Awos. 12:15 - Ebaibul

¹⁵ Tonyama ŋamugati kus ŋirwa ŋikanikaarei emam ŋakinyalet; akoloŋit ŋina esyaunan alorwa a ŋul, emaikina iyes tolemasi ŋakinyalet anakais kus, anerae ituŋanan daadaŋ ŋini enyami ibore ŋini eya ŋakinyalet akisyakin akoloŋit ŋina esyaunan tari ŋina a ŋakanikaarei, emaikina iŋes nyimari erae Esiraelit.

Awos. 12:15 Iomraidhean Croise

Akisy. 17:14

Isapat daadaŋ ŋini nyileŋeritae, eruwor igela alotuŋa keŋ, ido adau akimen acamunet kaŋ ka iyes.”

2 Ŋakiro a ŋirwa 30:21

Apotu nai Ŋisirael ŋulu acunakina Yerusalem torubakis ŋirwa ŋikanikaarei itiyaete ŋasuban ŋuna a ŋamugati a ŋuna emam ŋakinyalet, tolelyana nooi, ido aeosi a ŋinakoloŋit ŋilepi ka ŋisacaradotin isitiyaete ŋiboro ŋulu eore neni ke Ekapolon.

Esir 6:22

Apotu ikes kinumunuma ka alelyanu ŋasuban ŋuna a ŋamugati a ŋuna emam ŋakinyalet, kinumunuma ikes ŋasuban ŋun ŋirwa ŋikanikaarei, anerae abu Ekapolon inak ikes alelyanu ka abu kilocok etau a erwosit ka Asiriya tominak ikes ka abu erwosit ŋol kiŋarak Ŋisirael alotic a ŋolo ka akiduk Akai ka Akuj a Isirael.

Awos. 12:8

Emaikina ikes tonyama akiriŋ ŋin epeitoe, tonyama imoriyarito ka ŋidyas ŋulu adwarak ta ŋamugati ŋuna emam ŋakinyalet.

Awos. 13:3

Tema nai Moses neni a Ŋisirael, “Totamunito akoloŋit na, akoloŋit ŋina iponiata iyes anakwap a Ijipit, aneni iboiyoto irae ŋipi. Abu Ekapolon ikiyau iyes a nen a apedor keŋ, nyemaikina iyes tonyama amugati adio ŋina eya ŋakinyalet akoloŋit ŋin.

Awos. 23:15

Totamunito akitiya ŋasuban ŋuna a ŋamugati a ŋuna emam ŋakinyalet. Kitiyata ŋasuban ŋun lopite ŋolo akalimokinitor ayoŋ iyes atemar emaikina tonyama ŋamugati ŋuna emam ŋakinyalet ŋirwa ŋikanikaarei. Kitiyata ŋun alolap a ŋolo ka Abib, anapaki a ŋina akalimokinit ayoŋ iyes, anerae ipotu iyes tolomut alo Ijipit elap ŋolo ka Abib. “Mam ituŋanan emaikina bu neni kaŋ emam ibore eyaunit ainakin ayoŋ.

Awos. 30:33

Ituŋanan daadaŋ ŋini inyaluni ace ŋina ikwaan ka ŋin, kori ituŋanan daadaŋ ŋini iosakini akimyet ŋin neni a ituŋanan a ŋini nyemaikina kitaleunoe, emaikina ituŋanan ŋin totyakarae alotuŋa keŋ.’”

Awos. 30:38

Ituŋanan daadaŋ ŋini inyaluni ece ŋolo ikwaan ka ŋol ecamit akitukukunyo akibois keŋ, emaikina ŋin totyakarae alotuŋa keŋ.”

Awos. 31:14

Totamunito akoloŋit ŋina a Sabato, anerae erae akoloŋit ŋina italeunitoe aŋuna kus. Aŋun, ituŋanan daadaŋ ŋini nyetamunit akoloŋit ŋin, emaikina toarae. Ituŋanan daadaŋ ŋini itiyae etic akoloŋit ŋin, emaikina totyakarae alotuŋa keŋ.

Awos. 34:18

“Totamunito akitiya ŋasuban ŋuna a ŋamugati a ŋuna emam ŋakinyalet. Tonyama ŋamugati ŋuna emam ŋakinyalet ŋirwa ŋikanikaarei, lopite ŋolo akalimokinitor ayoŋ iyes atemar kitiyata ŋun alolap ŋolo ka Abib; anapaki a ŋina akalimokinit ayoŋ iyes, anerae ipotu iyes tolomut alo Ijipit elap ŋolo ka Abib.

Awos. 34:25

“Nyemaikina iyes kiwuakis ŋakinyalet naokot ŋuna ka amuronot a ŋina eyaunitae neni kaŋ, ido nyemaikina iyes kimyekis akiriŋ a amuronot a ŋina a Paska kiboi kiwalak.

Ŋilep. 17:10

“‘Ani kenyam Esiraelit edio ŋaokot kori igelaanot ŋini iboiyete ka ikes, etoroniyari ayoŋ ituŋanan ŋin eŋolikini, ido eritari iŋes alotuŋa kaŋ;

Ŋilep. 17:14

“‘Erae ŋun, anerae ŋaokot ikes iteyarete ŋinisubuna daadaŋ. Ŋakiro ŋun ikes alimokinitor ayoŋ Ŋisirael atemar, nyemaikina iyes tonyama ŋaokot a isubuna a idio. anerae ŋaokot ikes iteyarete ŋinisubuna daadaŋ. Kenyam ituŋanan idio ŋaokot, emaikina kiritarae aneni a ŋuluce.

Mal. 2:12

Elipi Ekapolon tolema alotuŋa a Yakob daadaŋ ŋulu eiitut ŋaberu ŋun, ŋulu isimukekinito ŋakiro ŋun, ŋulu egasete ŋakiro ŋun, tari daŋ keyaununete ikes ŋainakineta kec neni ke Ekapolon a ŋolo Etiron.

Ekim. 28:17

Ani edoli ŋirwa ke elap ŋitomon ka ŋikan elap ŋol, emaikina kitiyata ŋasuban; emaikina ŋituŋa kimuja ŋamugati ŋuna emam ŋakinyalet ŋirwa ŋikanikaarei.

Ekim. 9:13

Nai ituŋanan daadaŋ ŋini nyitoroniyaritae ka nyelosit iwace, ido nyitiya ŋasuban a Paska nyelosi iwace, ido nyinumunum ŋasuban a Paska, nyeriŋa imarakinio iŋes erae ipei a ŋituŋa kaŋ aŋuna pa ainakinia iŋes ainakinet neni ke Ekapolon akoloŋit ŋina etubunitoe. Eryamuni iŋes akisicanio aŋuna ka asecit keŋ.

Mat. 16:12

Toyenut nai ŋikasyomak atemar meere ŋakiro a ŋamugati aŋuna emam ŋasip kec erworo Yesu, nai ŋakiro ŋuna itatamete Ŋiparisayon ka Ŋisadukayon.

Luk. 12:1

Tocunakinos ŋituŋa ŋalipyo ŋuna alalak nooi neni a Yesu, kidiŋidiŋakinos, kicakacakas. Tolimok Yesu ŋikeekasyomak apaki ŋin tema, “Tocoito ŋakinyalet ŋuna a Ŋiparisayon, ŋuna erae ŋisoswae.

Luk. 2:43

Ani edaunosi ŋasuban ŋuna a Paska, toboŋosi ikes lore; nai kebu esapat Yesu kidoŋ Yerusalem pa eyenete ŋikeekauruunak.

Ŋitic. 12:3

Ani eanyuni iŋes atemar ajoikinito ŋakiro ŋun Ŋiyudayan, abu kikamu Petero daŋ. (Atakanunete ŋakiro nu apaki ŋina enumunumere ŋasuban ŋuna a ŋamugati a ŋuna emam ŋakinyalet kec.)

Ŋigal. 5:12

Tolimokisi ŋituŋa ŋulu ikibatarito iyes, ŋulu ecamito akileŋeryo ŋul, kidoŋos daŋ make!

Ŋikis. 16:3

Ani inyamete iyes amuronot ŋin, nyinyama iŋes ka idiobore ŋini eyakar ŋakinyalet. Emaikina iyes tonyama ŋamugati ŋuna emam ŋakinyalet ka akiriŋ a amuronot a ŋin ŋirwa ŋikanikaarei, anerae ipotu iyes tolomut anakwap a Ijipit ikirikirasi nooi, aŋun emaikina iyes ŋirwa a akiyar kus daadaŋ totamunito akoloŋit ŋina irotokinioto iyes anakwap a Ijipit.

Ŋikis. 16:5

Nyikicamakinitae iyes ainakin amuronot ŋina a Paska alotaun kus a edio a ŋolo ikiinakini Ekapolon Akuj kus iyes.

Ŋikis. 16:8

Irubakinete iyes inyamete ŋamugati ŋuna emam ŋakinyalet ŋirwa ŋikanikapei, ani edoli akoloŋit ŋina a ŋakanikaarei, emaikina tocunakin ŋituŋa aŋuna ka akilip, akoloŋit ŋin, mam etic emaikina kitiyae.