Aum. 2:6 - Ebaibul

⁶ Abwaŋabwaŋaa Akai keŋ neni sek ilipere iŋes, eela lopite ŋolo ielarya ituŋanan akai ŋina edukit lomanikor, amunaiya iŋes Akai ŋina ilipere iŋes; alema Ekapolon alo Sion ŋasuban ŋuna sek inumunumyo ka ŋirwa ŋulu a Sabato; aŋer iŋes anaŋoit keŋ a ŋina a dedeŋan erwosit ka esacaradoti.

Aum. 2:6 Iomraidhean Croise

Ŋikiru. 74:7

Ecunyakis ikes Akai kon; amunaasi ikes akibois ŋina sek ikilipere iyoŋ.

Ŋikiru. 76:2

Eyai ere keŋ Yerusalem, iboi iŋes alo Sion.

Ŋikiru. 80:12

Kaanukiro nai imyekinia iyoŋ ŋimoe a Ŋisirael eremete akwap a Ŋisirael? Aruwor tokona akwap a Ŋisirael neni itoreneneete ŋituŋa ŋulugelae, inyasete ka eŋasete ŋiboro keŋ.

Ŋikiru. 89:40

Ibwaŋabwaŋaa iyoŋ ŋarwatatain ŋuna ke etaun keŋ; iperik kwap ŋaduketa ŋuna ejio iŋes, aruwor ŋacaryo.

Isa. 1:13

Mam ajokis eyai nayaunun ŋainakineta, nyeketalakarit ayoŋ ekinyate kus. Nyacamit ayoŋ ŋasuban kus ŋuna a elap a ŋolokitete, ŋuna a Sabato ka ŋasuban kus ŋace ŋuna inyaraununotor iyes iwapei, erae ŋun daadaŋ ŋuna aronok. Nyacamit ayoŋ akidaŋidaŋ ŋasuban ŋuna ka asecit ŋuna ilipyata iyes.

Isa. 1:8

Emyekin ŋituŋa a Yerusalem ikwa eripipi ŋolo alomanikor a ŋikito a epiini, ikwa eripipi ŋolo alomanikor a ŋakolil, ikwa etaun ŋolo irikaunitae.

Isa. 43:28

Aŋun, abu ayoŋ ojamuwa ŋikapolok anakibois kaŋ a ŋina asegan ka abu epotok ŋiletok a Yakob namunyaro ka emyek ŋiletok a Isirael erae ŋulu ejamuwaritae.”

Isa. 5:5

Tokona, akalimokini ayoŋ iyes ŋuna alosi ayoŋ akitiya neni a emanikor kaŋ a ŋolo a ŋikito a epiini. Alemari ayoŋ ŋikito ŋulu ewuatere iŋes, ido tomunaarae iŋes, aritaari ayoŋ arwatata ŋina ewuatere iŋes, ido kipudaarae iŋes.

Isa. 5:6

Emyekini ayoŋ iŋes toruwor ŋalup ŋunacaryo, nyinyiporyo ŋikito keŋ, kori nyitao iŋes jik, erupunete ŋinya ka ŋamon a ŋikukwa aneni keŋ, alimokini ayoŋ ŋidouwon nyitodoto akiru lomanikor ŋol.

Isa. 63:18

Apotu ŋituŋa kon ŋulu asegak kikamasi akibois ŋina asegan apaki adio cici bon; nai tokona enyasut ŋimoe kosi akibois kon ŋina asegan.

Isa. 64:11

Akai kosi ŋina asegan ka ebusan neni koloŋ ikipurotor iyoŋ atapapaa kosi, ecunyar a akim ka aruworosi ŋakiboisyo kosi ŋuna ajokak daadaŋ ŋireŋoroto.

Yer. 17:27

Nai pa kipupokis iyes ŋakiro kaŋ, pa kitopoloosi akoloŋit ŋina a Sabato erae akoloŋit ŋina asegan ka pa kiwoko ibore idio akoloŋit ŋina a Sabato tolomuniata lopukei a Yerusalem, ecunyakini ayoŋ akim alopukei a Yerusalem, enomiyari akim ŋin ŋakais ŋuna ka apukan ŋuna eya Yerusalem ka nyituduŋeo akim ŋin.”

Yer. 42:18

“Erae nu ŋakiro ŋuna alimu Ekapolon ŋolo a ŋajoresyo, Akuj a Ŋisirael ebe, ‘Lopite ŋolo abunio aŋoit kaŋ ka anyunyura kaŋ toyakaun neni a ŋituŋa a ŋulu eboiyete alo Yerusalem, ikwaŋinapei, ebuni anyunyura kaŋ neni kus daŋ apaki ŋina ilosyoto iyes Ijipit, iruworosi iyes ŋituŋa ŋulu icenere ŋuluce ka ŋulu inyasere ŋuluce, ikijamuwarete ŋituŋa iyes ka iyanyio ŋituŋa isitiyao ekiro kus. Nyiŋolikinete iyes akibois na nabo.’

Yer. 45:4

Aŋun tolimok iŋes atemar, Alimu Ekapolon ebe, “Alosi ayoŋ aritakin kwap ibore daadaŋ ŋini abu odukok, orutono ibore ŋini abu odupak, nakwap daadaŋ.

Yer. 50:28

“Kiirasi! Eponito ŋikerimitok ka ŋikadokinok anakwap a Babilon, alimor alo Sion epite ŋolo enyaŋarya Ekapolon Akuj yok ŋakiro a Ŋibabiloniyae, inyaŋi iŋes ŋuna apotu ikes kitiyata Kai ka Akuj.

Aum. 1:4

Igworosi ŋirotin ŋulu elomarere Sion, anerae mam ituŋanan elosenene Sion akitiya ŋasuban ŋuna sek emaikina kitiyaeneneetei a nen; Asilut ŋipukei a Sion daadaŋ, eumenete ŋisacaradotin keŋ; iyaloloŋete ŋapesur ŋuna eya Sion, eryamunit Sion ŋican ŋulu apipilak.

Aum. 4:16

Abu Ekapolon kiela ikes, nyemitak ikes nabo jik. Abu Ekapolon nyitopoloo ŋisacaradotin ka nyeminak ŋikasikou kec.

Aum. 4:20

Apotu ikes kikamasi erwosit kosi ŋolo amecitae isua neni keŋ, ŋolo arae Ekapolon abu toseu aruwor erwosit. Erwosit ŋolo sek ekinyomitae isua atemar ikiuni iŋes isua alomoe a daadaŋ.

Aum. 5:12

Arikonor ŋikarikok kosi, enenonokin lopirin; mam ituŋanan itopoloorit ŋikasikou kosi.

Esek. 17:18

Nyebucar iŋes aneni a Ŋibabiloniyae, anerae ajamuwa iŋes akikoŋet keŋ ka aŋer acamunet keŋ ka erwosit a Babilon. Nyebucar iŋes, anerae abu kiik akitiya ŋun, nai tokona nyiwuapa iŋes ŋakiro ŋun daadaŋ.’

Ŋilep. 26:31

Eturuwori ayoŋ ŋitaunio kus ŋireŋoroto, eruwor ŋakiboisyo kus ŋuna sek ilipyata iyes ŋuna esilok, ido nyakabobokini nabo ayoŋ eure a ŋainakineta kus a ŋuna epeyo

Sepan. 3:18

elelyani iŋes aŋuna kus eeo lopite ŋolo eeore akoloŋit ŋina a ŋasuban.’ ” Ebala Ekapolon “Alemari ayoŋ ŋican aneni kus, ikotere nyikitoŋoi iyes aŋuna a ŋican a ŋul.

Mal. 2:9

Aŋun, ayoŋ daŋ eketuruwori iyes ŋulu ikijamuwaritae ka ŋulu ikisirumito ŋituŋa daadaŋ ŋileec, anerae iŋero iyes ŋuna abala ayoŋ kiwuapa, ido nyitatamete iyes ŋituŋa ŋakiro ŋapei.”