Awos. 14:14 - Ebaibul

¹⁴ Eji Ekapolon aŋuna kus; emaikina iyes tolemasi akuryanu bon aneni kus.”

Awos. 14:14 Iomraidhean Croise

2 Ŋakiro a ŋirwa 20:15

Tema Yaasiel neni a ŋituŋa, “Topupokisi iyoŋ erwosit Yeosapat ka ŋituŋa daadaŋ ŋulu iboiyete alo Yudaya ka Yerusalem. Irworo Ekapolon ŋakiro nu neni kus ebala, ‘Nyikuryaketa, kori nyikikadak aŋuna a ŋasigarya a ŋuna alalak nooi a ŋun, anerae meere iyes itijiyete ikes, nai Akuj.

2 Ŋakiro a ŋirwa 20:17

Meere iyes ijiete alojie a ŋol, kiboiyosi neni emaikina iyes kiboiyosi, towua a nen ititiny, iŋolikinete iyes Ekapolon ikilakuni iyes alomoe a ŋul, Okoe iyes ŋituŋa a Yudaya ka Yerusalem.’ Nyikuryaketa kori nyikikadak. Toloto moi taparacu kitijikis ikes, irukete iyes ke Ekapolon.”

2 Ŋakiro a ŋirwa 20:29

Abu Akuj inak akuryanu neni a ŋakwapin a daadaŋ apaki ŋina eiraryata atemar abu Ekapolon kitiji ŋimoe a Ŋisirael.

Neem. 4:14

Kadau ayoŋ akiŋolikin ŋakiro ŋun daadaŋ, abu ayoŋ owo olimok ŋikapolok, ŋikepukak ka ŋituŋa ŋuluce daadaŋ otema, “Nyikuryaketa aŋuna kec, totamutu Ekapolon ŋolo etiron ka ŋolo ikitubuli, ido tojioto aŋuna a ŋiyeneta kus, aŋuna a ŋidwe kus a ŋulusapa ka aŋuna a ŋidwe kus a ŋulupesur, aŋuna a ŋaberu kus ka aŋuna a ŋirerya kus.”

Neem. 4:20

Apaki ŋina iiraryata iyes arupepe aneni iyakasi, tomotunos atipei neni kosi. Ebuni Akuj yok ajiore aŋuna yok.”

Neem. 9:11

Ibu iyoŋ totyak ŋakipi a anam alokiŋaren kec, ikotere edokyata ikes anam eonit, nai ibu iyoŋ kimasak ŋulu ewupito ikes tooma nakipi, todoiyosi ikes esibit ŋamoru tooma nakipi ŋuna alalak.

Ŋikiru. 35:1

Okoe Ekapolon, kitidiŋ ŋulu eketidiŋito ayoŋ; kitiji ŋulu eketijiete ayoŋ.

Ŋikiru. 50:3

Ebunit Akuj yok, ido nyililiŋi iŋes; eyai akim kiŋaren keŋ ŋina enyamuwari ŋinibore, eyai ekuwuam nawaetin keŋ ŋolo ekusi nooi.

Ŋikiru. 83:1

Okoe Akuj, nyililiŋ; okoe Akuj, nyitakin cek, nyirubak pa imitakinit.

Awos. 14:15

Kiŋit nai Ekapolon Moses tema, “Kaanukiro ikigworonokinio iyoŋ ayoŋ? Tolimok Ŋisirael torubakis elosete kiŋaren.

Awos. 14:25

Tomunana ŋakejen a ŋagaari kec, nyitepedo Ŋijipitian amyaar ikes. Temasi nai Ŋijipitian, “Oema aneni a Ŋisirael! Iŋarakinit Ekapolon Ŋisirael akitijiore iwon Ŋijipitian.”

Awos. 15:3

Erae Ekapolon ekajion; Ekapolon iŋes ekiro keŋ.

Isa. 30:15

Irworo Ekapolon Akuj ŋina asegan ŋina Isirael ŋakiro nu, “Ani kerae toboŋunito iyes neni kaŋ, toryamunito akieŋun, kiuna; ani kerae kiapara iyes aneni kaŋ, ikikinyoma ayoŋ, kiryamunito agogoŋu.” Nai ipotu iyes nyicamut ŋun,

Aum. 3:26

Ejok ŋinituŋanan torubak idarit Ekapolon anatitinyu; ejok ŋinituŋanan torubak idarit Ekapolon toiu iŋes.

Ŋikis. 1:30

Ekapolon Akuj kus ŋolo ikiŋarenikini iyes, iŋes ebuni ajiore aŋuna kus, lopite ŋolo abunio kitiyaa aŋuna kus alo Ijipit iteete iyes

Ŋikis. 20:4

anerae Ekapolon Akuj kus iŋes ikiŋarenikini iyes akitijiore ŋimoe kus aŋuna kus ikiinak akiloun ŋimoe kus.”

Ŋikis. 3:22

Nyikuryaniar aŋuna kec, anerae Ekapolon Akuj kon iŋes eji aŋuna kon.”

Yos. 10:10

Abu Ekapolon kitubul Ŋiamori tosuros apaki ŋina eŋolikiniata Ŋisirael. Toara Ŋisirael ikes alo Gibeon, kiritarae nakan ŋina alo Bes-Oron, toararae erot daadaŋ akitodol neni anyaritae Aseka ka Makeda.

Yos. 10:14

Mam akoloŋit ace nabo ekoni ŋin, kori ekok ŋin, ŋina abunio Ekapolon kiirarya ŋakiro ŋuna elipa ituŋanan, anerae abu kire Ekapolon toji aŋuna a Ŋisirael.

Yos. 10:42

Kilou Yosua ŋirwosi ŋul daadaŋ ka ŋakwapin kec alotooma akitijikinet apei bon, anerae eŋarakinit Ekapolon ŋolo erae Akuj a Ŋisirael ŋituŋa keŋ.

Yos. 23:10

Abu epei alokidiŋ kus kirit ŋimoe aliput, anerae abu Ekapolon ŋolo erae Akuj kus toji aŋuna kus lopite ŋolo eikinitor.

Yos. 23:3

idaut iyes akiŋolikin ŋakiro daadaŋ ŋuna abu Ekapolon ŋolo erae Akuj kus kitiya lotuŋa a ŋakwapin aŋuna kus; arae Ekapolon ŋolo erae Akuj kus abu toji aŋuna kus.

Ŋikat. 5:20

Apotu ŋikacer elosete alokidiama kitijioto Sesira abu kidiama kiŋaraki Ŋisirael akitijiore Sisera,

1 Sam. 4:7

tokuryaketa Ŋipilistin; anerae apotu ikes temasi, “Apotu ŋakujo neni iboiyoto Ŋisirael.” Temasi nabo ikes, “Okoe ikiloma iwon locan! Nyetakanuna ŋakiro ŋuna ikote nu ŋinapei.