Awos. 10:9 - Ebaibul

⁹ Toboŋok Moses tema, “Elosyo isua ka ŋidwe kosi tari ka ŋulu cicik, ŋikasikou ka ŋakimak kosi, ŋidwe kosi ŋulusapa ka ŋulupesur, ŋamesekin kosi ka ŋaatuk kosi, anerae emaikina isua kitiyae ŋasuban ŋuna itopolooritere isua Ekapolon.”

Awos. 10:9 Iomraidhean Croise

Akisy. 50:8

Toloto tari ŋituŋa ŋulu a ekal a Yosepu, ŋikaitotoi keŋ ka ŋituŋa a ekal a papa keŋ. Ŋidwe kec bon apotu kidoŋo Gosen ka ŋamesekin ta ŋaatuk.

Awos. 10:10

Tema Parao neni kec, “Ekoŋi ayoŋ alokiro a Ekapolon atemar nyekemyekini ayoŋ iyes toloto ka ŋidwe kus ŋulu cicik; anerae ileere kire jik atemar iyakatar iyes ŋakiro ŋuna aronok natameta kus.

Awos. 10:26

Emaikina isua yaarae ŋibaren kosi, nyidoŋ tari ipei daŋ ne, anerae emaikina isua toseunae alobaren a ŋul ŋulu erae ŋikilipet neni ke Ekapolon Akuj kosi. Nyikiyeni isua ibore ŋini emaikina kilipere neni ke Ekapolon akitodol ŋina edolere isua neni elosyo.”

Awos. 12:32

Tomyaasi ŋamesekin ka ŋaatuk kus lopite ŋolo ilimunitotor iyes, ido torotokis a ne. Togatakinae ayoŋ daŋ arereŋu!”

Awos. 12:37

Torotokis Ŋisirael alo Ramases toloto tari Sukos. Arae ikes ŋikilyok ŋulu aapiyarit ekimar kec ŋalipyo ŋamiae ŋakanikapei pa imarakinitae ŋaberu ka ŋidwe.

Awos. 12:38

Apotu ŋituŋa ŋice daŋ ŋulu alalak torukosi ka ikes. Tomyaasi ikes ŋibaren ŋulu alalak, ŋamesekin ka ŋaatuk.

Awos. 13:6

Tonyama ŋamugati ŋuna emam ŋakinyalet ŋirwa ŋikanikaarei, ani edoli akoloŋit ŋina a ŋakanikaarei ŋin, kitiyata ŋasuban neni ke Ekapolon.

Awos. 3:18

Iirarete ikes ŋuna irworo iyoŋ, ido irukorete iyoŋ ka ŋikasikou a Ŋisirael neni a erwosit a Ijipit tolimokis iŋes ebe, ‘Adau Ekapolon Akuj a Ŋiburaniyae atakanikin neni kosi, kimyekinae isua tolotoi alosit ŋina a ŋirwa a ŋiuni naloŋisat, ikotere ikiinakini amuronot neni a Ekapolon Akuj kosi.’

Awos. 5:1

Ani ekaku, toloto Moses ka Aron neni a Parao temasi, “Ŋakiro ŋuna irworo Ekapolon Akuj a Isirael ikes nu ebe, ‘Kimyek ŋituŋa kaŋ toloto, ikotere kitiyata ŋasuban aŋuna kaŋ analoŋisat.’ ”

Awos. 5:3

Temasi ikes neni a Parao, “Adau Akuj a Ŋiburaniyae atakanun neni kosi. Kimyekinae isua tolotoi naloŋisat alosit kosi ŋina a ŋirwa a ŋiuni, ikotere einakinio ŋamuronisya neni a Ekapolon Akuj kosi; ani pa kikokis nen, epedori iŋes akiar isua a ŋidekesyo, kori a ekileŋ.”

Ŋakit. 3:9

Kitopoloorite Ekapolon anainanakin iŋes ibore idio alobari kon, inanakini Ekapolon ŋaraito a ŋikinyom kon a daadaŋ.

Ekal. 12:1

“Totamunito Ekasuban kus alorwa a ŋulu iriŋaakatar iyes irae ŋisorok, eriŋa ŋirwa ŋulu ka apalago nyedolo, eponito ŋikaru ŋulu itemaryata iyes ebe, ‘Mam nabo nyeriŋa akiyar aneni kosi esibit ibore ŋini ejok.’ ”

Ekim. 29:12

Ŋirwa ke elap ŋitomon ka ŋikan elap ŋolo a ŋikanikaarei, emaikina tocunakinos iwapei kilipa, nyilot loticisyo kus kitiyata. Emaikina iyes kinumunuma ŋasuban neni ke Ekapolon ŋirwa ŋikanikaarei.

Ŋiep. 6:4

Atapapa, nyitoŋoa ŋidwe kus; nai akilo, kitopoloutu ikes alopitesyo a ŋulu ajokak ka anakitatam ŋuna ke Ekapolon.

Yos. 24:15

Nai ani pa kejok aneni kus akitiyanakin Ekapolon, toseutu nai iyes ŋilopeyek nakoloŋit na ŋini itiyanakinete; kerae ŋakujo ŋuna etiyanakinete atapapaa kus Alokekwaye Aŋolol Eupurate, kori ŋakujo a Ŋiamori a ŋulu iboiyete iyes nakwap kec. Ani ayoŋ ka ekal kaŋ, ikitiyanakini Ekapolon.”