Aum. 4:20 - Ebaibul

²⁰ Apotu ikes kikamasi erwosit kosi ŋolo amecitae isua neni keŋ, ŋolo arae Ekapolon abu toseu aruwor erwosit. Erwosit ŋolo sek ekinyomitae isua atemar ikiuni iŋes isua alomoe a daadaŋ.

Aum. 4:20 Iomraidhean Croise

Akisy. 2:7

Toyeu nai Ekapolon Akuj ituŋanan a ŋalup, tokutak ekieŋanu ŋolo erae akiyar lokumes a ituŋanan; toruwor ituŋanan ŋin ŋini eyari.

Akisy. 44:30

Aŋun nai, kaboŋo tokona ayoŋ neni a papa kaŋ a eketiyan kon, pa ikirukit isua ka edya, torae bo eyarya papa kosi neni eyarya edya lo,

2 Sam. 1:14

Kiŋit Daudi iŋes tema, “Nyo mono pa ikitimyo iyoŋ akikyaar akan kon toar ekapolon ŋolo erae Ekapolon abu toseu?”

2 Sam. 1:21

Iyes ŋimukura ŋulu a Gilboa, nyepete ŋakopi kidiama kus, kori nyilimi akiru, nyerayete ŋimanikorin ŋulu eya neni kus! Anerae neni kus emasarere nariet aupal a ekatitinyon, aupal a Saul ŋina nyeriŋa iosyo ka akimyet.

2 Sam. 18:3

Nai temasi ŋajorei neni keŋ, “Nyemaikina iyoŋ orukosi ka isua lojie, ani acepaki kebwaŋae isua, nyemitakinete ŋimoe akiwuapit isua. Tari daŋ keara ikes atutubet apei alokidiŋ kosi, mam ŋuna apolok nooi, nai epol akiyar kon iloit ŋina a ŋikilyok a ŋalipyo a ŋatomon alokidiŋ kosi. Ejok iyoŋ arubakin iboi alotaun, kiyakuununuye akiŋarakinet neni kosi.”

2 Sam. 19:21

Kiŋit Abisai lokoku a Seruia Daudi tema, “Nyemaikina mono Simei toarae aŋuna a ŋakiro a ŋun a? Aŋuna abunio iŋes kicenio erwosit ŋolo arae Ekapolon abu toseu a?”

2 Ŋakiro a ŋirwa 35:25

Abu Yeremia toe ŋieosyo ŋulu kigworet aŋuna a Yosia ka akitodol akoloŋit na, eosi ŋikilyok ka ŋaberu ŋulu eyenete aeo ŋieosyo ŋul etamunito Yosia, apotu kituruwosi ŋun etal alo Isirael ka igiritae lokitaabo ŋolo a ŋieosyo a ŋulu ka akiwolol.

Isa. 32:2

Eruwor neni kec eiunotor ŋituŋa ikwa akibois ŋina ipakarit ekuwuam, kori akibois ŋina ikimukori anakiru a ŋina alalan. Ikwaanikin ikes ka ŋayona ŋuna elelyata ŋakipi analoŋisat, ikwaanikin ka etolim a ataaba a ŋina apolon anakwap a ŋina ka akure.

Yer. 39:5

Nai apotu ŋasigarya a Ŋibabiloniyae kiwuapakis ikes, ido toditasi Sedekia anadipoe a Yeriko. Kedaut akikamun Sedekia, kitipeunioto iŋes neni a erwosit Nebukadinesar a ŋolo a Babilon alo Ribila anakwap a ŋina ka Amas. Abu nai erwosit totubok Sedekia a nen.

Yer. 52:8

Nai apotu ŋasigarya a Ŋibabiloniyae kiwuapa erwosit Sedekia, ido toditasi anadipoe a Yeriko, apotu ŋasigarya a Sedekia daadaŋ toema kielaros aneni keŋ.

Yer. 52:9

Apotu ŋasigarya a Ŋibabiloniyae kikamut erwosit Sedekia, yaasi neni a erwosit a Babilon alo Ribila anakwap a ŋina ka Amas, neni abunio iŋes totubokinia Sedekia.

Aum. 2:9

Aritaar ŋipukei a arwatata emuleleiyasi ŋamoru, amunaiya ka abilibilaa Ekapolon ŋasuwa ŋuna sek ilorere ŋikekya. Arikor nakwapin erwosit a Yerusalem ka ŋikapolok ŋulu epukatotor iŋes. Adaun ŋikisila. Nyisileerekino Ekapolon ŋikadwarak ŋakiro keŋ anakirujaeta.

Esek. 12:13

Nai apetari ayoŋ atibait kaŋ, ikotere ekamunia iŋes, oya nai iŋes lotaun ŋolo a Babilon, nakwap ŋina a Ŋibabiloniyae, nai nyiŋolikini iŋes akwap ka etwani iŋes a ina.

Esek. 17:18

Nyebucar iŋes aneni a Ŋibabiloniyae, anerae ajamuwa iŋes akikoŋet keŋ ka aŋer acamunet keŋ ka erwosit a Babilon. Nyebucar iŋes, anerae abu kiik akitiya ŋun, nai tokona nyiwuapa iŋes ŋakiro ŋun daadaŋ.’

Esek. 31:17

Apotu ŋikito ŋul daŋ toloto nakibois a ŋikatwak kaapei ka ekitoe ŋol, torukosi nen ka ŋulu aaryo a ekileŋ ka ŋituŋa a ŋakwapin aŋuna ariito ka iŋes ta ŋulu eboiyete alotolim keŋ.

Dan. 4:12

Ebusak ŋakwii keŋ nooi, alalak ŋaraito keŋ nooi, abu ekitoe ŋol kiteryamu daadaŋ akimuj. Apotu ŋityaŋ ŋulu ka ariet toryamut etolim alokwap ekitoe ŋol, apotu ŋikeny toduko naten keŋ, apotu ŋisubuna daadaŋ toryamut akimuj kec alokitoe a ŋol.

Osea 13:10

Ai bo tokona eyai erwosit kus ikotere ikiuni iyes? Ai eya ŋikapolok alotaunio kus a daadaŋ, ŋulu sek ibasi iyes ayoŋ, “Inakinae isua erwosit ka ŋikepukak.”

Ŋikat. 9:15

Toboŋok nai amoni a ŋikukwa ŋikito tema, ‘Ani kire kicamito iyes akituruwor ayoŋ erwosit kus, potu nai toiunos alotolim kaŋ, nai ani pa kipote, emaikina nai akim tonepu anamoni a ŋina a ŋikukwa, tonomiya ŋikito a Cedar ŋulu a Lebanon.’

1 Sam. 12:3

Ayoŋ lo! Tolimutu alokiŋaren Ekapolon ka alokiŋaren eseuna keŋ ŋakiro ŋuna etiyat ayoŋ ŋuna aronok. Ŋae abu ayoŋ odema emoŋ? Ŋae abu ayoŋ odema esigirya? Ŋae idio abu ayoŋ omodiya ibore idio? Ŋae abu ayoŋ otiŋ ka aronis? Ŋae idio abu ayoŋ ocamu akainakini ayoŋ akaluŋuluŋut, ikotere emyek iŋes? Ani ketiyat ayoŋ ŋun ŋadi, tolimokinae ayoŋ, ikotere okotacak ayoŋ iyes.”

1 Sam. 12:5

Tema Samuel neni a ŋituŋa, “Ekapolon iŋes erae esuuda a ŋakiro kus ka ŋolo aseu Ekapolon iŋes erae esuuda nakoloŋit na, atemar mam ŋakiro ŋuna aronok ŋuna iryamut iyes etiyat ayoŋ.” Temasi nai ŋituŋa, “Ekapolon iŋes erae esuuda.”

1 Sam. 16:6

Ani edolunete ŋituŋa neni a Samuel, kitek Samuel Eliab totamak ebe, “Kire jik, ŋolo ewoi alokiŋaren Ekapolon ŋol erae eseuna a Ekapolon.”

1 Sam. 24:10

Idau iyoŋ elope nakoloŋit na akiŋolikin epite ŋolo abunio Ekapolon ikipotok iyoŋ neni kaŋ anaturukan; apotu ŋituŋa ŋice temasi ayoŋ toar iyoŋ, nai abu ayoŋ ekeŋarak iyoŋ. Abu ayoŋ otema, ‘Mam nyaari ayoŋ ekapolon kaŋ; anerae Ekapolon iŋes abu kituruwo iŋes erwosit.’

1 Sam. 24:6

Tema iŋes neni a ŋikajiok a ŋulu arukito ka iŋes, “Elipi ekeretak ayoŋ Ekapolon nyetiya ŋuna aronok neni a ekapolon kaŋ, a ŋolo arae Ekapolon abu toseu iŋes aruwor erwosit. Elipi nyaar ayoŋ iŋes, anerae Ekapolon iŋes abu toseu iŋes aruwor erwosit.”

1 Sam. 26:16

Nyejokak ŋakiro ŋun ŋuna itiya iyoŋ. Ekoŋi ayoŋ alokiro a Ekapolon a ŋolo eyari atemar emaikina iyoŋ totwan, anerae nyiyoko iyoŋ ekapolon kon, ŋolo erae Ekapolon abu toseu. Kiŋolik iyoŋ tokona, ai eyai akwara a erwosit, kori etwo a ŋakipi ŋulu aya diyete nakou keŋ?”

1 Sam. 26:9

Nai tema Daudi neni ka Abisai, “Nyiar iŋes; anerae ŋae epedori akiar iŋes ŋolo erae Ekapolon abu toseu, ido kimyekinae iŋes ŋin nyitoroniyar?”