Awos. 14:10 - Ebaibul

¹⁰ Ani eapiyari Parao neni a Ŋisirael, kiŋoliyasi Ŋisirael kaku, kiŋolikis Ŋijipitian eponito neni kec keapuut. Kikalout Ŋisirael nooi neni ke Ekapolon, anerae abu akuryanu min neni kec.

Awos. 14:10 Iomraidhean Croise

2 Ŋakiro a ŋirwa 18:31

Ani iŋolikinete ŋikapolok ŋulu ameto ŋagaari ŋuna eritae a ŋaŋolei ŋul Yeosapat, temasi, “Erae lo kire erwosit a Isirael.” Aŋun, apotu ikes toloto akitijiore Yeosapat; kiworou Yeosapat, kiŋarak Ekapolon iŋes, kitoboŋo Akuj ikes aneni a Yeosapat.

Neem. 9:9

“Ibu iyoŋ kiŋolik ŋican atapapaa kosi alo Ijipit ka ibu kiira akigworo kec ananam a ŋina Areŋan.

Ŋikiru. 106:44

Kikote neni daŋ, abu Akuj kisyoni ikes alocan kec, apaki ŋina eirarya akigworo kec;

Ŋikiru. 107:13

Apotu nai ikes kikaloikis Ekapolon alocan kec, ido abu Ekapolon toiu ikes anatyokisyo kec.

Ŋikiru. 107:19

Apotu nai ikes kikaloikis Ekapolon alocan kec, ido abu Ekapolon toiu ikes anatyokisyo kec.

Ŋikiru. 107:28

Apotu nai ikes kikaloikis Ekapolon alocan kec, ido abu Ekapolon toiu yau ikes anatyokisyo kec.

Ŋikiru. 107:6

Apotu nai ikes kikaloikis Ekapolon alocan kec, ido abu Ekapolon tolaku ikes anatyokisyo kec.

Ŋikiru. 34:17

Ani kikaloikis ŋulu iyookino Ekapolon aŋuna ka akiŋarakino; iirari Ekapolon akigworo kec, ido eiuni ikes alocan kec a daadaŋ.

Ŋikiru. 53:5

Ikes nai ŋul, abul ikes nooi, abul ikes nooi lopite ŋolo nyebulyo ŋinapei, anerae emunyar ŋulu nyikinyomito Akuj, kielakin ŋakoyo kec nakwap isurumyo ikes ŋileec, anerae aŋer Akuj ikes.

Ŋikiru. 81:7

Alocan kus ipotu iyes itonyarata ayoŋ, ido abu ayoŋ okoiu iyes, abu ayoŋ okoboŋok iyes anakibois a ŋina emunono a ŋina ayai neni agiro; abu ayoŋ ekekatak iyes apaki ŋina iyakatar locowae ŋulu a Meriba.

Awos. 13:17

Ani imyekini Parao Ŋisirael toloto, abu Akuj nyisitor ikes lorot ŋolo itori nakwap a Ŋipilistin, tari daŋ ŋina araakar erot ŋolo aapi ŋol; anerae abu Akuj totamak ebe, “Ani kitijikin ŋituŋa lu epedorete akilocokin ŋatameta kec toboŋosi Ijipit.”

Awos. 15:25

Kikalou Moses neni ke Ekapolon, ido abu Ekapolon kitoodik akitoe ŋinadio cici, kimasak Moses akitoe ŋin nakipi, tobobout ŋakipi ŋuna sek adwarak. Abu nai Ekapolon inak Ŋisirael ŋikisila ka ŋuna atubunit iŋes, kikatak ikes

Isa. 26:16

Okoe Ekapolon, apotu ikes ikiwara iyoŋ apaki ŋina ayakatar locan, apotu ikes kilipa neni kon, apaki ŋina isicania iyoŋ ikes.

Isa. 7:2

Ani iirarete ŋituŋa a Daudi atemar ariwo Aram ka Epuraim, tomaranikis Aas ka ŋituŋa keŋ daadaŋ lopite ŋolo emaranikiniata ŋikito anamoni apaki ŋina ekutunia ekuwuam.

Yer. 22:23

Okoe iyes ŋituŋa ŋulu iboiyete alo Lebanon, ŋulu iboiyete anakais a ŋuna edukitoe a ŋakito a Cedar! Ipote iyes aumen apaki ŋina ebunio aryeba neni kus, aryeba ŋina ikwaan ka ŋina a aberu a ŋina eapi akidoun.”

Ŋikis. 9:7

Totamunito ka nyikimuryak iyes epite ŋolo itoŋoitotor iyes Ekapolon Akuj kus analoŋisat, irubakinete iyes iŋereneneete Ekapolon ameun anakoloŋit a ŋina ilomuniata iyes alo Ijipit akitodol akoloŋit ŋina idolunioto iyes nakibois na.

Yos. 24:6

Ani ayauni ayoŋ atapapaa kus alo Ijipit, ipotu iyes todolut Nanam ŋina Areŋan, ido apotu Ŋijipitian ikiwuapakis a ŋagaari ka a ŋaŋolei, todolut tari Nanam ŋina Areŋan.

Yos. 24:7

Nai apotu atapapaa kus kikaloikis Ekapolon akiŋarakin ikes, tosodi abu Ekapolon kiwuak akiryonut kidiŋ ŋisigarya a Ijipit ka iyes, tomunya Ŋijipitian a ŋakipi a ŋuna ka anam. Iyenete iyes ŋilopeyek ŋuna abu ayoŋ etiya lotuŋa a Ijipit. Ekaku, ipotu iyes kiboiyoto apaki ŋina aoyan analoŋisat.

1 Yoa. 4:18

Emam akuryanu anamina, nai iritari amina ŋina itemokino kire akuryanu. Anerae ŋini ekuryanit, eyeni atemar ebunit akisicanio; aŋun, ŋini ekuryanit, eriŋa amina nyitemokino kire neni keŋ.