Awos. 14:21 - Ebaibul

²¹ Kikyaa nai Moses akan keŋ kidiama Nanam, ido abu Ekapolon akuwar ŋin daadaŋ totub ŋakipi ananam, kitoon nen a ekuwuam a ŋolo akutunit alo Kide.

Awos. 14:21 Iomraidhean Croise

Akisy. 8:1

Nai abu nyimuryak Akuj Noa ka ŋibaren ta ibore daadaŋ ŋini ayari ŋini aya ka iŋes nataker. Kitukut Akuj ekuwuam anakwap, kitidipaiya ŋakipi.

2 Ŋirw. 2:8

Tolacu nai Eliya ekaaso keŋ, tobilaki tosodi toramya ŋakipi. Totyakas ŋakipi alokidiŋ, totyeikis Eliya ka Elisa totuboros ekekwaye emeto neni aonit.

Neem. 9:11

Ibu iyoŋ totyak ŋakipi a anam alokiŋaren kec, ikotere edokyata ikes anam eonit, nai ibu iyoŋ kimasak ŋulu ewupito ikes tooma nakipi, todoiyosi ikes esibit ŋamoru tooma nakipi ŋuna alalak.

Yob 26:12

Aŋuna ka apedor keŋ abu Akuj kilou agogoŋu ŋina ka anam, aŋuna ka aosou keŋ abu iŋes toar Raab,

Yob 38:24

Nyaali erot ŋolo elosere neni eyaununeere akica, kori neni ielununor ekuwuam akwap daadaŋ alo Kide?

Ŋikiru. 136:13

Iŋes abu totyak ŋakipi ŋuna ka anam a ŋina Areŋan, anerae erae amina keŋ ŋina nyiryaŋiryaŋa ŋina a ŋikaru ka ŋikaru.

Ŋikiru. 148:8

Kipuro Ekapolon iyes akimilya ka ŋakako, ekwok ŋolo ka akiru ka ŋidouwon, ta ekuwuam ŋolo agogoŋon ŋolo iwuapit ŋuna alimu Ekapolon.

Ŋikiru. 66:6

Abu iŋes kilocok neni sek arae anam kituruwo akwap neni aonon, apotu ŋituŋa todoka aŋolol a ŋakejen. Aŋun, olelyana neni ka Akuj.

Ŋikiru. 74:13

Ibu iyoŋ anapedor kon totyak anam; ibu iyoŋ tomunya Ŋijipitian.

Ŋikiru. 78:13

Abu Akuj totyak ŋakipi ka anam, kitoryo ikes kidiŋ nen todokasi; abu kitowo ŋakipi towua ikwa arwatata.

Awos. 14:16

Kikyaa akan kon kidiama anam itiŋit ebela kon, ikotere etyakasi ŋakipi ananam kitoro Ŋisirael neni eonit, todokasi yaye anam.

Awos. 14:20

alokidiŋ ajore a Ŋijipitian ka ŋina a Ŋisirael, akuwar kya abu adis ŋin yau akiryonut lowae ŋolo a Ŋijipitian ka akica lowae ŋolo a Ŋisirael; apotu ŋajorei ŋun nyeapikin akuwar daadaŋ.

Awos. 15:8

Ibu iyoŋ tokutak anam, totyakas ŋakipi ananam, apotu ŋakipi towua ikwa arwatata; apotu ŋakipi ŋuna aya nenicukul ananam kidiko.

Awos. 7:19

Tema Ekapolon neni a Moses, “Tolimok Aron ebe, ‘Ya ebela kon toramya ŋakipi ŋuna eya Ijipit: Ŋakipi a ŋaŋololin, ŋakipi a ŋakitelesyo, ŋakipi a ŋataparin ka ŋuna a ŋakare daadaŋ, ikotere ŋakipi ŋun daadaŋ toruwor ŋaokot. Epete ŋaokot neni eya ŋakipi anakwap a Ijipit daadaŋ, epete tari loboro ŋulu itiyaunitae a ŋakito ka a ŋamoru.’ ”

Isa. 23:11

Ayeu Ekapolon anapedor keŋ akisican ŋulu eya nanam, etubul ŋapukasinei. Alimu Ekapolon ŋakiro ŋuna a Kanaan, atemar kinyasunae ŋaduketa keŋ ŋunajiet.

Isa. 43:16

Alimu Ekapolon ŋolo abu koloŋ kiwuak erot kidiŋ anam, ŋolo abu kiwuak erot kidiŋ ŋakipi ŋuna alalak nooi,

Isa. 44:27

Ayoŋ alimokini nenicukul anakipi ebe, ‘Toon keu, etooni ayoŋ ŋaŋololin ŋuna eleleete neni kon;’

Isa. 50:2

Kaanukiro amamukar idiotuŋanan apaki ŋina abunio ayoŋ? Kaanukiro pa aboŋokinio ayoŋ ituŋanan apaki ŋina anyarar ayoŋ? Emam mono ayoŋ apedor ŋina akalakunia iyes a? Kori emam mono ayoŋ apedor ŋina akaiunia iyes a? Kalimu ayoŋ akirot eoni anam, eturuwori ayoŋ ŋaŋololin aonite; etobosuni ayoŋ ŋikolya ŋulu eya tooma kec aŋuna icanakinotor ŋakipi idio totwaka aŋuna ka akure.

Isa. 51:10

Meere mono iyoŋ ibu kitoon anam ka kitoon ŋakipi ŋuna aya nenicukul nooi. Meere iyoŋ ibu kituruwo nenicukul a anam erot, ikotere ŋituŋa ŋulu ilakunit iyoŋ epedorete akiwuapakin a?

Isa. 51:15

Arae ayoŋ Ekapolon Akuj kus, ŋolo ainakini ŋakipi a anam kimorokokokis ikotere totakanut ŋikaguragurae kec, erae ekiro kaŋ Ekapolon ŋolo a ŋajoresyo.

Isa. 63:12

ŋolo abu inak apolou keŋ ŋina ka apedor toyakaun nakan a Moses ŋina aloteten, ŋolo abu totyak ŋakipi alokiŋaren Ŋisirael, ikotere itopoloorere ekiro keŋ ŋikaru ka ŋikaru.

Isa. 63:13

Ŋae abu kisitor ikes nenicukul? Apotu ikes torubakis egogoŋ analoŋisat lopite ŋolo egogoŋio aŋole.

Abak. 3:8

Okoe Ekapolon itoŋoit mono iyoŋ ŋaŋololin a? Ayai mono anyunyura kon naŋololin a? Arae mono anam ikitoŋoit iyoŋ nooi apaki ŋina imyaarya ŋagaari ŋuna ke ejie akilounia ŋimoe kon a?

Ŋitic. 7:36

Abu Moses kiten Ŋisirael, kitiya ŋakujuwuanisya ka ŋaumonokineta alo Ijipit ka ananam a ŋina enyaritae Anam ŋina Areŋan ta analoŋisat ŋikaru ŋatomoniomwon.

Yos. 2:10

anerae ikidau isua akiirar epite ŋolo kitoonio Ekapolon Akuj anam ŋina enyaritae Anam ŋina Areŋan idolunete iyes nen apaki ŋina irotokinioto anakwap a Ijipit. Ikiirarit nabo epite ŋolo kiaryata iyes Sikon ka Og, ŋirwosi ŋiarei ŋulu a Ŋiamori a ŋulu elomito Kide aŋolol Yorodan.

Yos. 3:17

Apaki ŋina adokaryata Ŋisirael aneni atyaikinito ŋakipi, awoete ŋisacaradotin ŋulu adakito Asaduku ŋina ka Acamunet a Ekapolon Akuj alokidiŋ Yorodan aneni aonit, akitodol ŋina adokaryata Ŋisirael daadaŋ ekekwaye Yorodan.

Yos. 4:23

anerae abu Ekapolon Akuj kus kitoon aŋolol Yorodan akitodol ŋina idokaryata iyes ekekwaye, lopite ŋolopei etiyator Ekapolon Akuj kus ananam a ŋina enyaritae Anam ŋina Areŋan, ŋina abu iŋes kitoon aŋuna yok akitodol ŋina adokunere iwon daadaŋ ekekwalo.