Awos. 12:14 - Ebaibul

¹⁴ “Emaikina iyes torubakis itamunito akoloŋit na, kitiyaete ŋasuban aŋuna ke Ekapolon akoloŋit na ananyameta kus a daadaŋ ka itamunito ŋasuban ŋun erae etal ŋoloruba jik.

Awos. 12:14 Iomraidhean Croise

2 Ŋirw. 23:21

Abu erwosit Yosia tolimok ŋituŋa tema, “Kiwuapito etal ŋolo a Paska a Ekapolon Akuj kus lopite ŋolo elimunitere alokitaabo alo a ŋolo ka acamunet.”

Ŋikiru. 111:4

Nyecamit Ekapolon iwon ikimuryakis ŋiticisyo keŋ ŋulu ka aumokin; erimaana Ekapolon ka isyoniono.

Ŋikiru. 135:13

Okoe Ekapolon, eyai ekiro kon jik ŋikaru ka ŋikaru, okoe Ekapolon ikiyenete iyoŋ ŋituŋa a ŋanyameta a daadaŋ,

Awos. 12:17

Kitiyata ŋasuban ŋuna a ŋamugati a ŋuna emam ŋakinyalet, anerae akoloŋit ŋina a ŋasuban a ŋun iŋes abunio ayoŋ oyaunia anakwap a Ijipit ŋatukon kus ŋuna asibito ŋajoresyo. Torubakisi itiyaete ŋasuban ŋun ananyameta kus a daadaŋ ka itamunito ŋasuban ŋun erae etal ŋoloruba jik.

Awos. 12:24

Kiwuapa ŋakiro nu toruwor ŋunarubae aneni kus ka aneni a ŋidwe kus.

Awos. 12:43

Tema Ekapolon neni a Moses ka Aron, “Erae nu ŋakiro ŋuna emaikina kiwuapae anasuban a Paska: Mam igelaanot emaikina tonyam ŋasuban a Paska.

Awos. 12:6

Kiyoko ŋibaren ŋul akitodol ŋirwa ke elap a lo ŋitomon ka ŋiomwon akoloŋit ŋina emaikina Ŋisirael daadaŋ toareta ŋibaren ŋul eikuuni akoloŋ eapuuni adoiyor.

Awos. 23:15

Totamunito akitiya ŋasuban ŋuna a ŋamugati a ŋuna emam ŋakinyalet. Kitiyata ŋasuban ŋun lopite ŋolo akalimokinitor ayoŋ iyes atemar emaikina tonyama ŋamugati ŋuna emam ŋakinyalet ŋirwa ŋikanikaarei. Kitiyata ŋun alolap a ŋolo ka Abib, anapaki a ŋina akalimokinit ayoŋ iyes, anerae ipotu iyes tolomut alo Ijipit elap ŋolo ka Abib. “Mam ituŋanan emaikina bu neni kaŋ emam ibore eyaunit ainakin ayoŋ.

Awos. 27:21

Emaikina Aron ka ŋidwe keŋ ŋulusapa kidara ŋitaae enokete ŋinapei eboŋ tari taparacu alokiŋaren Ekapolon, anakibois a ŋina ilipere a ŋina ayaaye anaŋga alokiŋaren Eema. Emaikina nu toruwor etal ŋolo erae eruba aneni a Ŋisirael tari a ananyameta a ŋuna eponito.

Awos. 5:1

Ani ekaku, toloto Moses ka Aron neni a Parao temasi, “Ŋakiro ŋuna irworo Ekapolon Akuj a Isirael ikes nu ebe, ‘Kimyek ŋituŋa kaŋ toloto, ikotere kitiyata ŋasuban aŋuna kaŋ analoŋisat.’ ”

Esek. 46:14

Emaikina iŋes tolemununu a ŋinataparacu ikwapei ainakinet ŋina a ŋikinyom ŋakirya ŋuna erae ŋakiloi ŋaarei kaapei alita apei ŋina ka akimyet aŋuna ka akiguryo ŋakirya. Emaikina ŋun kitiyae neni a Ekapolon ŋikaru ka ŋikaru.

Ŋilep. 23:6

Ani edoli ŋirwa ke elap a ŋol ŋitomon ka ŋikan, kitiyata neni ke Ekapolon ŋasuban ŋuna a ŋamugati aŋuna emam ŋakinyalet; tonyama ŋamugati ŋuna emam ŋakinyalet ŋirwa ŋikanikaarei.

Sakar 6:14

Emaikina erae Elidai, Tobiya ka Yedaia ta Yosia lokoku a Sepania idarete ebokot ŋol, ikwapei ibore ŋini etamunitae alo Kai ke Ekapolon.”

Ekim. 10:8

Ŋidwe ka Aron ŋulusapa ŋulu erae ŋisacaradotin ikes emaikina ekusete ŋarupepe, emaikina ŋun kiwuapae ananyameta a daadaŋ a ŋuna eponito.

Ekim. 15:15

Nai aŋuna ka atukot, erae ekisil epei aŋuna kus a daadaŋ Ŋisirael ka ŋigelaanotin ŋulu iboiyete ka iyes, erae ekisil ŋolo a ŋikaru ka ŋikaru ananyameta kus a daadaŋ; iruworosi iyes Ŋisirael ka ŋulugelaanotin ŋipei alokiŋaren Ekapolon.

Ekim. 16:40

erae ŋin akitoodikinet neni a Ŋisirael atemar mam ituŋanan ŋinigela, ŋini nyerae iletonit ka Aron, ŋini epedori abunore ainakin ekinyate alokiŋaren Ekapolon ikotere nyikwaanikin ka Kora ta ŋirukitos keŋ. Kitiya Eleasar lopite ŋolo alimokinitor Ekapolon iŋes aneni a Moses.

Ekim. 18:8

Kirwor Ekapolon neni ka Aron tema, “Akainak ayoŋ iyoŋ apolokin ŋainakineta ŋuna eyaunio neni kaŋ, ŋainakineta a Ŋisirael ŋuna asegak daadaŋ. Adau ayoŋ ainakin ikes neni kon ka neni a ŋidwe kon a ŋulusapa, ikwapei ŋainakineta ŋuna emaikina ŋisacaradotin toryamut, erae ŋuna kus ŋikaru ka ŋikaru.

Mat. 26:13

Akalimokini ayoŋ iyes kire atemar, neni daadaŋ anakwap itatamere Ŋakiro ŋuna Ajokak nu, elimoryo tari ŋuna etiya aberu na, aŋuna ka atamunitor iŋes.”

Luk. 22:19

Tosodi tolemu amugati, tolakar neni ka Akuj, tonyilinyili, inak ikes tema, [“Erae naga akaakuwan ŋina ejalyo ikotere iyes. Kitiyaete ikona ikiitunitotor ayoŋ.”

Ŋikis. 16:1

Totamunito elap ŋolo enyaritae Abib aŋuna ka akitiya ŋasuban ŋuna a Paska aŋuna a Ekapolon Akuj kus, anerae alolap a ŋolo enyaritae Abib, abu Ekapolon Akuj kus ikiyau iyes nakwaare anakwap a Ijipit.

Ŋikis. 16:11

Tolelyana alokiŋaren Ekapolon Akuj kus, iyes kaapei ka ŋidwe kus ŋulusapa ka ŋulupesur, ŋipi ka ŋapi kus, ŋilepi ŋulu iboiyete alotaunio kus ta ŋigelaanotin, ŋikokyok ka ŋapuseru ka ŋituŋa ŋulu iboiyete kaapei ka iyes. Kitiyata ŋun anakibois a ŋina eseuni Ekapolon Akuj kus kilipere enyaritae ekiro keŋ.

Ŋikis. 6:8

Toenenakisi ŋakiro ŋun lokeperin kus erae emacar, toenenakis ikes loreetin kus

Yos. 4:7

itemokino tolimokis ikes atemar apotu ŋakipi ŋuna ka aŋolol Yorodan totubos towua aiwapei, totyeikis Asaduku ŋina ka Acamunet a ŋina ke Ekapolon. Aŋun, erae ŋamoru ŋun ŋuna etamunitotor Ŋisirael ŋakiro ŋun ŋikaru ka ŋikaru.”

1 Sam. 30:25

Akisyakin anakoloŋit a ŋin, abu Daudi totub ŋun erae ekisil ŋolo amaikina kiwuapae anakwap a Isirael; eriŋa ŋun iwuapitae tari nakoloŋit na.