Awos. 1:17 - Ebaibul

¹⁷ Nai akerito ŋaberu ŋun Akuj, ido apotu nyitiyata ŋuna abala erwosit a Ijipit ikes kitiyata; apotu kimyekis ŋidwe ŋulusapa toyara.

Awos. 1:17 Iomraidhean Croise

Akisy. 20:11

Tema Aburaam, “Abu ayoŋ etiya ŋun, anerae atamakinit ayoŋ atemar nyekerito jik ŋituŋa anakibois a na Akuj, ido epedorete ikes akiar ayoŋ aŋuna ka aberu kaŋ;

Akisy. 42:18

Ani epete ŋirwa ŋiuni, tema Yosepu neni kec, “Kitiyata nu ikotere toyara, anerae etopoloorit ayoŋ Akuj:

2 Sam. 24:4

Apotu ŋakiro a Yoab ka ŋuna a ŋikarikok a ŋajorei nyiretakis ŋuna alimunit erwosit; aŋun, apotu ikes torotokis aneni a erwosit toloto akimar ŋikilyok ŋulu epedorito ajiore alo Isirael.

Neem. 5:15

Ŋikepukak ŋuluce daadaŋ ŋulu epukato eriŋa ayoŋ, atiŋito ŋituŋa erono nooi, ejaununeete akimuj ka epiini aneni kec, pa imaritae ŋicekelya ŋatomoniomwon ŋulu ke esilipa ŋulu alemununeete ŋituŋa. Ŋiketiyak kec daŋ arae ŋikepukak. Nai nyitiya ayoŋ ŋun, anerae etopoloorit ayoŋ Akuj.

Esta 3:3

Temasi nai ŋiketiyak a erwosit ŋulu aya lopuke neni a Moridekai, “Kaanukiro nyiwuapitor iyoŋ ŋakiro ŋuna alimu erwosit?”

Ŋikiru. 31:19

Epol nooi ajokis aŋiboro a ŋulu ajokak, Ŋina idaritor iyoŋ ŋulu ikitopoloorito iyoŋ, eyenete ŋituŋa daadaŋ ajokis kon ka idau iyoŋ akitoodikin neni a ŋulu ikikinyomito iyoŋ.

Awos. 1:18

Abu nai erwosit ŋol tonyarau ŋaberu ŋun kiŋit ikes tema, “Kaanukiro itiyaata iyes ŋakiro nu? Kaanukiro imyekiniata iyes ŋidwe ŋulusapa toyara?”

Awos. 1:21

Aŋuna nai aponiata ŋakesidook ŋun tokeryata Akuj, abu Akuj inak ikes ŋidwe kec a ŋakulepek.

Ŋakit. 16:6

Isyoni Akuj ŋasecisya a ŋituŋa erae keminanara ka kerimaaka ŋituŋa, ido ani kitopoloo ituŋanan Ekapolon, eŋeri akitiya aronis.

Ŋakit. 8:13

Erae akitopoloor Ekapolon aremokin ŋuna aronok, aremokino ayoŋ akitopolooro bon ka akituro, aremokino ayoŋ akiwuapit ŋuna aronok ka akirworo alyokonu.

Ekal. 12:13

Ekaku a ŋakiro a ŋun a daadaŋ, eyai ibore ipei bon ŋini emaikina kiyatakinae, kitopoloorite Akuj ka kiwuapite ŋakiciketa keŋ, anerae erae ŋun ŋuna emaikina ŋinituŋanan kitiya.

Ekal. 8:12

Tari daŋ kitiyaete ŋulu aronok ŋuna nyiyookino ŋakitiyaet tari amiat, ido torubakinito iboiyete apaki ŋina aoyan, ayeni ayoŋ atemar ejokyata ŋakiro aneni a ŋulu itopoloorito Akuj.

Dan. 6:13

Kinyakakis ŋikapolok ŋul erwosit temasi, “Daniel ŋol, epei a ŋirikuno alo Yudaya, nyepupi ŋakiro kon, okoe erwosit, kori ŋakiro ŋuna ibu iyoŋ totub, nai ilipi iŋes neni a Akuj keŋ ŋirwa ŋiuni a ŋinakoloŋit.”

Osea 5:11

Isicanitae Epuraim, amunaar iŋes anatubokino anerae atenikinit iŋes akiwuarit akiŋarakino aneni a ŋakujo aŋuna nyepedorete akiŋarakin.

Mika 6:16

anerae iwuapa iyes ŋakiro ke erwosit Omiri ka etiyata ŋituŋa kon ŋiticisyo daadaŋ ŋulu etiyaete ŋituŋa ke ekal ka Aab, iwuapa iyes ŋakiro ŋuna aronok ŋuna etiyaete ikes. Aŋun, ekepotokini ayoŋ iyoŋ namunaaro ka ŋituŋa kon najamuwaro; ikitekinete iyoŋ ŋituŋa a ŋakwapin irae koŋin.”

Mat. 10:28

Nyikera ŋulu earete akuwan, nai nyepedorito akiar etau; nai tokera ŋolo epedori akiar akuwan ka etau, tocakak tooma nakim ŋina nyeduŋe.

Luk. 12:5

Eketoodikini ayoŋ iyes ŋini itemokino tokerito; tokerito Akuj ŋina epedori akiar, nabo eyakar iŋes apedor ŋina cakakinet tooma nakim ŋina nyeduŋe. Akalimokini ayoŋ iyes kire atemar, tokerito iŋes!

Ŋitic. 5:29

Nai toboŋokis Petero ka Ŋikiyakia temasi, “Itemokino isua opupete Akuj akilo ŋituŋa.

1 Sam. 22:17

Tema erwosit neni a ŋasigarya keŋ a ŋuna erimokinito iŋes kidiŋ, “Apesi toara ŋisacaradotin a Ekapolon, anerae ariwo ikes daŋ ka Daudi; ayenete ikes atemar asii Daudi, nai nyelimokina ikes ayoŋ ŋun.” Nai apotu ŋiketiyak a erwosit ŋul nyear ŋisacaradotin a Ekapolon.