Awos. 12:28 - Ebaibul

²⁸ Apotu ikes kitiyata ŋuna ecikit Ekapolon Moses ka Aron.

Awos. 12:28 Iomraidhean Croise

2 Sam. 5:25

Abu Daudi kitiya ikwa alimokinitor Ekapolon iŋes; toar iŋes Ŋipilistin akisyakin alo Geba erot daadaŋ tari Geser.

1 Ŋirw. 17:5

Aŋun, abu Eliya tolot, kitiya ikwapei alimunitor Ekapolon anakirot keŋ, tolot iŋes kiboi alodiyete ayonae Ceris, ŋina ayai Kide Yorodan.

Awos. 12:27

Iboŋokinete iyes ikes ebe, ‘Erae amuronot ŋina a Paska neni ke Ekapolon, anerae abu iŋes tolunyar anakais a Ŋisirael alo Ijipit, ikimyek isua apaki ŋina aarya Ŋijipitian.’ ” Ekaku aŋun, apotu Ŋisirael toryediko kilipa.

Awos. 12:29

Ani edoli kidiŋ akuwar, toar Ekapolon ŋikiyae alo Ijipit daadaŋ, akisyakin aneni a ŋini a Parao a ŋini emaikina kisiboikinoe lokicoloŋ akipuka, tari neni a ŋini a emabus a ŋolo ayai lojera ka ŋikiyae daadaŋ ŋulu a ŋibaren kec.

Awos. 12:35

Apotu Ŋisirael kitiyata ŋuna alimokinit Moses ikes; kijaununut aneni a Ŋijipitian ŋiboro ŋulu etiyaunitae a esilipa ka egolid kaapei ka ŋilowi daŋ.

Awos. 14:4

Etogogoŋi ayoŋ akou a Parao, ido ikiwuapak iyes, ikotere ayoŋ oryamu apolou anakiloun Parao ka ŋasigarya keŋ daadaŋ ka eyenunete Ŋijipitian atemar arae ayoŋ Ekapolon.” Apotu Ŋisirael kitiyata ŋun.

Awos. 36:1

Apotu Besalel ka Oliab ta daadaŋ ŋulu abu Ekapolon inak apiiryanut ka aosou ŋina enunet epite ŋolokitiyaet ŋiticisyo daadaŋ ŋulu edukunere akibois ŋina Asegan, kitiyata daadaŋ ŋuna ecikit Ekapolon ikes akitiya.

Awos. 39:32

Aŋun, aponi kirikakinae etic daadaŋ ŋolo ke Eema ŋolo iryamununoi aŋuna ke Ekapolon. Apotu Ŋisirael kitiyata etic daadaŋ lopite ŋolo ecikitor Ekapolon Moses.

Awos. 39:42

Apotu Ŋisirael kitiyata etic daadaŋ lopite ŋolo ecikitor Ekapolon Moses.

Awos. 39:43

Ani eanyuni Moses atemar erikakis ikes etic daadaŋ lopite ŋolo ecikitor Ekapolon iŋes, abu kiterereŋ ŋituŋa.

Awos. 7:10

Aŋun, apotu Moses ka Aron toloto neni a Parao, kitiyata ikwapei ecikitor Ekapolon ikes; abu Aron kimasak ebela keŋ kwap kiŋaren a Parao ka ŋulu apolok anapukan keŋ, ido abu ebela ŋol kilocokin toruwor emun.

Awos. 7:6

Aŋun, apotu Moses ka Aron kitiyata ŋuna ecikit Akuj ikes akitiya.

Ŋilep. 24:23

Abu nai Moses kirwor ŋakiro ŋun neni a Ŋisirael, ido apotu ikes yaasi ekeyanyan ŋol kiŋa alomar tocaka a ŋamoru. Kitiya ikes lopite ŋolo ecikitor Ekapolon Moses.

Ekim. 1:54

Apotu Ŋisirael kitiyata ŋun daadaŋ lopite ŋolo ecikitor Ekapolon Moses.

Ekim. 31:31

Apotu Moses ka Eleasar esacaradoti kitiyata lopite ŋolo ecikitor Ekapolon Moses.

Ekim. 31:41

Abu Moses inak ŋainakineta ŋuna atyakakinitae Ekapolon neni ke Eleasar a esacaradoti, lopite ŋolo ecikitor Ekapolon Moses.

Ekim. 31:47

Alotooma ŋiboro lu ŋulu atyakakinitae Ŋisirael ŋuluce daadaŋ, abu Moses totyaka ipei alotooma ŋatomonikan a ŋituŋa ka a ŋibaren, ido inak neni a ŋilepi a ŋiketiyak loeema ŋolo ke Ekapolon, lopite ŋolo ecikitor Ekapolon Moses.

Ekim. 5:4

Apotu nai Ŋisirael kitiyata ŋun, kiritasi analomar kec ŋituŋa ŋul daadaŋ ikwapei alimokinitor Ekapolon Moses.

Ŋikis. 34:9

Kilelebun etau ŋolo ka aosou neni a Yosua a lokoku a Nun, anerae abu Moses kidokok ŋakan keŋ neni keŋ ka apotu Ŋisirael kiwuapa ŋakiro keŋ itiyaete lopite ŋolo ecikitor Ekapolon Moses.

Ŋibur. 11:28

Anupit iŋes ageunia Moses ŋasuban ŋuna a Paska ka tolimu atemar towuatae ŋikekya ŋulu a ŋakais a ŋaokot, ikotere emalaika ŋolo ka Atwanare nyear ŋidwe a Ŋisirael ŋulu kiyae ŋulusapa.

Yos. 14:5

Anakikor kec ŋalup, apotu Ŋisirael kitiyata ikwaŋina abunio Ekapolon kicikia Moses.

Yos. 2:21

Tolimu Raab tema, “Ŋuna idaut iyes alimun, daadaŋ ŋunapei.” Kimyek nai iŋes ikes toloto. Tosodi nai toenik arac ŋina areŋan lodirisa.

Yos. 4:8

Kitiyata Ŋisirael ikwapei ecikitor Yosua ikes, apotu kideput alokidiŋ aŋolol Yorodan ŋamoru ŋatomon ka ŋaarei ekimar ŋolo a ŋikabilae a Ŋisirael, lopite ŋolo kelimokinitor Ekapolon Akuj Yosua. Apotu ikes yaasi ŋamoru tari neni alomete ikes kiwuakis nen.