Awos. 1:14 - Ebaibul

¹⁴ Kitakadakis Ŋijipitian Ŋisirael nooi aŋuna aponiata kitiŋakis ikes etic ŋolo agogoŋon nooi; ikwapei amuna ecoto ka akiram ŋamatapali ta ŋiticisyo ŋice ŋulu a ŋimanikorin. Aryanyaaka Ŋijipitian nooi isitiyaete Ŋisirael ŋiticisyo ŋuluce daadaŋ.

Awos. 1:14 Iomraidhean Croise

Akisy. 15:13

Kirworik Ekapolon neni ka Aburam tema, “Toyenu nu kire atemar, erikoryo ŋiletok kon nakwap ŋinagela, neni eruworotor ŋipi ka isicanio nooi ŋikaru ŋamiae ŋaomwon.

1 Ŋirw. 12:14

Kirwor iŋes lotuŋa iwuapit ŋuna alimokinete ŋisorok iŋes tema, “Abu papa kaŋ ikiinak iyes egogos ŋolo apotyon, nai eturuwori ayoŋ egogos ŋol ŋolo apotyon nooi akilo neni sek, abu papa kaŋ ikida iyes a ŋadase nai akadai ayoŋ iyes a ibore a ŋini ikoni epipil akisorit a ekiitwan.”

Ŋikiru. 129:1

Emaikina Isirael tema, “Eketijioto ikes ayoŋ ŋinapei anasoroko kaŋ,

Ŋikiru. 68:13

Ani iperi iyoŋ nalomarisinei a ŋamesekin, iryamuni ŋitorubei a ŋakuryo ebutakinitae esilipa nabebenuk, kiwuakinitetei egolid ŋolo amilimilan nakopir kec.

Ŋikiru. 81:6

ebala iŋes, “Abu ayoŋ olema egogos aloseketa kus; abu esieŋa ŋakan kus aloticisyo a ŋulu agogoŋok.

Awos. 1:11

Aŋun, apotu ikes toseut ŋikapolok ŋulu epolokinete ŋipi alotic a ŋolo ereikinio ŋipi kitiyata. Kituduko ŋikapolok ŋul Ŋisirael ŋitaunio ŋiarei Pisom ka Ramases ŋulu ewuanakini Parao ŋamuja ŋuna ka akwap keŋ.

Awos. 1:13

Apotu ŋun inakis Ŋijipitian aryenyaanikin Ŋisirael nooi kitiŋanakis etic.

Awos. 1:15

Tema erwosit a Ijipit neni Sipira ka Pua Ŋaburaniyae ŋuna esidoete ŋaberu,

Awos. 2:23

Kelunyar apaki ŋina aoyan, abu erwosit a Ijipit totwana. Apaki ŋin, aryebasi Ŋisirael aŋuna ka apitoonut, apotu ikes kikalout, ido anakigworo kec a ŋin, eitanito akiŋarakino ka abu akigworo kec todol neni ka Akuj.

Awos. 20:2

“Ayoŋ Ekapolon Akuj kus, ŋina abu okoyau iyes anakwap a Ijipit, anakibois a ŋina iraakatar iyes ŋipi.

Awos. 6:9

Abu nai Moses tolimok Ŋisirael ŋakiro ŋun, nai apotu ikes nyepupokis ŋuna abala Moses aŋuna abunio akigeno todaun aneni kec ka aŋuna ke epite a ŋolo ka apitoonut kec a ŋina esicanitere ikes nooi.

Ŋakit. 28:15

Ituŋanan ŋini aronon ŋini ipukat ŋikulyak, ikoni eŋatuny ŋolo irurumae, kori ityaŋ ŋini adedeŋan ŋini eresiyara.

Isa. 10:24

Aŋun alimu Ekapolon, Akuj ŋina a ŋajoresyo ebe, “Okoe ŋituŋa kaŋ ŋulu iboiyete alo Sion, nyikuryaketa aŋuna a ŋituŋa ka Asiriya a ŋulu ikisicanito iyes, a ŋulu ikitiŋakinito iyes ŋibelae ikimanito lopite ŋolo ikimanitotor iyes Ŋijipitian;

Isa. 14:6

a ŋulu kepotu kisicana ŋituŋa anaryenyeo a ŋina pa eeŋanaryo, a ŋina epukatotor ikes ŋituŋa anaŋoit.

Isa. 51:23

Esicani ayoŋ ŋulu ikisicanito iyes, ŋulu adaut alimokin iyes ebe, ‘Topero alokwap, ikotere isua ikipudae iyes,’ ido ipotu iyes kituruwosi ŋakausinei kus neni ipudaete ikes ikwa akwap.”

Isa. 52:5

Anukiro tokona etiyae ayoŋ a ne ete ŋituŋa kaŋ eyaaryo emam ŋuna esecito? Ejamuwarito ŋikepukak kec ikes ka a ŋinakoloŋit erubakinito ejamuwarito ekiro kaŋ.

Isa. 58:6

Akiredanakin akiron ŋina acamit ayoŋ iŋes akitiya ŋuna iyookino alemarya ŋuna nyiyookino, alacakin ŋarukanes a ayokot a ŋina eenit ŋituŋa, isicanitae toryamut alacakina ka alemar ŋinibore daadaŋ isicanit ŋituŋa.

Ŋilep. 25:43

Nyipukata ikes iryenyanikinito, nai tokerito Akuj kus.

Ŋilep. 25:46

Ipedorete ŋidwe kus akirum ikes ikwapei ŋipi kec. Emaikina iyes totiŋa ŋituŋa ŋul erae ŋipi, nai ani eruwor iyes make Ŋisirael, mam ŋini emaikina kipuka ŋinice alotooma aryenyeo.’

Ŋilep. 25:53

Emaikina Isiraelit ŋini elakunio totiŋae esibit ikelejilejan, ido emaikina ekapolon keŋ etiŋit iŋes ejok, meere ka aryenyeo.

Mika 3:3

Irikasi iyes ŋituŋa kaŋ, iryetasi iyes ŋawat kec, ibilibiliyasi ŋakoyo kec, itubutuboto ŋakoyo kec esibit akiriŋ nina idorokinio ka asipirya, esibit akiriŋ ŋina idorokinio ka amot.”

Naum 3:14

Tookutu ŋakipi aŋuna a ŋituŋa, anerae irikaunete ŋimoe Ninepe. Kitogogoŋo ŋaduketa kus ŋunajiet, kicaka ecoto toramuniata ŋabulok,

Ekim. 20:15

Iyeni iyoŋ epite ŋolo atiyaarotor atapapaa kosi Ijipit, kiboi isua alo Ijipit apaki ŋina aoyan ka apotu Ŋijipitian ikisicana isua ka atapapaa kosi,

Ŋitic. 7:19

Abu iŋes tomodik ateker yok, kitiŋak atapapaa yok acakanar ŋidwe kec ŋulu cicik nariet ikotere etwakyata.

Ŋitic. 7:34

Eŋolik ayoŋ kire epite ŋolo iteryamunitere ŋituŋa kaŋ ŋican alo Ijipit. Eira ayoŋ akigworo kec ka abu ayoŋ aiun ikes. Kiira tokona, ekeyakiyari ayoŋ iyoŋ Ijipit.’

Ŋikis. 26:6

Ani ikitiŋete isua Ŋijipitian ka aryenyeo ka ikisicanete isua aŋuna ikitiŋakiniata akitiya ŋiticisyo ŋulu agogoŋok,

Ŋikis. 4:20

Nai abu Ekapolon ikiyau iyes alo Ijipit aneni ikisicanitere iyes nooi, ikotere iruworosi ŋituŋa keŋ a elope, lopite ŋolo iraakatar ŋulu keŋ tokona.

Rus. 1:20

Tolimok Naomi ikes tema, “Nyikinyarata ayoŋ nabo Naomi, (A ŋaburaniyae apolou a Naomi iŋes atemar alakar ) tonyarae ayoŋ Mara, (A ŋaburaniyae apolou a Mara iŋes atemar amamu alakar.) anerae etiya Ekapolon ŋolo etiron erono nooi neni kaŋ.