Aum. 4:16 - Ebaibul

¹⁶ Abu Ekapolon kiela ikes, nyemitak ikes nabo jik. Abu Ekapolon nyitopoloo ŋisacaradotin ka nyeminak ŋikasikou kec.

Aum. 4:16 Iomraidhean Croise

Akisy. 49:7

Eruwor aŋoit kus ŋina icenen, anerae idedeŋ nooi; Eruwor anyunyura kus daŋ ŋina icenen, anerae iryenyaaka nooi! Akorakini ayoŋ ikes nakwap a ŋituŋa a Yakob, eelakini ayoŋ ikes nakwap a ŋituŋa a Isirael.

2 Ŋakiro a ŋirwa 36:17

Aŋun, abu Akuj tocamak erwosit a Babilon ebuni akirem ikes. Abu toar ŋisorok kec anakibois kec a ŋina asegan, abu nyisyon esorokit, kori asorokit, ekasikout, kori akimat, kori ituŋanan idio daadaŋ ŋini apalag. Abu Akuj kipotok ŋituŋa ŋul daadaŋ neni a Nebukadinesar toar.

Ŋikiru. 106:27

imyekini ŋiletok kec kiboiyosi nakwapin, ielari ikes nakwapin.

Ŋikiru. 106:44

Kikote neni daŋ, abu Akuj kisyoni ikes alocan kec, apaki ŋina eirarya akigworo kec;

Isa. 24:2

Itiyakin ŋakiro ŋun neni a ŋituŋa lopite ŋolo itiyakinotor neni a esacaradoti, neni a apito lopite ŋolo itiyakinotor neni a ekapolon keŋ neni a aketiyan lopite ŋolo itiyakinotor neni a akapolon keŋ, neni a ekagyelan lopite ŋolo itiyakinotor neni a ekagyelaran, neni a ekepotoron lopite ŋolo itiyakinotor neni a ekeliparan, neni a ekedeniyoron lopite ŋolo itiyakinotor neni a ekedenikinon.

Isa. 47:6

Abu ayoŋ oŋoik ŋituŋa kaŋ, abu ayoŋ etiya neni kec esibit nyerae ikes ŋituŋa kaŋ; abu ayoŋ oinak ikes napedor kon, ido ibu iyoŋ nyitoodik ikes akisyon; ibu iyoŋ totiŋ erono nooi tari ŋulu amojoŋito.

Yer. 15:4

Eturuwori ayoŋ ikes ŋulu inyasuna aneni a ŋituŋa a ŋakwapin, anerae nyejokak ŋakiro ŋuna abu erwosit Manase lokoku a Esekia ŋolo a Yudaya kitiya alo Yerusalem.

Yer. 24:9

Eturuwori ayoŋ ikes ŋulu inyasuna, ibore ŋini aronon alotuŋa a ŋakwapin a daadaŋ, ŋulu nyejokak, ŋulu irworore, ŋulu eŋoito ka ŋulu icenen anakiboisyo a daadaŋ a ŋuna eritari ayoŋ ikes,

Yer. 52:24

Abu ekapolokiniton a ŋasigarya a ŋuna eyokiyete erwosit a Babilon kikama Seraia esacaradoti ŋolo apolon nooi, Sepania esacaradoti ŋolo atupit Seraia anapolou ka ŋiketeok ŋiuni ŋulu eteete ŋikekya.

Aum. 2:20

Okoe Ekapolon, kiŋolik mono iyoŋ! Ŋae mono ŋinapei isican iyoŋ lopite lo? Emaikina mono ŋaberu tonyama ŋidwe kec ŋulu adaut ikes akitanun a?

Aum. 2:6

Abwaŋabwaŋaa Akai keŋ neni sek ilipere iŋes, eela lopite ŋolo ielarya ituŋanan akai ŋina edukit lomanikor, amunaiya iŋes Akai ŋina ilipere iŋes; alema Ekapolon alo Sion ŋasuban ŋuna sek inumunumyo ka ŋirwa ŋulu a Sabato; aŋer iŋes anaŋoit keŋ a ŋina a dedeŋan erwosit ka esacaradoti.

Aum. 5:12

Arikonor ŋikarikok kosi, enenonokin lopirin; mam ituŋanan itopoloorit ŋikasikou kosi.

Esek. 5:10

Kire jik, enyamete ŋikauruunak ŋidwe kec alokidiŋ kus ka enyamete ŋidwe ŋikauruunak kec; ekesicani ayoŋ iyes ka eelari ŋipiya kus iwace.

Ŋikis. 28:25

“Ikimyekini Ekapolon iyes ikilout ŋimoe kus, ilosete iyes akitijikin ikes itorito lowae epei nai ibwaŋasi iyes kitoro lowaetin ŋulu alalak. Iruworosi iyes ŋituŋa ŋulu ikijamuwaritae alotuŋa a ŋakwapin a daadaŋ.

Ŋikis. 32:26

Abu ayoŋ otamu akielar ikes ekisa ikes anatameta a ŋituŋa,

Ŋibur. 8:9

Nyikokini Acamunet ŋin ŋina ikicamunor ayoŋ ka atapapaa kec akoloŋit ŋina arikitor ayoŋ ikes a ŋakan, oyau alo Ijipit. Pa apotu ikes torubakis iwuapito ŋakiro ŋuna ka Acamunet a ŋina abu ayoŋ ocamunotor ka ikes; aŋun, abu ayoŋ nyamitak ikes.