Aum. 2:7 - Ebaibul

⁷ Aŋer Ekapolon Namuroet keŋ, emyek akibois keŋ ŋina asegan. Acamaki ŋimoe ebwaŋabwaŋaarete ŋarwatatain a ŋakais a ŋuna iboiyoto ŋirwosi, ecelasi ŋimoe alo Kai ke Ekapolon itoodiunito atemar adaut ikes akiloun, ecelasi lopite ŋolo sek ecelatar ŋituŋa apaki ŋina a ŋasuban.

Aum. 2:7 Iomraidhean Croise

2 Ŋirw. 25:9

Kicunyak Nebusaradan Akai ka Akuj ka akai ŋina a erwosit ta ŋakais daadaŋ ŋuna aya Yerusalem. Kicunyak iŋes ŋakais daadaŋ ŋuna a ŋikapolok.

2 Ŋakiro a ŋirwa 36:19

Apotu Ŋibabiloniyae kicunya Akai ka Akuj, toritakis arwatata a Yerusalem kwap ka kicunyasi ŋakais ŋuna ka apukan daadaŋ ka tomunaasi ŋiboro ŋulu apol egyelit daadaŋ alo Yerusalem.

Ŋikiru. 89:39

Iŋer iyoŋ acamunet kon ka erwosit kon, ilema iyoŋ apolou aneni keŋ.

Isa. 64:9

Okoe Ekapolon nyiŋo kareca jik ka nyirubak itamunit jik ŋasecisya kosi ŋikaru ka ŋikaru, Totamak tokona atemar ikirae isua daadaŋ ŋituŋa kon.

Yer. 21:4

“Toloto tolimokis Sedekia ebe, ‘Alimu Ekapolon Akuj a Ŋisirael atemar, eapi ayoŋ akitoboŋokin iyes ŋiboro kus ŋulujiet ŋulu eya nakan kus, ŋulu itijiyoto iyes erwosit a Babilon ka Ŋibabiloniyae ŋulu irimokinito etaun kus kidiŋ alokiŋa arwatata. Acununi ayoŋ ikes tooma etaun.

Yer. 26:18

“Abu koloŋ Mika ŋolo abunit alo Moreses, ŋolo adwarenene alorwa a ŋulu epukator erwosit Esekia ŋolo a Yudaya, tolimok ŋituŋa a Yudaya daadaŋ tema, ‘Ŋakiro ŋuna irworo Ekapolon ŋolo a ŋajoresyo ikes nu: Eruwor Sion neni itao ikwa emanikor, eruwor Yerusalem neni etukotor ŋamoru ŋuna eritakina kwap ka eruwor emukura ŋolo ka Akai ka Akuj amoni.’

Yer. 26:6

esikwaanikini nai ayoŋ Akai na ka Silo ka eturuwori ayoŋ etaun lo ŋolo icenen aŋuna a ŋituŋa a ŋakwapin a daadaŋ anakwap.’ ”

Yer. 32:29

Epote Ŋibabiloniyae ŋulu itijiete ŋituŋa a etaun a lo, inokakinete akim kicunyakis etaun, icunyarete ikes ŋakais ŋuna ainanakinere alokidiama kec ŋainanakineta neni a Baal ka ainanakinere ŋainakineta a ŋimaten neni a ŋakujo a ŋunace, ŋakiro ŋuna apotu eketoŋoa ayoŋ.

Yer. 39:8

Apotu Ŋibabiloniyae kicunyasi akai a erwosit ka ŋakais a ŋituŋa, ido toritakis ŋarwatatain a Yerusalem.

Yer. 4:26

Abu nabo ayoŋ oŋoleŋolek, okoe eŋolik akwap ŋina sek ajok keruwor aloŋisat, eŋolik ŋitaunio keŋ daadaŋ keruworosi ŋulu inyasuna aŋuna ka aŋoit a Ekapolon a ŋina a dedeŋan.

Yer. 4:27

Erae ŋun ŋuna irworo Ekapolon ebe, “Eruwor akwap daadaŋ ereŋorot, kikote neni daŋ, etasaluni ayoŋ akwap jik.

Yer. 50:28

“Kiirasi! Eponito ŋikerimitok ka ŋikadokinok anakwap a Babilon, alimor alo Sion epite ŋolo enyaŋarya Ekapolon Akuj yok ŋakiro a Ŋibabiloniyae, inyaŋi iŋes ŋuna apotu ikes kitiyata Kai ka Akuj.

Yer. 52:13

Kicunyak Nebusaradan Akai ka Akuj ka akai a erwosit ta ŋakais daadaŋ ŋuna aya Yerusalem. Kicunyak iŋes ŋakais daadaŋ ŋuna a ŋikapolok.

Aum. 1:4

Igworosi ŋirotin ŋulu elomarere Sion, anerae mam ituŋanan elosenene Sion akitiya ŋasuban ŋuna sek emaikina kitiyaeneneetei a nen; Asilut ŋipukei a Sion daadaŋ, eumenete ŋisacaradotin keŋ; iyaloloŋete ŋapesur ŋuna eya Sion, eryamunit Sion ŋican ŋulu apipilak.

Aum. 2:1

Adau bareca Ekapolon anaŋoit keŋ atubun akisican ŋituŋa a Sion! Eturuwo iŋes akibuses ŋina ailiilon ŋina a Isirael acaryoit. Abu Ekapolon kimyek Akai keŋ akoloŋit ŋina abunio iŋes toŋoya.

Aum. 2:5

Ekwaanikin Ekapolon aneni yok ka ŋimoe; amunya iŋes Ŋisirael; amunya ŋakais daadaŋ ŋuna iboiyoto ŋirwosi a Isirael, aritaki kwap ka eturuwo ŋaduketa kec ŋunajiet ŋireŋoroto, etalal nooi akigworo ka aumonokin alotuŋa a Yudaya.

Esek. 24:21

“Tolimok Ŋisirael atemar ebala Ekapolon Akuj ebe, ‘Eapi ayoŋ amunaar akibois kaŋ ŋina asegan, ŋina erae iŋes iryamunitotor iyes agogoŋu ŋina iturotor, akibois ŋina ikibobokinit iyes akitere ka ŋina iburit ŋitai kus. Earyo a ekileŋ ŋidwe kus ŋulusapa ka ŋulupesur ŋulu ipotu iyes kimyekis alo Yerusalem.

Esek. 7:24

Ayauni ayoŋ ŋituŋa a ŋakwapin ŋulu aronok nooi itodemasi iyes ŋakais kus. Etasaluni ayoŋ akituro a ŋikagogoŋok kus, emunaaryo ŋakiboisyo kus ŋuna ilipyata iyes.

Ŋilep. 26:31

Eturuwori ayoŋ ŋitaunio kus ŋireŋoroto, eruwor ŋakiboisyo kus ŋuna sek ilipyata iyes ŋuna esilok, ido nyakabobokini nabo ayoŋ eure a ŋainakineta kus a ŋuna epeyo

Ŋilep. 26:44

Tari daŋ kikote ŋakiro nen, ani apaki ŋina eyakatar ikes nakwapin a ŋimoe kec, nyawouni ayoŋ ikes, oŋer ikes ikotere amunyarya ikes daadaŋ, todaunor acamunet kaŋ ka ikes. Arae ayoŋ Ekapolon Akuj kec.

Amos 2:5

Aŋun, emyekini ayoŋ akim tonom Yudaya, enomiyari akim ŋaduketa a Yerusalem ŋunajiet.’ ”

Mika 3:12

Aŋuna a ŋakiro kus, itao Sion toruwor emanikor; eruwor Yerusalem ereŋorot ŋolo etukotor ŋamoru, ido elomuni amoni alomukura a ŋolo ka Akai ka Akuj.

Mat. 24:2

Nai tolimok Yesu ikes tema, “Iteete iyes ŋiboro lu daadaŋ a? Akalimokini ayoŋ iyes kire atemar, nyidoŋi nege tari amoru apei daŋ ŋina nyeukoryo.”