Awos. 1:7 - Ebaibul

⁷ Nai apitaka Ŋisirael, ido apotu topitut nooi, toruworos ŋituŋa ŋulu alalak, kilelebunos nakwap a Ijipit.

Awos. 1:7 Iomraidhean Croise

Akisy. 1:20

Tema Akuj, “Toyakaun nakipi ŋityaŋ ŋulu elyato, ŋulu eyarete ka toporo ŋikyeny anariwo a ŋina alokidiama akwap.”

Akisy. 1:28

Kiterereŋ Akuj ikes; tolimok tema, “Touryata, topita, kilelebun nakwap kipukata iŋes; kipukata ŋityaŋ ŋulu ka anam, ŋikyeny daadaŋ ka ŋityaŋ daadaŋ ŋulu elosete ta ŋulu elyato.”

Akisy. 12:2

Eketipituni ayoŋ iyoŋ anakwap ka eketerereŋi, ido eturuwo ekiro kon ŋolo eyenen anakwap, ikotere iyoŋ iruwor ŋolo ka arereŋu.

Akisy. 13:16

Etipituni ayoŋ ŋiletok kon tolalata ikwa apuwa ŋina ka akwap, ani kepedori ituŋanan akimar apuwa, iŋes atemar epedor ŋiletok kon daŋ akimarun.

Akisy. 15:5

Kitolomu Ekapolon Aburam kiŋa tema, “Kirereiyo kidiama, kimar ŋikacer erae kipedori akimar ikes.” Tolimok Ekapolon Aburam tema, “Elalata ŋiletok kon ikwa ŋikacer.”

Akisy. 17:16

eterereŋi ayoŋ iŋes ka daŋ iryamuni iyoŋ ikoku ŋinisapat aneni keŋ. Kire, eterereŋi ayoŋ iŋes ka eruwor iŋes toto a ŋituŋa a ŋakwapin; elomunete ŋirwosi a ŋakwapin aneni keŋ.”

Akisy. 22:17

eketerereŋi ayoŋ iyoŋ kire jik, ido akainakini ayoŋ iyoŋ kire jik ŋipapae ŋulu alalak ikwa ŋikacer alokidiama ka elalata ikwa asinyon alokipetot a anam. Ikamarete ŋiletok kon ŋitaunio daadaŋ a ŋimoe kec,

Akisy. 26:22

Torotok Isaka a nen, toboku akare ace, nyisiburata ikes Isaka a ŋin daŋ aŋun, abu Isaka tolimok ekiro a ŋin Reobos. Tema, “Ikiinak tokona Ekapolon iwon neni kiboiyet, ido ikipituni anakibois a na.”

Akisy. 26:4

Etipituni ŋiletok kon tolalata ikwa ŋikacer, ainakini ikes akwap na daadaŋ. Eryamunete ŋituŋa a ŋakwapin a daadaŋ ŋarereŋisyo aloletok kon

Akisy. 28:14

elalata ŋiletok kon ikwa apuwa ŋina a ŋalup; ilaparosi lowae ŋolo alo Kwap, alo Kide, alo Kuju ka ŋolo alo To; ido eterereŋi ayoŋ ŋituŋa ŋulu ka akwap daadaŋ aŋuna a ŋiletok kon.

Akisy. 35:11

Tema Akuj neni keŋ, “Arae ayoŋ Akuj ŋina Etiron: Topit, tolalata ŋituŋa kon; elomunete aneni kon ŋituŋa ŋulu ka akwap a apei ka ŋituŋa ŋulu a ŋakwapin a ŋuna alalak, elomunete ŋirwosi aneni kon.

Akisy. 46:3

Tema Akuj, “Arae ayoŋ Akuj, Akuj a papa kon. Nyikuryan alosit atiyaar Ijipit, anerae eketipituni ayoŋ iyoŋ anakwap a ŋin.

Akisy. 47:27

Kiboiyoto Ŋisirael anakwap a Ijipit, anakibois a ŋina anyaritae Gosen; kituruwosi ikes akibois ŋin ŋina kec, touryata topitut nooi.

Akisy. 48:16

elipi emalaika ŋolo akalaku ayoŋ anawana a daadaŋ, kiterereŋ ŋidyain lu; ido alodwe a lu, torubakinae etamunitae ekiro kaŋ ka ŋirorwa atapapaa kaŋ Aburaam ka Isaka; elipi toruworos ikes ŋituŋa ŋulu elalak anakwap.”

Akisy. 48:4

tema neni kaŋ, ‘Alosi ayoŋ akituruwor iyoŋ ŋolo iuri topit, eketuruwori ayoŋ iyoŋ ŋituŋa ŋulu alalak, ainakini ayoŋ akwap na neni a ŋiletok kon a ŋulu ikiwuapete iyoŋ, toruwor ŋina kec jik.’

Akisy. 9:1

Kiterereŋ Akuj Noa ka ŋidwe keŋ ŋulusapa. Tolimok ikes tema, “Touryata, topita kilelebunos nakwap.

Neem. 9:23

Ibu iyoŋ kitipitu ŋiletok kec, tolalata ikwa ŋikacer ka ibu iyau ikes nakwap ŋina ilimokinit iyoŋ atapapaa kec alomar ka akituruwor ŋina kec.

Ŋikiru. 105:24

Abu nai Ekapolon inak ŋituŋa keŋ ŋidwe ŋulu alalak, abu kitogogoŋ ikes akilo ŋimoe kec.

Ŋikiru. 107:38

Abu Ekapolon kiterereŋ ikes, topitut nooi, ido abu Ekapolon nyecamak ŋibaren kec ekudyokunete.

Awos. 1:12

Nai tari daŋ ŋina esicanitere Ŋisirael, apotu topitut nooi kielakin nakwap a Ijipit, ido apotu Ŋijipitian tokuryaketa nooi aŋuna a Ŋisirael.

Awos. 12:37

Torotokis Ŋisirael alo Ramases toloto tari Sukos. Arae ikes ŋikilyok ŋulu aapiyarit ekimar kec ŋalipyo ŋamiae ŋakanikapei pa imarakinitae ŋaberu ka ŋidwe.

Awos. 5:5

Toropak Parao irworo tema, “Kiirasi iyes, alalata ŋituŋa kus nooi akilo ŋituŋa ŋulu ka akwap a Ijipit, ido icamito iyes akitojoŋore ikes etic.”

Esek. 16:7

Abu ayoŋ ekeŋarak iyoŋ Yerusalem topolo ikwa ekitoe ŋolo edupakinitae lomanikor. Ibu iyoŋ topolou tooyaar todol lotyae ŋolo ka aberu, apotu tari ŋikisin kon topolout ka apotu ŋitim kon daŋ topolout, nai ariŋa iyoŋ ileri ka imamukatar ibore idio.

Ŋitic. 13:17

Abu Akuj ŋina a ŋituŋa a lu a Ŋisirael toseu atapapaa yok, kipitu ikes apaki ŋina ayakatar Ijipit. Anapedor keŋ a ŋina apolon, abu yau ikes alo Ijipit.

Ŋikis. 10:22

Apaki ŋina alosyoto atapapaa kus Ijipit, arae ikes daadaŋ ŋituŋa ŋatomonikanikaarei bon, ikituruwo tokona Ekapolon Akuj kus iyes ŋituŋa ŋulu alalak ikwa ŋikacer ŋulu alokidiama.

Ŋikis. 26:5

emaikina ŋinituŋanan tolimu ŋakiro nu alokiŋaren Ekapolon Akuj kus, “Arae papaa kaŋ Earameanit ŋolo koloŋ erimit, abu iŋes totiyaar Ijipit kiboi a nen erae egelaanot, akudyoko ŋituŋa keŋ, nai apotu ikes tolalata, toruworos ŋituŋa ŋulu agogoŋok ka ŋulu arwok.