Aum. 3:38 - Ebaibul

³⁸ Meere mono neni a Ekapolon a ŋolo eyai kidiama nooi eponeniata ŋuna ajokak ka ŋuna aronok a?

Aum. 3:38 Iomraidhean Croise

2 Sam. 16:10

Nai kiŋit erwosit Abisai tema, “Anukiro mono emaikina ayoŋ etiya neni kus ŋidwe a Seruia ŋulusapa? Ani kicenonor iŋes aŋuna alimokinia Ekapolon ebe, ‘Kicen Daudi’ ŋae nai epedori akiŋita ebe, ‘Kaanukiro icenio iyoŋ Daudi?’ ”

Yob 2:10

Nai abu Yob tema neni ka aberu keŋ, “Irworo iyoŋ abaŋao lopite ŋolo irworor aberu daadaŋ ŋina ebaŋaana. Epedoryo mono iwon aryamunun ŋuna ajokak aneni ka Akuj, ido nyeryamununuyo ŋuna aronok a?” Anakisicanet a ŋin, abu Yob nyesec alorwor keŋ.

Ŋikiru. 75:7

Nai Akuj bon eyakar apedor akitub ŋakiro, iŋes ituruwori ice icaryoit ka kitopoloo ice.

Ŋakit. 29:26

Iwarito ŋituŋa ŋulu alalak ajokis aneni a ekepukan, nai erae neni a Ekapolon eryamunia ituŋanan akiyookino.

Ekal. 7:14

Ani ejok ibore daadaŋ aŋuna kus, emaikina iyes ilakara, nai ani epote ŋican, emaikina iyes totamut, Akuj iŋes eyaununui apaki ŋina ka alakara ka ŋina a ŋican. Aŋun, nyepedorete ŋisubuna ŋulu eyarete ayenun ibore idio ŋini itiyakin neni kec ekaku.

Isa. 45:7

Etiyau ayoŋ akica ka etiyau akiryonut, etiyau ayoŋ ŋuna ajokak ka etiyau ayoŋ ŋican; ayoŋ Ekapolon etiyau ŋakiro ŋun daadaŋ.

Yer. 32:42

“Lopite ŋolo ayaunia ayoŋ ŋican ŋulu apolok lu daadaŋ lotuŋa lu, ikwaŋinapei ayauni ayoŋ ŋiboro daadaŋ ŋulu ajokak ŋulu tokona eik ayoŋ ikes.

Amos 3:6

Ani mono keruu abureryaŋ a emesek alotaun, nyetiŋi mono ekabule ŋituŋa a? Epedorete mono ŋican adolokin etaun pa kecamaki Ekapolon a?