tosodi toramya ŋakipi. Totyakas ŋakipi alokidiŋ, totyeikis Eliya ka Elisa totuboros ekekwaye emeto neni aonit.

Neem. 9:11

Ibu iyoŋ totyak ŋakipi a anam alokiŋaren kec, ikotere edokyata ikes anam eonit, nai ibu iyoŋ kimasak ŋulu ewupito ikes tooma nakipi, todoiyosi ikes esibit ŋamoru tooma nakipi ŋuna alalak.

Ŋikiru. 106:9

Abu Akuj kiyayak anam ŋina Areŋan, ido abu toono deu; abu Akuj kisitor Ŋisirael neni ecukul neni eonit deu, alopite a nolopei abu kisitor ikes naloŋisat.

Ŋikiru. 136:13

Iŋes abu totyak ŋakipi ŋuna ka anam a ŋina Areŋan, anerae erae amina keŋ ŋina nyiryaŋiryaŋa ŋina a ŋikaru ka ŋikaru.

Ŋikiru. 78:13

Abu Akuj totyak ŋakipi ka anam, kitoryo ikes kidiŋ nen todokasi; abu kitowo ŋakipi towua ikwa arwatata.

Awos. 14:22

Tolomasi Ŋisirael Nanam ŋina Areŋan, kitoro neni aonit. Arounito ikes ŋakipi aloteten ka alokedyeny esibit ŋarwatatain.

Awos. 15:19

Ani elomarete ŋaŋolei ka ŋagaari ta ŋikametok ŋaŋolei a Parao Nanam, kinyakak Ekapolon ŋakipi ka Anam lopite ŋolopei sek ayakatar, toburusiyasi ŋakipi Ŋijipitian. Nai apotu Ŋisirael todoka Anam ŋin eonit neni etorete ikes.

Awos. 15:8

Ibu iyoŋ tokutak anam, totyakas ŋakipi ananam, apotu ŋakipi towua ikwa arwatata; apotu ŋakipi ŋuna aya nenicukul ananam kidiko.

Isa. 11:15

Itooni Ekapolon ecileta ŋolo ka anam a Ijipit, iyakuuni Ekapolon ekuwuam ŋolo amwanan nooi kitoon aŋolol Eupurate, ido etyakatyakae iŋes aŋolol ŋin toruwor ŋayona ŋakanikaarei, iwuakini nen erot ŋolo epedorya ituŋanan atuboror elosi a ŋakejen.

Isa. 43:2

Apaki ŋina itoryoto iyes kidiŋ ŋakipi, ikirukit ayoŋ ka iyes; kori apaki ŋina itoryoto iyes naŋololin, nyepedorete ŋakipi akiwok iyes; apaki ŋina itoryoto iyes kidiŋ akim, nyikinomi akim iyes ka nyikinomiari iyes arira a akim a ŋin;

Isa. 51:10

Meere mono iyoŋ ibu kitoon anam ka kitoon ŋakipi ŋuna aya nenicukul nooi. Meere iyoŋ ibu kituruwo nenicukul a anam erot, ikotere ŋituŋa ŋulu ilakunit iyoŋ epedorete akiwuapakin a?

Isa. 51:13

Ikimuryak iyes Ekapolon ekasuban kus, ŋolo abu topetak kidiama ka kiwuak ŋawoeta a akwap a? Ikuryaka iyes apaaran daadaŋ aŋuna ka adedeŋu a ekesicanan a ŋolo erae etic keŋ amunyar. Nai ai tokona eyai adedeŋu a ekesicanan?

1 Ŋikor. 10:1

Ŋikaitotoi kaŋ, acamit ayoŋ iyes totamut ŋuna apotu kitiyakinos neni atapapaa yok, ŋulu apotu totupakis Moses. Abu edou toiu ikes, todoka daadaŋ anam ŋina enyaritae “Anam ŋina areŋan”.

Yos. 3:16

totubos ŋakipi, towua aiwapei aneni alwanan, alotaun a ŋolo anyaritae Adam, a ŋolo ebakasi ka Saretan. Tosodo ŋakipi ŋuna aleleete lowae ŋolo ka anam a ŋina enyaritae ŋina Atwan, totubos. Todokasi nai ŋituŋa ekekwaye aŋolol Yorodan alowae a ŋolo iteosi ka Yeriko.