Awos. 13:3 - Ebaibul

³ Tema nai Moses neni a Ŋisirael, “Totamunito akoloŋit na, akoloŋit ŋina iponiata iyes anakwap a Ijipit, aneni iboiyoto irae ŋipi. Abu Ekapolon ikiyau iyes a nen a apedor keŋ, nyemaikina iyes tonyama amugati adio ŋina eya ŋakinyalet akoloŋit ŋin.

Awos. 13:3 Iomraidhean Croise

Akisy. 15:16

ido eboŋunete ŋiletok kon ne edoli anyamet ŋina a ŋaomwon; anerae eriŋa aronis ŋina a Ŋiamori nyedauna.”

1 Ŋirw. 8:42

anerae iirarete ŋituŋa ekiro kon ŋolo epol nooi ka ŋiticisyo ŋulu itiya iyoŋ ŋulu ka aumokin ka ŋuna ka apedor kon a ŋina itenitor akiŋarakin, ani ebuni igelaanot ŋin akilip iŋoliunit Kai na,

1 Ŋakiro a ŋirwa 16:12

Totamunito ŋiticisyo ŋulu ka aumokin ŋulu etiya iŋes, totamunito ŋakujuwuanisya ŋuna etiya iŋes ka ŋatubonokineta ŋuna abu iŋes tolimununu.

Neem. 1:10

Erae ikes ŋiketiyak kon ka ŋituŋa kon ŋulu ibu iyoŋ tolaku ka apedor kon a ŋina etiron ka a agogoŋu kon.

Neem. 9:10

Ibu iyoŋ kitiya ŋakitoodyanakineta ka ŋaumonokineta akisicania Parao ka ŋiketiyak keŋ daadaŋ ta ŋituŋa daadaŋ ŋulu a akwap keŋ, anerae iyeni iyoŋ atemar apotu ikes kiyata erono neni atapapaa kosi. Ibu iyoŋ kituruun bon a arwonu a ŋina arubaki tari nakoloŋit na.

Ŋikiru. 105:5

Totamunito ŋiticisyo ŋulu ka aumokin ŋulu etiya iŋes, totamunito ŋakujuwuanisya ŋuna etiya iŋes ka ŋatubonokineta ŋuna abu iŋes tolimununu.

Ŋikiru. 114:1

Ani erotokinete Ŋisirael alo Ijipit, apaki ŋina arotokinioto ŋipapae a Yakob alotuŋa a ŋulu agelaana a ŋajep kec,

Ŋikiru. 136:11

Iŋes abu yau Ŋisirael aneni a Ŋijipitian, anerae erae amina keŋ ŋina nyiryaŋiryaŋa ŋina a ŋikaru ka ŋikaru.

Ŋikiru. 136:12

Abu iŋes yau ikes ka apedor a ŋina etiron, anerae erae amina keŋ ŋina nyiryaŋiryaŋa ŋina a ŋikaru ka ŋikaru.

Ŋikiru. 89:14

Itogogoŋito apukan kon akiyookino ka akitub ŋakiro a akiyookino eyakasi neni kon amina ŋina nyiryaŋiryaŋa ka akikinyoma.

Awos. 12:15

Tonyama ŋamugati kus ŋirwa ŋikanikaarei emam ŋakinyalet; akoloŋit ŋina esyaunan alorwa a ŋul, emaikina iyes tolemasi ŋakinyalet anakais kus, anerae ituŋanan daadaŋ ŋini enyami ibore ŋini eya ŋakinyalet akisyakin akoloŋit ŋina esyaunan tari ŋina a ŋakanikaarei, emaikina iŋes nyimari erae Esiraelit.

Awos. 12:17

Kitiyata ŋasuban ŋuna a ŋamugati a ŋuna emam ŋakinyalet, anerae akoloŋit ŋina a ŋasuban a ŋun iŋes abunio ayoŋ oyaunia anakwap a Ijipit ŋatukon kus ŋuna asibito ŋajoresyo. Torubakisi itiyaete ŋasuban ŋun ananyameta kus a daadaŋ ka itamunito ŋasuban ŋun erae etal ŋoloruba jik.

Awos. 12:19

Alotooma ŋirwa ŋikanikaarei ŋulu ke elap a ŋol, nyemaikina ŋakinyalet eyakasi nakais kus. Ituŋanan daadaŋ ŋini enyami ibore ŋini eya ŋakinyalet, emaikina iŋes nyimari erae Esiraelit; kerae iŋes egela, kori Ŋisirael eurito.

Awos. 12:2

“Kimarakisi elap lo toruwor aneni kus elap ŋolo ke epei alotooma ekaru.

Awos. 12:41

Ani edaun ŋikaru ŋul, akoloŋit ŋina jik aŋetakinotor, apotu ŋatukon ŋuna asibito ŋajoresyo ŋuna ke Ekapolon torotokis anakwap a Ijipit.

Awos. 12:42

Arae aneni ke Ekapolon akuwar ŋin ŋina emaikina kitiyaere ŋasuban aŋuna ayaunia Ekapolon Ŋisirael anakwap a Ijipit. Itemokino Ŋisirael daadaŋ etamunito akitiya ŋasuban akuwar ŋin aŋuna ke Ekapolon ananyameta kec a daadaŋ.

Awos. 12:8

Emaikina ikes tonyama akiriŋ ŋin epeitoe, tonyama imoriyarito ka ŋidyas ŋulu adwarak ta ŋamugati ŋuna emam ŋakinyalet.

Awos. 13:14

Ani momit kikiŋit iyoŋ ikoku kon ebe, ‘Nyo apolou a ŋasuban a nu?’ Toboŋok iyoŋ iŋes ebe, ‘A apedori a ŋina ke Ekapolon, abu iŋes ikiyau isua alo Ijipit, anapitoonut.

Awos. 13:9

Emaikina nu totakana aneni kus ikote emacar ŋolo inapete iyes anakan kus ka anakyes kus erae akisiitunet, ikotere nyikimuryakis iyes ŋakiro ŋuna abu Ekapolon kitatam, anerae abu Ekapolon ikiyau iyes a apedori keŋ anakwap a Ijipit.

Awos. 20:2

“Ayoŋ Ekapolon Akuj kus, ŋina abu okoyau iyes anakwap a Ijipit, anakibois a ŋina iraakatar iyes ŋipi.

Awos. 20:8

“Totamunito akoloŋit ŋina a Sabato, ido kituruworito iŋes ŋina asegan.

Awos. 23:15

Totamunito akitiya ŋasuban ŋuna a ŋamugati a ŋuna emam ŋakinyalet. Kitiyata ŋasuban ŋun lopite ŋolo akalimokinitor ayoŋ iyes atemar emaikina tonyama ŋamugati ŋuna emam ŋakinyalet ŋirwa ŋikanikaarei. Kitiyata ŋun alolap a ŋolo ka Abib, anapaki a ŋina akalimokinit ayoŋ iyes, anerae ipotu iyes tolomut alo Ijipit elap ŋolo ka Abib. “Mam ituŋanan emaikina bu neni kaŋ emam ibore eyaunit ainakin ayoŋ.

Awos. 3:20

Aŋun, esitiyae ayoŋ apedor kaŋ, esicani ŋituŋa a Ijipit alorotin a ŋulu ka aumokin a ŋulu alosi ayoŋ akitiyanakin neni kec. Ekaku a ŋun, ikimyekini Parao iyes toloto.

Awos. 34:18

“Totamunito akitiya ŋasuban ŋuna a ŋamugati a ŋuna emam ŋakinyalet. Tonyama ŋamugati ŋuna emam ŋakinyalet ŋirwa ŋikanikaarei, lopite ŋolo akalimokinitor ayoŋ iyes atemar kitiyata ŋun alolap ŋolo ka Abib; anapaki a ŋina akalimokinit ayoŋ iyes, anerae ipotu iyes tolomut alo Ijipit elap ŋolo ka Abib.

Awos. 6:1

Tema nai Ekapolon neni a Moses, “Iŋolikini tokona iyoŋ ŋuna etiyakini ayoŋ neni a Parao: Kire jik, areikini ayoŋ iŋes kimyek ŋituŋa kaŋ toloto, kire areikini ayoŋ iŋes kirita ŋituŋa kaŋ torotokis anakwap keŋ.”

Awos. 6:6

Aŋun, ape tolimok Ŋisirael ebe, ‘Arae ayoŋ Ekapolon, akalakuni ayoŋ iyes anakisicaneta a Ŋijipitian, akalakuni ayoŋ iyes anapitoonut aneni kec. Akalakuni ayoŋ iyes a apedor kaŋ ka esicani ayoŋ ikes nooi.

Awos. 6:7

Akayai ayoŋ iyes irae ŋituŋa kaŋ ka aruwor ayoŋ Akuj kus. Iyenunete iyes atemar arae ayoŋ Ekapolon Akuj kus, ŋolo akalaku iyes anakisicaneta a Ŋijipitian.

Awos. 7:4

Ani pa kiira Parao ŋakiro kon, atiŋi ayoŋ Ijipit neni aronon, ido oyau Ŋisirael ŋituŋa kaŋ a nen a ŋatukon esibit ajore, tolomut anakwap Ijipit anapedor kaŋ a ŋina apolon, a ŋina esicania Ijipit.

Yer. 34:13

“Alimu ayoŋ Ekapolon Akuj a Ŋisirael atemar, abu ayoŋ elope ocamunos ka atapapaa kus apaki ŋina ayaunia ayoŋ ikes anakwap a Ijipit, anakwap a ŋina ka apitoonut, abu ayoŋ otema,

Dan. 9:15

“Nai tokona okoe Ekapolon Akuj kosi, ŋina ibu iyau ŋituŋa kon anakwap a Ijipit a apedor kon a ŋina etiron ka kituruwo ekiro kon ŋolo eyenen alotuŋa tari nakoloŋit na. Ikisec isua ka etiyae isua ŋuna aronok.

Mat. 10:12

Ani ilomarete iyes tooma akai, kimalata ŋituŋa ŋulu ka akai a ŋin.

Luk. 22:19

Tosodi tolemu amugati, tolakar neni ka Akuj, tonyilinyili, inak ikes tema, [“Erae naga akaakuwan ŋina ejalyo ikotere iyes. Kitiyaete ikona ikiitunitotor ayoŋ.”

1 Ŋikor. 11:24

ani kedau alakar neni ka Akuj, tonyilinyili, tolimu tema, “Erae naga akaakuwan ŋina ejalyo ikotere iyes. Kitiyaete ikona ikotere ikiitunitotor ayoŋ.”

1 Ŋikor. 5:8

Nyikinumunum Paska yok a ŋamugati a ŋuna eya ŋakinyalet kec ŋuna ŋorok ŋuna ka asecit ka aronis, nai enumunuma a ŋamugati a ŋuna emam ŋakinyalet--ŋamugati ŋuna itesegunitae ka ŋuna a kire.

Ŋiep. 1:19

nabo daŋ alalau ŋina ka apedor keŋ a ŋina apolon a ŋina itiyae alotooma yok a ŋulu ikinupit. Apedor ŋin ŋina itiyae aneni yok, ikwaan ka apedor

Ŋikis. 13:10

Tocaka iŋes a ŋamoru toara aŋuna acamitor akiteŋer iyoŋ Ekapolon Akuj kon ŋina ikiyauni iyoŋ anakwap a Ijipit anakwap a ŋina ka apitoonut.

Ŋikis. 13:11

Iirarete nai Ŋisirael daadaŋ ŋakiro ŋun, ido tobul ka nyitiyae nabo ituŋanan ice aronis ŋina ikoni ŋin.

Ŋikis. 13:5

Nai emaikina toarae ŋikadwarak ka ŋikerujak ŋul ŋulu edwarete ŋakiro ŋuna eponito ŋul aŋuna erworotor ŋakiro ŋuna ka akiteŋer iyes Ekapolon Akuj kus ŋina ikiyauni iyes anakwap a Ijipit a ŋina ikilakunia iyes anapitoonut. Aŋun ilemarete iyes aronis alokidiŋ kus.

Ŋikis. 13:6

Ani kikicocoya iyoŋ ituŋanan anakimunono, tari kerae lokaato kon kori lokoku a toto kon, kori lokaapa kon, kori lokoku kon, kori nakoku kon, kori aberu kon ŋina imina iyoŋ nooi, kori ekone kon ŋolo imina iyoŋ nooi, ikilimok iyoŋ tema, “Oloto elipa neni a ŋakujo,” (ŋakujo ŋuna nyeyenuna iyoŋ, kori atapapaa kon,

Ŋikis. 15:15

Totamunito atemar iirakasi iyes daŋ ŋipi anakwap a Ijipit, ido abu Ekapolon Akuj kus ikilaku iyes, a ŋakiro a ŋun, ekeciki ayoŋ iyes nakoloŋit na akiwuap akiciket na.

Ŋikis. 16:1

Totamunito elap ŋolo enyaritae Abib aŋuna ka akitiya ŋasuban ŋuna a Paska aŋuna a Ekapolon Akuj kus, anerae alolap a ŋolo enyaritae Abib, abu Ekapolon Akuj kus ikiyau iyes nakwaare anakwap a Ijipit.

Ŋikis. 16:12

Totamunito atemar iraakasi paaran iyes ŋipi anakwap a Ijipit ka kiricakisi ŋikisila lu ejok.

Ŋikis. 16:3

Ani inyamete iyes amuronot ŋin, nyinyama iŋes ka idiobore ŋini eyakar ŋakinyalet. Emaikina iyes tonyama ŋamugati ŋuna emam ŋakinyalet ka akiriŋ a amuronot a ŋin ŋirwa ŋikanikaarei, anerae ipotu iyes tolomut anakwap a Ijipit ikirikirasi nooi, aŋun emaikina iyes ŋirwa a akiyar kus daadaŋ totamunito akoloŋit ŋina irotokinioto iyes anakwap a Ijipit.

Ŋikis. 24:18

Totamunito atemar iraakasi paaran iyes ŋipi alo Ijipit, ido abu Ekapolon ikilaku iyes a nen, aŋun ekeciki ayoŋ iyes akitiya ŋun.

Ŋikis. 24:22

Totamunito atemar iraakasi paaran iyes ŋipi anakwap a Ijipit, aŋun, ekeciki ayoŋ iyes akitiya ŋun.

Ŋikis. 26:8

Abu Ekapolon ikiyau isua alo Ijipit a apedor keŋ a ŋina etiron ka akiŋarakinet ka a ŋiticisyo a ŋulu apolok nooi a ŋulu etubulok ka ŋakitoodyanakineta ka ŋaumonokineta,

Ŋikis. 4:34

Kori eya mono ŋituŋa a akwap adio ŋulu abu Akuj tolemu anakwap a ace aŋuna keŋ a ŋakikatanakineta, a ŋakitoodyanakineta, a ŋaumonokineta, a ejie, a apedor a ŋina etiron, agogoŋu ka a ŋiticisyo a ŋulu apolok nooi a ŋulu etubulok, lopite ŋolo etiyaa Ekapolon Akuj kus ŋun daadaŋ aŋuna kus alo Ijipit, iteete iyes a?

Ŋikis. 5:15

Totamunito atemar irae koloŋ iyes ŋipi anakwap a Ijipit, ido abu Ekapolon Akuj kus ikiyau iyes anakwap a ŋin ka apedor keŋ a ŋina etiron ka agogoŋ. Aŋun, abu Ekapolon ikicik iyes atamunit akoloŋit ŋina a Sabato.

Ŋikis. 5:6

“Ayoŋ Ekapolon Akuj kus ŋina abu okoyau iyes anakwap a Ijipit, anakibois a ŋina iraakatar iyes ŋipi.

Ŋikis. 6:12

tocoito nyikimuryak Ekapolon ŋolo ikiyauni iyes anakwap a Ijipit, anakwap a ŋina ka apitoonut.

Ŋikis. 6:21

Ilimokinete iyes ŋidwe kus ebe, “Araakae paaran isua ŋipi a Parao alo Ijipit, nai abu Ekapolon ikiyau isua alo Ijipit ka apedor keŋ a ŋina etiron.

Ŋikis. 7:8

Nai arae aŋuna ikiminar Ekapolon iyes ka aŋuna ewuapitor akiikinet ŋina abu iŋes kikoŋ neni atapapaa kus, ŋakiro ŋun ikes ikiyaunia Ekapolon iyes ka apedor keŋ a ŋina etiron ka ikilaku iyes anakwap a ŋina ka apitoonut, anapedor a Parao a erwosit a Ijipit.

Ŋikis. 8:14

nyiturokinosi aŋun, ikimuryak Ekapolon Akuj kus, ŋina ikiyauni iyes anakwap a Ijipit a ŋina iraakatar iyes ŋipi,

Ŋikis. 9:12

Tema nai Ekapolon neni kaŋ, “Tonyou, kionyak atipei totiyaar kwap, anerae adaut ŋituŋa kon ŋulu ibu iyoŋ yau alo Ijipit akitiya ŋuna aronok. Emyekis ikes atipei ŋuna abu ayoŋ ecikit ikes akiwuap, ido itiyaut aŋuna kec etorube a akuj.”

Yos. 24:17

Anerae erae Ekapolon ŋolo erae Akuj kosi iŋes abu ikiyau isua ka atapapaa kosi anakwap a Ijipit, aneni araakare isua ŋipi, abu kitiya ŋaumonokineta ŋuna apolok kiteetei isua. Abu iŋes ikiten isua alorotin a daadaŋ ka anakwapin a daadaŋ a ŋuna aponi isua tolomarae analosit kosi.

Ŋikat. 2:12

kimyekis ikes Ekapolon Akuj atapapaa kec ŋina ayauni ikes anakwap a Ijipit, tosodo kiwuapa ŋakiro ŋace ŋuna a ŋituŋa a ŋulu eboiyete alodiyete kec, kilipa neni a ŋakujo a ŋun; aŋun, apotu ikes kitoŋoa Ekapolon.

Ŋikat. 6:8

abu Ekapolon kiyakik Ŋisirael ekadwaran, tosodi ekadwaran tolimok Ŋisirael tema, “Ebala Ekapolon Akuj a Isirael ebe, ‘Abu ayoŋ okoyau iyes anakwap a Ijipit, okoyau iyes anakwap a ŋina a iraakatar iyes ŋipi;