Aum. 3:26 - Ebaibul

²⁶ Ejok ŋinituŋanan torubak idarit Ekapolon anatitinyu; ejok ŋinituŋanan torubak idarit Ekapolon toiu iŋes.

Aum. 3:26 Iomraidhean Croise

Akisy. 49:18

Akuj, edarit ayoŋ aiuno aneni kon,

2 Ŋakiro a ŋirwa 20:17

Meere iyes ijiete alojie a ŋol, kiboiyosi neni emaikina iyes kiboiyosi, towua a nen ititiny, iŋolikinete iyes Ekapolon ikilakuni iyes alomoe a ŋul, Okoe iyes ŋituŋa a Yudaya ka Yerusalem.’ Nyikuryaketa kori nyikikadak. Toloto moi taparacu kitijikis ikes, irukete iyes ke Ekapolon.”

Ŋikiru. 119:166

Okoe Ekapolon, egeno ayoŋ aiuno kon, etiyae ayoŋ ŋuna ebasi ŋakiciketa kon,

Ŋikiru. 119:174

Okoe Ekapolon, eitanit ayoŋ aiuno kon, aryamunit ayoŋ alakara alokisila kon.

Ŋikiru. 130:5

Edarit ayoŋ Ekapolon ekeŋarak ayoŋ, edarit ayoŋ Ekapolon a etau kaŋ a daadaŋ, anerae ekinyomit ayoŋ akirot keŋ.

Ŋikiru. 37:34

Kikinyoma Ekapolon ka kiwuapa ŋakiro keŋ, ido ikitalakari iŋes iyes, ikiinakini akwap toruwor ŋina kus; iŋolikinete iyes emunyaryo ŋulu aronok.

Ŋikiru. 37:7

Nyiŋayaŋayata anakikinyomit Ekapolon, kidara iŋes alotooma atitinyikinit ikiŋarak iyes; tocoito nyenepu ekibure aneni kus, iŋolikinete ŋituŋa ebarete anakitiya ŋuna aronok; nyenepu ekibure aneni kus iŋolikinete ŋituŋa itiyaete ŋuna aronok ŋuna eyeto ikes akitiya.

Ŋikiru. 52:9

Alakar ayoŋ neni kon Akuj ŋikaru ka ŋikaru, aŋuna a ŋakiro a ŋuna itiya iyoŋ. Ekepuri ayoŋ iyoŋ aneni ilipyata ŋituŋa.

Ŋikiru. 54:6

Alotooma acamit kaŋ nooi, ayauni ayoŋ amuronot neni kon; alakar ayoŋ neni kon. Okoe Ekapolon, anerae ijok iyoŋ.

Ŋikiru. 62:2

Iŋes bon erae aupal kaŋ ka aiuno kaŋ, aduketait kaŋ ŋinajiet; emam ibore eketubuli ayoŋ.

Ŋikiru. 73:28

Nai ani eruwor ayoŋ, ejok akikinyomit Akuj, akituruwor Ekapolon ŋolo etiron ekaiunan kaŋ ka alimor ŋiticisyo keŋ daadaŋ.

Ŋikiru. 92:1

Ejok alakar neni ke Ekapolon, ejok aeikin ŋieosyo neni kon, okoe Akuj ŋina alokidiama nooi;

Awos. 14:13

Abu nai Moses toboŋok ŋituŋa tema, “Nyikuryaketa. Kicata, iŋolikinete iyes alakuno ŋina ikiinakini iyes Ekapolon nakoloŋit na. Ŋijipitian ŋul ŋulu itete iyes tokona, nyiŋolikinete nabo iyes ikes jik.

Awos. 14:14

Eji Ekapolon aŋuna kus; emaikina iyes tolemasi akuryanu bon aneni kus.”

Isa. 30:15

Irworo Ekapolon Akuj ŋina asegan ŋina Isirael ŋakiro nu, “Ani kerae toboŋunito iyes neni kaŋ, toryamunito akieŋun, kiuna; ani kerae kiapara iyes aneni kaŋ, ikikinyoma ayoŋ, kiryamunito agogoŋu.” Nai ipotu iyes nyicamut ŋun,

Isa. 30:7

Eayete ikes ŋiboro ŋul nakwap a Ijipit ŋina erae akoŋinait, ŋina emam ibore eyakar, aŋun, anyar ayoŋ iŋes “Raab ŋina emam ibore itiyae.”

Isa. 7:4

tolimok iŋes atemar, totenite, kililiŋ, nyikuryaniar ka totitinyor aŋuna a erwosit Resin ka erwosit Peka ta Aram ta lokoku a Remalia nyepedorete ikes akiwan iyoŋ, anerae ikwaan ikes ka ŋakito a akim ŋaarei ŋuna epuruyete koŋin.

Yer. 14:22

Epedorete mono ŋakujo a ŋakwapin ayaun akiru a? Kori epedori mono kidiama akimyekin akiru bu a? Okoe Ekapolon Akuj kosi, meere mono iyoŋ iyauni a? Ikiwuakinit isua akigeno kosi neni kon, anerae iyoŋ itiyae ŋun daadaŋ.

Aum. 3:27

Ejok nooi ŋinituŋanan akidaŋidaŋ ŋatyokisyo keŋ alorwa a ŋulu ka asoroko keŋ.

Abak. 2:3

Kigir ikes, anerae eriŋa apaki ŋina iyookinotor, nai ebunit apaki ŋin atipei ka iyookinosi ŋun, etakanuni esibit nyitiyakin atipei, nai kidaru ikes, itiyakin kire jik, nyedidiyete.

Ŋigal. 4:18

Ejok acamit ibore idio--erae ca kejok ibore ŋin--iyookin ŋun jwi jwi, meere apaki ŋina ikirukitor iwon bon.

Ŋibur. 10:35

Aŋun, nyijamakis atitinyikinit kus ŋina ikiteryamuni iyes eropit ŋolo apolon.

Ŋibur. 3:14

Anerae ikirae iwon daadaŋ ŋipei alotooma Kristo, erae kikirubak ikititinyikinit ananupit lopite ŋolo ikisyakinia.

1 Pet. 1:13

Aŋun, totenito anatameta kus aŋuna ke etic. Totenito anatameta ka kiwuakinito akigeno kus daadaŋ najokis ŋina ikiinakinio iyes apaki ŋina isileereunere Yesu Kristo.