Aum. 2:9 - Ebaibul

⁹ Aritaar ŋipukei a arwatata emuleleiyasi ŋamoru, amunaiya ka abilibilaa Ekapolon ŋasuwa ŋuna sek ilorere ŋikekya. Arikor nakwapin erwosit a Yerusalem ka ŋikapolok ŋulu epukatotor iŋes. Adaun ŋikisila. Nyisileerekino Ekapolon ŋikadwarak ŋakiro keŋ anakirujaeta.

Aum. 2:9 Iomraidhean Croise

2 Ŋirw. 25:7

Aponi toarae ŋidwe a Sedekia ite elope. Ani ekaku togoronoroe ŋakonyen keŋ toenae iŋes a ŋiriko, yaarae Babilon.

2 Ŋakiro a ŋirwa 15:3

Eboiyoto Ŋisirael ekaoyan pa eyenete Akuj ŋina a kire, emamukatar esacaradoti ŋolo itatami ikes ka emamukatar ŋikisila.

Neem. 1:3

Okoboŋokis ikes ayoŋ temasi, “Ŋipiya ŋulu eya ama Yudaya, ŋulu aponi nyerikor, eyakasi locan ŋulu apolok ka loleec; aritaasi ŋimoe arwatata ŋina a Yerusalem ka amunaasi ŋipukei keŋ ka akim.”

Ŋikiru. 74:9

Nyeriŋa isua ikiŋolyanakini ŋimacarin ŋulu a ŋitalyo kosi, emam ekadwaran idoŋit epei daŋ, emam ipei daŋ alokidiŋ kosi ŋini eyeni apaki ŋina edaunotor ŋakiro nu.

Isa. 24:12

Edoŋ ekasile lotaun, abwaŋabwaŋaar ŋipukei a etaun enyasun.

Yer. 14:14

Abu nai Ekapolon okolimok ayoŋ tema, “Edwarete ŋikadwarak alyokonu enyarito ekiro kaŋ, nyeyakit ayoŋ ikes, kori nyetemara ayoŋ ikes kirworo ŋun, kori nyirworo ayoŋ neni kec. Edwarete ikes neni kon ŋakisileerenokineta ŋuna ka alyoko, edwarete ikes ŋakiro ŋunacaryo ka amodiyo ŋina eyai natameta kec a ŋikulepek.”

Yer. 23:16

Alimu Ekapolon ŋolo a ŋajoresyo ebe, “Nyipupokis ŋakiro a ŋikadwarak a ŋulu edwarete neni kus, ikimodyanakinete ikes iyes. Ikilimonokinete ikes iyes ŋakisileerekineta ŋuna etamununeete ikes, meere ŋakiro ŋuna elimunit Ekapolon.

Yer. 39:2

Alokaru a ŋolo a ŋitomon ka epei ŋirwa ke elap ŋikanikaomwon elap ŋolo a ŋiomwon ipukat Sedekia, aponi topedoi arwatata a etaun.

Yer. 39:8

Apotu Ŋibabiloniyae kicunyasi akai a erwosit ka ŋakais a ŋituŋa, ido toritakis ŋarwatatain a Yerusalem.

Yer. 51:30

Emyekis ŋikajiok a Babilon ajiore arubakis iboiyete anaduketa a ŋunajiet adaun agogoŋu kec ekwaanikin ikes ka ŋaberu, ecunyakin ŋakais a Babilon, abilibilaar ŋakito ŋuna egolitere ŋipukei keŋ.

Yer. 52:14

Apotu ŋasigarya a Ŋibabiloniyae daadaŋ ŋuna arukito kaapei ka ekapolokiniton a ŋasigarya a ŋuna eyokiyete erwosit kituwosi ŋarwatatain a Yerusalem daadaŋ.

Aum. 1:3

Adokis ŋituŋa a Yudaya nakwapin aŋuna a ŋican ka areikinit akitiya etic, iboiyete tokona ikes anakwapin a ŋace, mam akibois ŋina ituruworito ikes ŋina kec. Adaut ŋikewuapak kec daadaŋ arukaun ikes eriŋa epapanito.

Aum. 4:15

Acelasi ŋituŋa neni kec ebasi, “Kiyotokis a ne! Irae iyes ŋulu ikitoroniyaritae! Nyikitap ayoŋ!” Aŋun, apotu ikes toruwor ŋikaŋopoŋopotok ka ŋikerimitok ŋakwapin, ido mam ituŋanan abu kijau ikes.

Aum. 4:20

Apotu ikes kikamasi erwosit kosi ŋolo amecitae isua neni keŋ, ŋolo arae Ekapolon abu toseu aruwor erwosit. Erwosit ŋolo sek ekinyomitae isua atemar ikiuni iŋes isua alomoe a daadaŋ.

Esek. 12:13

Nai apetari ayoŋ atibait kaŋ, ikotere ekamunia iŋes, oya nai iŋes lotaun ŋolo a Babilon, nakwap ŋina a Ŋibabiloniyae, nai nyiŋolikini iŋes akwap ka etwani iŋes a ina.

Esek. 17:20

Ariyori ayoŋ atibait kaŋ aŋuna keŋ, ido ekamu iŋes. Ayauni ayoŋ iŋes Babilon, otubok iŋes a nen, anerae abu iŋes toruwor ŋolo pa ekinyoma aneni kaŋ.

Esek. 7:26

Ikiropikinete iyes ŋican, ikiropikinete iyes ŋirworisya ŋulu ka alyokonu; iitanete iyes ayenun alokadwaran ŋakiro ŋuna eponito; edaun esacaradoti ŋakiro ŋuna ikitatami iyes, edaun ŋikasikou ŋakiro ŋuna ikisirworiuniata iyes.

Osea 11:6

Iatakin ejie lotaunio kec daadaŋ, ebwaŋabwaŋaryo ŋasuwa ŋuna a ŋipukei a ŋitaunio kec, emunyaryo ŋituŋa keŋ daadaŋ, anerae itiyaete ikes ŋuna eyeete.

Osea 3:4

Erae ŋun anerae epote Ŋisirael akiboi ŋirwa ŋulu alalak emam erwosit, kori ŋini emaikina kilunyokin lokicoloŋ a erwsoit, emam ŋamuronisya, kori ŋipirin ŋulu italeoritae, kori ŋitorubei a ŋakujo, kori ŋiboro ŋulu isitiyao ayenunia ŋakiro ŋuna ecamit Akuj.

Amos 1:5

Eelari ayoŋ ŋasuwa ŋuna edukitere epuke a Damasko, ido amunyari ŋituŋa daadaŋ ŋulu iboiyete anakadipaalat ka Apen, alemari ayoŋ ŋini eyakar apedor alo Bes-Eden, erikoryo ŋituŋa ka Aram nakwap a Kir.”

Ŋikis. 28:36

Ikiyai Ekapolon iyes kaapei ka erwosit ŋolo iseunete iyes akipuka iyes nakwap ŋina nyiyenete iyes, kori ŋina pa ayenete atapapaa kus, neni itiyanakineta iyes ŋakujo ŋuna itiyaunitae a ŋakito ka ŋamoru.

Ŋikis. 28:63

Ikwaŋina abunio tojoik Ekapolon ikitobar iyes ka akitipitun iyes toruworos ŋituŋa ŋulu alalak, ejoikini Ekapolon ayaun akinyasuno ka amunyaro neni kus. Ikimunyaryo iyes anakwap a ŋina ilosete iyes akituruwor ŋina kus.

1 Sam. 28:6

Ani iŋisi Saul Ekapolon ŋuna emaikina iŋes kitiya, abu Ekapolon nyeboŋok iŋes, kerae anakirujaeta, kori anakilamilam ka adio, kori alokadwaran ke edio.