Awos. 1:12 - Ebaibul

¹² Nai tari daŋ ŋina esicanitere Ŋisirael, apotu topitut nooi kielakin nakwap a Ijipit, ido apotu Ŋijipitian tokuryaketa nooi aŋuna a Ŋisirael.

Awos. 1:12 Iomraidhean Croise

Akisy. 46:3

Tema Akuj, “Arae ayoŋ Akuj, Akuj a papa kon. Nyikuryan alosit atiyaar Ijipit, anerae eketipituni ayoŋ iyoŋ anakwap a ŋin.

Neem. 9:23

Ibu iyoŋ kitipitu ŋiletok kec, tolalata ikwa ŋikacer ka ibu iyau ikes nakwap ŋina ilimokinit iyoŋ atapapaa kec alomar ka akituruwor ŋina kec.

Yob 5:2

Kire jik, eari alilit ebaŋ ka eari arakao ŋini emam ŋuna eyeni.

Ŋikiru. 105:24

Abu nai Ekapolon inak ŋituŋa keŋ ŋidwe ŋulu alalak, abu kitogogoŋ ikes akilo ŋimoe kec.

Ŋikiru. 107:38

Abu Ekapolon kiterereŋ ikes, topitut nooi, ido abu Ekapolon nyecamak ŋibaren kec ekudyokunete.

Awos. 1:20

Aŋun, abu Akuj torimaanik ŋakesidook ŋun; ido apotu ŋituŋa kec Ŋiburaniyae topitut tolalaketa nooi.

Awos. 1:7

Nai apitaka Ŋisirael, ido apotu topitut nooi, toruworos ŋituŋa ŋulu alalak, kilelebunos nakwap a Ijipit.

Awos. 1:9

Tema erwosit ŋol neni a ŋituŋa keŋ, “Kiirasi mono iyes ŋakiro nu, ‘Alalata tokona Ŋisirael nooi a ne, ido egogoŋ akilo iwon.’

Ŋakit. 21:30

Emam ibore itiyakini ituŋanan aŋuna ka aosou keŋ, ayenut keŋ ka ayere keŋ ŋuna kitiya, erae pa kecamakinit Ekapolon.

Ŋakit. 27:4

Eryenyana anyunyara, ikimunyari aŋoit, nai ŋae epedori awoikin arakao?

Ekim. 22:3

Tobul ŋituŋa a Moab nooi aŋuna a Ŋisirael, anerae alalak ikes nooi, kiinaiya ekabule ŋituŋa a Moab nooi aŋuna a Ŋisirael.

Yoa. 12:19

Kirworikinos nai Ŋiparisayon make temasi, “Toanyuwasi tokona, emam idiobore ŋini ikipedori iwon akitiyakin. Kiŋolikisi! Ewuapakis ŋituŋa daadaŋ iŋes!”

Ŋirom. 8:28

Ikiyeni iwon atemar aloboro a daadaŋ, itiyae Akuj ŋuna ajokak kaapei ka ŋulu eminasi iŋes, ikes ŋulu adau iŋes anyarare akitiya ŋuna ecamit iŋes.

Ŋikis. 26:5

emaikina ŋinituŋanan tolimu ŋakiro nu alokiŋaren Ekapolon Akuj kus, “Arae papaa kaŋ Earameanit ŋolo koloŋ erimit, abu iŋes totiyaar Ijipit kiboi a nen erae egelaanot, akudyoko ŋituŋa keŋ, nai apotu ikes tolalata, toruworos ŋituŋa ŋulu agogoŋok ka ŋulu arwok.