Awos. 12:16 - Ebaibul

¹⁶ Akoloŋit ŋina esyaunan, emaikina iyes totukokinos aŋuna ka akilip neni ke Ekapolon, ani nabo edoli akoloŋit ŋina a ŋakanikaarei, emaikina totukokinos aŋuna ka akilip neni ke Ekapolon. Nyitiyata etic edyo alorwa a ŋul, mati akipore akimuj ŋina enyami ŋinituŋanan, ŋun bon emaikina iyes kitiyata.

Awos. 12:16 Iomraidhean Croise

Awos. 16:23

tema Moses neni kec, “Ŋakiro nu ikes ikicik iyes Ekapolon ebe, ‘Erae moi taparacu akoloŋit ŋina nyemaikina idiotuŋanan kitiya ediotic, erae akoloŋit ŋina asegan ŋina ke Ekapolon, ŋina enyaritae Sabato. Kipoto ŋamugati ka ŋinibore daadaŋ icamito iyes akipore. Akimuj daadaŋ ŋina ipoete, ido nyimuji, emaikina iyes kiŋadaasi akitodol moi taparacu.’ ”

Awos. 16:29

Toyenutu nu atemar, adau Ekapolon ainakin iyes akoloŋit ŋina a Sabato akieŋunia. Ŋakiro ŋun nai abunio iŋes ikiinak iyes akimuj ŋina a ŋirwa a ŋiarei akoloŋit ŋina a ŋakanikapei. Emaikina ŋinituŋanan kieŋu akoloŋit ŋina a ŋakanikaarei aneni iboiyo, mam ituŋanan emaikina toloma kiŋa.”

Awos. 16:5

Ani edoli ŋirwa ŋikanikapei, emaikina ikes tocunut akimuj ŋina elal nooi adepar ŋina sek ecunete ikes alotooma akoloŋit apei.”

Awos. 20:10

Nai akoloŋit ŋina a ŋakanikaarei erae Sabato, akoloŋit ŋina ke Ekapolon Akuj kus; akoloŋit ŋin, nyitiyata etic edio: Nyitiyata iyes, nyitiyaete tari ŋidwe kus ŋulusapa, kori ŋulupesur, ŋiketiyak kus, kori ŋaketiyak kus, ŋibaren kus, kori ŋituŋa ŋulugelae ŋulu iboiyete alotaun kus,

Awos. 34:18

“Totamunito akitiya ŋasuban ŋuna a ŋamugati a ŋuna emam ŋakinyalet. Tonyama ŋamugati ŋuna emam ŋakinyalet ŋirwa ŋikanikaarei, lopite ŋolo akalimokinitor ayoŋ iyes atemar kitiyata ŋun alolap ŋolo ka Abib; anapaki a ŋina akalimokinit ayoŋ iyes, anerae ipotu iyes tolomut alo Ijipit elap ŋolo ka Abib.

Isa. 1:13

Mam ajokis eyai nayaunun ŋainakineta, nyeketalakarit ayoŋ ekinyate kus. Nyacamit ayoŋ ŋasuban kus ŋuna a elap a ŋolokitete, ŋuna a Sabato ka ŋasuban kus ŋace ŋuna inyaraununotor iyes iwapei, erae ŋun daadaŋ ŋuna aronok. Nyacamit ayoŋ akidaŋidaŋ ŋasuban ŋuna ka asecit ŋuna ilipyata iyes.

Ŋilep. 23:21

Akoloŋin ŋin, emaikina kiserata ŋakiro ŋuna a ŋasuban, tocunakinos iwapei kilipa irae ŋulu asegak; nyilot loticisyo kus akitiya. Erae ŋun ŋakiro ŋuna etubunitoe ŋuna a ŋikaru ka ŋikaru ananyameta kus a daadaŋ ka aneni daadaŋ iboiyoto iyes.

Ŋilep. 23:27

“Ani edoli ŋirwa ke elap ŋitomon, elap ŋolo a ŋikanikaarei, erae akoloŋit ŋin ŋina itiyaere amooki. Tocunakinos iwapei irae ŋulu asegak, kiredakisi akiron ka yaasi ainakinet ŋina epeyo neni ke Ekapolon.

Ŋilep. 23:35

Erae akoloŋit ŋina esyaunan ŋina icunakinotor iyes iwapei kilipa irae ŋulu asegak, nyitiyata ŋiticisyo kus.

Ekim. 28:18

Akoloŋit ŋin, emaikina ŋituŋa tocunakinos iwapei kilipa, nyilot loticisyo kus akitiya.

Ekim. 28:25

Tosodi akoloŋit ŋina a ŋakanikaarei emaikina iyes tocunakinos iwapei kilipa, nyiloto loticisyo kus kitiyata.

Ekim. 28:26

Akoloŋit ŋina iyauniata iyes ŋaraito ŋuna eŋarenok, apaki ŋina iyauniata iyes neni ke Ekapolon ainakinet ŋina a ŋikinyom aŋuna a ŋasuban a ŋisabito, emaikina iyes tocunakinos kilipa, nyilot loticisyo kus kitiyata.

Ekim. 29:1

Ŋirwa ke elap epei elap ŋolo a ŋikanikaarei, emaikina iyes tocunakinos iwapei kilipa, nyemaikina iyes toloto loticisyo kus kitiyata, erae akoloŋit ŋin ŋina ikusyata iyes ŋarupepe,

Ekim. 29:12

Ŋirwa ke elap ŋitomon ka ŋikan elap ŋolo a ŋikanikaarei, emaikina tocunakinos iwapei kilipa, nyilot loticisyo kus kitiyata. Emaikina iyes kinumunuma ŋasuban neni ke Ekapolon ŋirwa ŋikanikaarei.

Yoa. 19:31

Aŋina araakar apaaran ŋina etemonokinere aŋuna a ŋasuban a Paska, apotu ŋikarikok a Ŋiyudayan kiŋita Pilato tobilae ŋakejen a ŋulu ebubukinitoe ka tolemunae ŋawat alomusalabae, anerae pa acamitae ŋawat eyakasi lomusalabae akoloŋit ŋina a Sabato. (Arae Sabato ŋin ŋina apolon nooi.)

Ŋikis. 16:8

Irubakinete iyes inyamete ŋamugati ŋuna emam ŋakinyalet ŋirwa ŋikanikapei, ani edoli akoloŋit ŋina a ŋakanikaarei, emaikina tocunakin ŋituŋa aŋuna ka akilip, akoloŋit ŋin, mam etic emaikina kitiyae.