Aum. 5:16 - Ebaibul

¹⁶ Adaun ibore daadaŋ ŋini sek ikituror isua. Aponi isua tosecae, ido tokona ikiryamunit isua ŋican.

Aum. 5:16 Iomraidhean Croise

Yob 19:9

Alema Akuj aneni kaŋ abaru ŋina sek ikiyakar ayoŋ, alema Akuj aneni kaŋ akitopoloorit ŋina sek eketopolooritotor ŋituŋa ayoŋ.

Ŋikiru. 89:39

Iŋer iyoŋ acamunet kon ka erwosit kon, ilema iyoŋ apolou aneni keŋ.

Ŋakit. 14:34

Itopoloori nooi akiyookino akwap, nai elemari asecit ajokis aneni a ŋinituŋanan.

Ŋakit. 27:24

anerae nyerae ebari ŋolo a ŋikaru ka ŋikaru, ido nyerubakini ebokot ŋolo ikitopolooritere iyoŋ eyai ŋanyameta ka ŋanyameta.

Isa. 3:8

Kire, iteriterosi ŋituŋa a Yerusalem ka ebusokin ŋituŋa a Yudaya, anerae ŋakiro ŋuna irworosi ka ŋuna itiyaete ikes, erae aŋuna ka aŋeryo ka aremokinor apolou ŋina a Ekapolon!

Yer. 13:18

Abu nai Ekapolon okolimok ayoŋ tema, “Tolimok erwosit ka arwosit ebe, ‘Kitiditeun bon anerae alemar ebokot ŋolo ebusan anakou kon,

Yer. 2:17

Ŋisirael, meere mono iyes iyaunete ŋakiro ŋun nawat kus aŋuna iesikiniata Ekapolon Akuj kus, apaki ŋina ikirikitor iŋes iyes kiwuapa iŋes a?

Yer. 2:19

Ikisicani iyes aronis kus ka ikitubokinio iyes aŋuna iŋeryoto ŋuna abala ayoŋ kiwuapa. Toyenutu ka kiŋolikisi epite ŋolo eronia ka epipilya iyes aesikin Ekapolon Akuj kus; nyikitopoloorito iyes ayoŋ. Ŋakiro ŋun irworo Ekapolon Akuj ŋina etiron.

Yer. 32:23

Apotu ikes tolomut nakwap na kituruwosi ŋina kec, nai apotu ikes nyiwuapa ŋakiro kon, kori ŋikisila kon, apotu nyitiyata ŋuna ilimokinit iyoŋ ikes akitiya. Aŋun, ibu iyoŋ iyau ŋican lu daadaŋ neni kec.

Yer. 4:18

Ayaut ŋakiro ŋuna iwuapito iyes ka ŋuna itiyaete iyes ŋakiro nu neni kus. Akinyasuno kus iŋes ŋin, okoe kepipiliar! Adolu akinyasuno ŋin lotai kus.”

Aum. 1:1

Kesilyor etaun lo, ŋolo paaran eleleba ŋituŋa! Ekwaanikin bareca iŋes ka apuserut, torae bo sek arae iŋes etaun ŋolo etopoloorito ŋituŋa a ŋakwapin! Etaun lo iŋes sek epol anakiboisyo a ŋunace, ekwaanikin tokona ka epito.

Aum. 1:18

Ebasi ŋituŋa a Yerusalem, “Erae Ekapolon ŋolo iyookino, nai isua aŋeri ŋakiro keŋ. Topupokisi mono iyes ŋituŋa daadaŋ; kiŋolikisi ŋican ŋulu ikiryamunit isua. Arikor nakwapin ŋisorok ka ŋasorok kosi.

Aum. 1:20

“Kiŋolik mono iyoŋ okoe Ekapolon epite ŋolo ikiryamunitor isua ŋican, ikiryebete isua ŋakiro nooi; emam akinapakina eyai lotai kosi, anerae aponi isua toruworotei ŋikaŋerok. Ani ikilomari isua kiŋa ikiari; ani ikiboi alotooma ŋakais daŋ ikiwuapunit atwanare.

Aum. 1:8

Apotu ŋituŋa a Yerusalem toseca nooi, aŋun, eturuwor iŋes etaun ŋolo ejamuwaritae, ajamuwasi iŋes ŋituŋa daadaŋ ŋulu sek etopoloorito, anerae eŋolikis emam ibore eyai; eumenete ŋituŋa keŋ ka nyecamito akiŋolikin etaun kec.

Aum. 2:1

Adau bareca Ekapolon anaŋoit keŋ atubun akisican ŋituŋa a Sion! Eturuwo iŋes akibuses ŋina ailiilon ŋina a Isirael acaryoit. Abu Ekapolon kimyek Akai keŋ akoloŋit ŋina abunio iŋes toŋoya.

Aum. 4:13

Nai apotu ŋimoe topedosi, anerae apotu ŋikadwarak keŋ ka ŋisacaradotin keŋ toseca aŋuna aaryata alotooma etaun ŋituŋa ŋulu pa asecito.

Esek. 21:26

alimu Ekapolon Akuj atemar, tolaca akopiya kon, tolaca ebokot kon, nyerubakinete ŋakiro ikote neni sek ekote. Itopolooryo ŋulucaryo ka itiditeunio ŋuluarwok.

Mika 6:13

Aŋun, esyaki ayoŋ amunaar iyoŋ, esyaki ayoŋ akitisilun iyoŋ aŋuna a ŋasecisya kon.

Akis. 2:10

Nyikuryaniar aŋuna a ŋican a ŋulu eapi iyoŋ aryamun. Topupok! Eapi Satan acunakin ŋice alokidiŋ kus mabus, ikikatak iyes, ido toryamut akisicanio ŋirwa ŋitomon. Torubak ananupit, erae kedolu atwanare daŋ, ido akainakini ayoŋ iyoŋ akiyar, toruwor eropit.

Akis. 3:11

Abunit ayoŋ atipei. Torubak iricit anupit ŋina iyakar iyoŋ, ikotere nyikidema iyoŋ icetuŋanan eropit ŋolo ka akiloun.

1 Sam. 7:6

Aŋun, apotu ikes tocunakinos Misipa, tookut ŋakipi tobukosi alokiŋaren Ekapolon. Kiredakis ikes akiron akoloŋit ŋin temasi, “Ikidau isua akisec alokiŋaren Ekapolon.” Ido abu Samuel toruwor ekatubon ŋakiro ka ekarikon a Ŋisirael alo Misipa.