Awos. 10:6 - Ebaibul

⁶ Ilelebun nakais kon ka nakais a ŋulu ipukatotor iyoŋ ta ŋuna a Ŋijipitian a daadaŋ. Ŋakiro ŋun ikes ŋuna nyiŋolikina atapapa kon, kori atapapaa kon akisyakin akoloŋit ŋina keponiata ikes nakwap tari nakoloŋit na.” Torotok nai Moses aneni a Parao kimyek iŋes.

Awos. 10:6 Iomraidhean Croise

Awos. 10:11

Nyepedor ŋun! Kimyekisi ŋikilyok bon toloto kilipa neni ke Ekapolon, anerae ŋuna iŋitasi iyes ikes ŋun.” Aponi nai kiritarae Moses ka Aron kiŋa alokiŋaren Parao.

Awos. 11:6

Eyakaun nai akigworo ŋina apolon nakwap a Ijipit daadaŋ, akigworo ŋina nyiirara ŋinapei koloŋ ka nyiiraryo nabo jik.

Awos. 11:8

Tema nai Moses irikakini erwor keŋ, “Epote ŋikapolok kus lu daadaŋ neni kaŋ, toryediko alokiŋaren kaŋ ebasi, ‘Apesi, iyoŋ kaapei ka ŋituŋa kon.’ Ekaku a ŋun, arotokini ayoŋ.” Torotok nai Moses aneni a Parao eŋoit nooi.

Awos. 8:21

Ani pa kicamak iyoŋ ikes toloto, eyakuuni ayoŋ ŋicuc ŋulu alalak nooi neni kon, neni a ŋikapolok a ŋulu ipukato ka iyoŋ, lotuŋa kon, ka nakais kus; ilelebun ŋicuc ŋulu alalak nooi nakais a Ŋijipitian ka akwap kec daadaŋ neni iboiyoto ikes.

Awos. 8:3

Eburusiyarete ŋakidodoka aŋolol; epete tari kai kon ŋina ka apukan, epete tari nagule kon ka lokitaada kon. Epete tari nakais a ŋikapolok a ŋulu ipukatotor iyoŋ ka nakais ŋuna a ŋituŋa kon; epete tari lokenoi ka loboro ŋulu emunaere ŋakirya.

Awos. 9:18

Moi taparacu ŋisaae lupei lu, eyakuuni ayoŋ akiru ŋina a ŋakako ŋina alalan ŋina nyilima nakwap a Ijipit ŋinapei kesubere akwap ŋin tari tokona.

Awos. 9:24

Kilim akiru ŋina a ŋakako nen, torubak agiro ka akimilyaa irimirimi nen. Arae ŋin akiru ŋina alalan nooi anakwap a Ijipit ŋinapei kipukakinet iŋes bon.

Yoel 2:2

akoloŋit ŋina ka akiryonut ka akilurur, akoloŋit ŋina elalaata ŋidouwon ka ŋina elalaa akiryonut cuc. Ikiburusiyari asuisui a emaase ŋin ŋina alalan ka adedeŋan ŋina ebunio; lopite ŋolo eburusiyarya akiryonut ŋimoru; Nyetakanuna sek ekiŋaren emaase ŋolo etya ŋol nakwap ŋin; mam daŋ nyetakanuni nabo jik nanyameta ŋuna eponito.

Yoel 2:9

Eemanar iŋes tooma etaun, ekeri alokidiama ŋarwatatain. Edokanari tooma ŋakais; edokanari alodirisae ikwa ŋikokolak.

Ŋibur. 11:27

Anupit iŋes arotokinio Moses alo Ijipit pa ekuryana atemar eŋoi erwosit a Ijipit. Torubak iŋes etitinyikinit esibit etakani aneni keŋ Akuj ŋina nyetakani.