Awos. 14:26 - Ebaibul

²⁶ Tema nai Ekapolon neni a Moses, “Kikyaa akan kon kidiama Nanam, ikotere imorikinosi ŋakipi kitamata Ŋijipitian kaapei ka ŋikametok ŋagaari, tosiposi ŋagaari kec alokidiŋ Anam.”

Awos. 14:26 Iomraidhean Croise

Awos. 1:22

Abu nai Parao kicik ŋituŋa keŋ daadaŋ tema, “Ikoku ŋinisapat daadaŋ ŋini euruunito Ŋiburaniyae, emaikina iyes kimasakis naŋolol Nile, nai kimyekisi ŋulupesur toyara.”

Awos. 14:16

Kikyaa akan kon kidiama anam itiŋit ebela kon, ikotere etyakasi ŋakipi ananam kitoro Ŋisirael neni eonit, todokasi yaye anam.

Awos. 15:1

Apotu nai Moses ka Ŋisirael toeikis eete lo neni ke Ekapolon temasi: “Aeikini ayoŋ neni ke Ekapolon, anerae itopolooritae iŋes nooi aŋuna elounia ŋimoe; emasak iŋes ŋaŋolei ka ŋikametok kec Nanam.

Awos. 15:4

Emasak iŋes ŋagaari ka ŋasigarya a Parao Nanam. Etamat Anam ŋina Areŋan ŋikapolok ŋulu ekinyomitae nooi ŋulu epukatotor Parao.

Awos. 7:19

Tema Ekapolon neni a Moses, “Tolimok Aron ebe, ‘Ya ebela kon toramya ŋakipi ŋuna eya Ijipit: Ŋakipi a ŋaŋololin, ŋakipi a ŋakitelesyo, ŋakipi a ŋataparin ka ŋuna a ŋakare daadaŋ, ikotere ŋakipi ŋun daadaŋ toruwor ŋaokot. Epete ŋaokot neni eya ŋakipi anakwap a Ijipit daadaŋ, epete tari loboro ŋulu itiyaunitae a ŋakito ka a ŋamoru.’ ”

Awos. 8:5

Tema Ekapolon neni a Moses, “Tolimok Aron atemar kikyaa akan keŋ etiŋit ebela keŋ alokidiama ŋaŋololin, ŋakitelesyo ka ŋataparin, ikotere tolomut ŋakidodoka a nen toyakaun nakwap a Ijipit. ”

Isa. 11:16

Aŋun eyakaun erot ŋolo apolon ŋolo ebunit alo Asiriya aŋuna a ŋipiya a ŋituŋa keŋ, lopite ŋolo abunio erot toyakaun aŋuna a Ŋisirael apaki ŋina aponiata ikes anakwap a Ijipit.

Mat. 7:2

anerae ikitubonokinio iyes ikwaŋinapei itubonokiniata iyes ŋuluce ka etyae ŋolo iinakinete iyes, iŋes ikiinakinio iyes.

Mat. 8:27

Toumokis ŋituŋa daadaŋ temasi, “Anituŋanan ŋini ikoni ne, ŋini epupete tari ekuwuam ka ŋakipi en?”

Yak. 2:13

Anerae emam akisyon anatubokino a ŋina a ituŋanan a ŋini nyisyoniyenene ŋituŋa ŋuluce, nai ŋulu isyoniyete ŋuluce, nyikerito ikes atubokino.

Akis. 16:6

Apotu ikes tobukonosi ŋaokot ŋuna a ŋituŋa ka Akuj ka ŋuna a ŋikadwarak, aŋun, itamat iyoŋ ikes ŋaokot. Aryamut ikes ŋuna itemokino ikes toryamut.”