Awos. 10:7 - Ebaibul

⁷ Kiŋita ŋulu epukatotor Parao iŋes temasi, “Tari ori erubakinit ekile lo ikiteryamunit iwon ŋican? Emyekisi ŋituŋa toloto, ikotere ilipete neni ke Ekapolon Akuj kec. Eriŋa mono iyoŋ nyiŋolikina atemar enyasun Ijipit a?”

Awos. 10:7 Iomraidhean Croise

Ŋikiru. 107:34

Abu kituruwo ŋalup ŋuna ajokak acumbi koŋin, anerae apotu ŋituŋa ŋulu eboiyete a nen toruwor ŋulu aronok.

Awos. 12:33

Kibunyakis Ŋijipitian Ŋisirael arotokin atipei anakwap kec, anerae abasi ikes, “Ani pa kerotokis Ŋisirael, ikimunyar iwon daadaŋ.”

Awos. 23:33

Nyicamakis ikes iboiyete anakwap kus, acepaki epedorete ikes akitesec iyes alokiŋaren kaŋ, anerae ikimodiyarete ikes iyes anakilip nakujo kec.”

Awos. 7:5

Eyenunete Ŋijipitian atemar arae ayoŋ Ekapolon apaki ŋina esicania ayoŋ ŋituŋa a Ijipit, ido oyau Ŋisirael a nen anakwap a Ijipit.”

Awos. 8:19

Temasi ŋikekukujak neni a Parao, “Akuj etiya ŋakiro nu a akan keŋ!” Nai abu Parao torubak itogogoŋit akou keŋ, abu nyepupok ŋakiro ata Moses ka abu kitiya lopite ŋolo sek alimunitor Ekapolon.

Ŋakit. 29:6

Ituŋanan ŋini aronon, ikamuni asecit keŋ pei, nai eeo ŋini iyookino ka elelyani.

Ekal. 7:26

Abu ayoŋ oryamu ibore ŋini erono nooi akilo atwanare, iŋes aberu ŋina erae aloketait ŋina erae etau keŋ ŋaunoi ta ŋatibae, aberu ŋina erae ŋakan keŋ ŋiriko. Ituŋanan ŋini elakara Akuj aŋuna keŋ, iŋes bon epedori abucar anaberu a ŋin, nai epedori aberu ŋin amodiun neni keŋ ituŋanan ŋini erae ikasecan.

Isa. 14:20

Nyepote ŋituŋa nalyal kon akinuk iyoŋ, anerae ibu iyoŋ kinyasu akwap kon ibu iyoŋ toar ŋituŋa kon. Elipi nyenyarae ŋiletok a ŋirorwa a ŋituŋa a ŋulu apotu kitiyata aronis.

Isa. 51:9

Okoe apedor a Ekapolon, tonyou, tonyou kitoodiu agogoŋu kon. Tonyou ikwaŋina ibunio tonyounio koloŋ sek, ikwaŋina ibunio tonyounio ananyameta a ŋuna a koloŋ. Meere mono iyoŋ inyilinyiliyari Raab toruwor ŋanyile ka meere iyoŋ ibu kicum etyaŋ ŋolo adedeŋan a?

Yer. 48:4

Amunaar Moab, igworosi ŋidwe a ŋituŋa a Moab,

Yer. 51:8

Alotooma apaki ŋina euruwuana, amunaar Babilon ka enyasun jik, kiwololoto aŋuna keŋ, yautu ekitoe ŋolo enyaritae Balam kiwuakis najemei keŋ, acepaki epedori iŋes aŋaleun.

Sepan. 1:18

Nyepedori esilipa, kori egolid kec aiun ikes akoloŋit ŋin ŋina ka anyunyura ke Ekapolon; apaki ŋin ŋina elilitor iŋes nooi, emunyaryo ŋituŋa ka akwap a daadaŋ; anerae itasaluni Ekapolon atipei pa eyenio apaki ibore daadaŋ ŋini eyai nakwap.”

1 Ŋikor. 7:35

Alimunit ayoŋ ŋun akiŋarakin iyes. Nyewuakinit ayoŋ neni kus egogos ŋolo apolon. Nai acamit ayoŋ iyes kiboiyoto alopite a ŋolo iyookino ka kitiyanakis Ekapolon emam akitumonor.

Yos. 23:13

toyenete kire atemar nyerubakini Ekapolon kus iloununui ŋituŋa a ŋakwapin a ŋun alokiŋaren kus; nai ikokinete ikes eroko aneni kus auno ŋina elokitae, kori akipany ka ikokinete ikes epipil neni ikiramya ituŋanan ka adaset kaku, kori ikokinete ikes epipil aneni kus ŋikukwa ŋulu ebucakin akirem akoŋu. Erubakinete ŋun itiyasi akitodol ŋina idaunotor iyes anakwap a ŋina ajokan a na a ŋina adau Ekapolon ŋolo erae Akuj kus ainakin iyes.

1 Sam. 18:21

Totamak Saul ebe, “Itemokino ayoŋ oinak Mikal neni a Daudi, ikotere alokunia toara Ŋipilistin.” Aŋun, abu Saul tema neni a Daudi alimokinet ŋina a ŋaarei ebe, “Iruwor tokona iyoŋ lokamuran kaŋ.”

1 Sam. 5:11

Aŋun, apotu ikes kiyakiyasi ŋituŋa anyarare ŋikapolok a Ŋipilistin daadaŋ temasi neni a ŋikapolok, “Tolemasi Asaduku ŋina ka Akuj a Ŋisirael a ne, kinyakasi nakibois keŋ, ikotere nyikiar isua ka ŋituŋa kosi.” Alimunete ikes ŋun, anerae kebu ekabule ŋolo ke etwane tolalaar nooi alotuŋa a etaun a daadaŋ aŋuna kebunio Akuj totiŋ ŋituŋa ŋul erono nooi.