Aum. 5:22 - Ebaibul

²² Ikiŋer mono iyoŋ isua ŋikaru ka ŋikaru a? Mam mono apaki ŋina emaikina aŋoit kon todaunor a?

Aum. 5:22 Iomraidhean Croise

Ŋikiru. 44:9

Nai tokona ikiŋer iyoŋ isua, ikimyek ikilounio nyeriŋa iyoŋ iyai kaapei ka ŋajiorei kosi.

Ŋikiru. 53:5

Ikes nai ŋul, abul ikes nooi, abul ikes nooi lopite ŋolo nyebulyo ŋinapei, anerae emunyar ŋulu nyikinyomito Akuj, kielakin ŋakoyo kec nakwap isurumyo ikes ŋileec, anerae aŋer Akuj ikes.

Ŋikiru. 74:1

Okoe Akuj, kaanukiro ikiŋeryo iyoŋ isua ŋikaru ka ŋikaru? Ipedori mono iyoŋ aŋoikin ŋituŋa kon a alope ŋikaru ka ŋikaru a?

Ŋikiru. 79:5

Apaki ŋina etya ai okoe Ekapolon irubakinia iyoŋ ikiŋoikinit isua? Irubakini mono iyoŋ ikiŋoikinit isua ŋikaru ka ŋikaru a? Erubakini mono alilit kon enepi ikwa akim a?

Isa. 64:9

Okoe Ekapolon nyiŋo kareca jik ka nyirubak itamunit jik ŋasecisya kosi ŋikaru ka ŋikaru, Totamak tokona atemar ikirae isua daadaŋ ŋituŋa kon.

Yer. 14:19

Okoe Ekapolon, iŋer iyoŋ ŋituŋa a Yudaya jik a? Aluŋ mono etau kon Sion a? Kaanukiro ikisicania iyoŋ isua nooi adaunor epite ŋolo ikitaŋaleunere isua? Iitanitae isua ekisil, nai mam ajokis aryamun, iitanitae isua akitaŋaleuno, nai eryamunitae anyunyura akilo ekisil.

Yer. 6:30

Enyarao ikes, esilipa ŋolo eŋeritoe, anerae adau Ekapolon akiŋer ikes.”

Yer. 7:29

Totubosi ŋitim kus tocakakis nariet; tocelutu iwololoete alokidiama ŋikamukumukui, anerae aŋer ka aesiki Ekapolon anyamet na ŋina abu kitenepu anyunyura keŋ.

Esek. 24:13

Ani eketaleuni ayoŋ iyoŋ analeeco kon a ŋina abosan, ibu iyoŋ nyitaleun anabosis kon a ŋin; mam nabo nyikitaleunio iyoŋ jik akitodol ŋina etemokinio ayoŋ ŋuna akaŋoikinitor iyoŋ.

Esek. 37:11

Tema nai Ekapolon neni kaŋ, “Lokoku a ituŋanan, isikwaanitae ŋakoyo nu ka Ŋisirael daadaŋ. Ebasi Ŋisirael, ‘Aoko ŋakoyo kosi deu ka adaun akigeno aneni kosi, nyeriŋa ikimisitae isua.’

Osea 1:6

Abu Gomer topoti nabo, kidou ikoku ŋinipese. Tolimok Ekapolon Osea tema, “Tolimok ikoku ŋin ekiro Lo-ruama, anerae nyeriŋa ayoŋ esyoni ŋituŋa a Isirael, kori etoodikini ikes amina kaŋ.