Awos. 12:48 - Ebaibul

⁴⁸ Itemokino igelaanot daadaŋ ŋini iboiyete ka iyes ŋini ecamit akitiya ŋasuban ŋun, kileŋer ŋisapa alokal keŋ daadaŋ, tosodi kitiya ŋasuban ŋun esibit ituŋanan ŋini ka akwap kus. Nai nyemaikina ituŋanan ŋini nyileŋeritae enyami ŋasuban ŋun.

Awos. 12:48 Iomraidhean Croise

Akisy. 17:11

Kileŋera ikes toruwor ŋol emacar ŋolo ka acamunet kaŋ ka iyes.

Akisy. 17:12

Ananyameta kus a daadaŋ, itemokino kileŋerae ŋidwe ŋulusapa daadaŋ apaki ŋina edolio ŋinikoku ŋirwa ŋikanikauni, itemokino kileŋerae tari ŋidwe a ŋipi ŋulu idounio alorerya kus ka ŋulu igyelunete iyes alotuŋa a ŋulugelae, a ŋulu nyerae ŋidwe a ŋiletok kus.

Awos. 12:19

Alotooma ŋirwa ŋikanikaarei ŋulu ke elap a ŋol, nyemaikina ŋakinyalet eyakasi nakais kus. Ituŋanan daadaŋ ŋini enyami ibore ŋini eya ŋakinyalet, emaikina iŋes nyimari erae Esiraelit; kerae iŋes egela, kori Ŋisirael eurito.

Awos. 12:43

Tema Ekapolon neni a Moses ka Aron, “Erae nu ŋakiro ŋuna emaikina kiwuapae anasuban a Paska: Mam igelaanot emaikina tonyam ŋasuban a Paska.

Esek. 14:7

Ani kelot aneni kaŋ Esiraelit edio, kori ituŋanan ŋinigelaanot ŋini iboi alo Isirael, kiwuak etau keŋ neni a ŋakujo ka kimyek aronis erikori iŋes nasecit, ido ani kitiya ŋun, tolot neni a ekadwaran, akiŋit ŋuna abala ayoŋ, ayoŋ Ekapolon elope aboŋokini iŋes.

Esek. 44:9

“‘Alimu ayoŋ Ekapolon Akuj atemar mam ituŋanan ŋinigelaanot ŋini nyileŋeritae, ŋini emaikina toloma nakibois kaŋ ŋina asegan, tari ituŋanan daadaŋ ŋinigelaanot ŋini iboiyete ka Ŋisirael, nyecamakinitae elomari nakibois kaŋ ŋina asegan.

Esek. 47:22

Iryamunete iyes iŋes erae ŋina aruwor ŋina kus jik. Emaikina ŋituŋa ŋulugelae ŋulu iboiyete ka iyes, ŋulu adaut auruun ŋidwe a ne toryamut neni eruwor neni kec apaki ŋina ikoryata iyes akwap. Emaikina ikes yae erae ŋituŋa ŋulu ka akwap a Isirael. Emaikina ikes kilamilama kaapei ka iyes apaki ŋina ekorere akwap neni a ŋikabilae a Isirael.

Ŋilep. 19:34

Emaikina iyes totiŋito ituŋanan ŋin esibit erae ŋini a ekabila kus pei. Tominas iŋes ikwa imininia iyes make, anerae iraakasi paaran iyes daŋ ŋigelaanotin alo Ijipit. Arae ayoŋ Ekapolon Akuj kus.

Ekim. 9:14

Ani keyai ituŋanan ŋinigelaanot ŋini iboiyoto iyes ŋini ecamit akinumunum ŋasuban a Paska neni ke Ekapolon epedori iŋes akinumunum ŋasuban ŋun alopite a ŋolo etubunitere akitiya ŋasuban ŋuna a Paska ka iwuapito ŋikisila a ŋasuban a ŋun, ŋakiro ŋuna etubunitoe ikes emaikina ŋituŋa daadaŋ kerae egelaanot, kori Esiraelit kiwuapa.’ ”

Ŋigal. 3:28

Aŋun, emam atyaketait eyai kidiŋ Ŋiyudayan ka ŋulu nyerae Ŋiyudayan, kidiŋ ŋipi ka ŋulu nyerae ŋipi, kidiŋ ŋikilyok ka ŋaberu; iraakasi iyes daadaŋ ŋipei anakimorikina ka Yesu Kristo.

Ŋikol. 3:11

Aŋakiro a ŋun, emam nabo atyaketait eyai kidiŋ Ŋiyudayan ka ŋulu nyerae Ŋiyudayan, kidiŋ ŋituŋa ŋulu ileŋeritae ka ŋulu nyileŋeritae, ŋulu a ŋikabilae a ŋice, ŋituŋa ŋulu emam akiyen, ŋipi ka ŋituŋa ŋulu elacakina, nai Kristo iŋes epol akilo daadaŋ ka eyai Kristo neni a daadaŋ.