Aum. 2:21 - Ebaibul

²¹ Emaikina mono ŋisacaradotin ka ŋikadwarak toarakinae Kai a Ekapolon a? Eperete ŋawat a ŋisorok ka ŋikasikou alorotin a etaun, aar ŋimoe ŋisorok ka ŋasorok kosi. Ibu iyoŋ Ekapolon toar ikes akoloŋit ŋina iŋoitor iyoŋ, ibu toar ikes emam akisyon.

Aum. 2:21 Iomraidhean Croise

2 Ŋakiro a ŋirwa 36:17

Aŋun, abu Akuj tocamak erwosit a Babilon ebuni akirem ikes. Abu toar ŋisorok kec anakibois kec a ŋina asegan, abu nyisyon esorokit, kori asorokit, ekasikout, kori akimat, kori ituŋanan idio daadaŋ ŋini apalag. Abu Akuj kipotok ŋituŋa ŋul daadaŋ neni a Nebukadinesar toar.

Esta 3:13

Inakinae ŋabaruwae ŋun neni a ŋikapiranak toemyata nakwapin ŋuna epukat erwosit daadaŋ, ikotere tomunaarae, toarae ka tomunyarae Ŋiyudayan daadaŋ; ŋulu cicik ka ŋulu apolok, ŋaberu ka ŋidwe alotooma akoloŋit apei bon. Akoloŋit ŋin iŋes ŋirwa ke elap ŋitomon ka ŋiuni elap ŋolo ŋitomon ka ŋiarei, ŋolo enyaritae Adar, ido etemokino toŋatarae ŋiboro a Ŋiyudayan akoloŋit ŋin.

Isa. 27:11

Ani eokete ŋaten a ŋikito a ŋulu eya nen, ebilibiliunio kwap; potu nai ŋaberu yaasi kinokakiniata akim. Anerae erae ŋul ŋituŋa ŋulu emam ayenut; aŋun nyisyoni ikes Akuj ŋina asubuni ikes, kori nyitiyae ŋakiro ŋadi ŋuna ajokak neni kec.

Yer. 11:22

aŋun, ŋakiro ŋuna alimu Ekapolon ŋolo a ŋajoresyo ikes nu ebe, ‘Esicani ayoŋ ikes oar a ekileŋ. Aari ayoŋ ŋisorok kec a ekileŋ, aari ayoŋ ŋidwe kec ŋulusapa ka ŋulupesur a eron.

Yer. 13:14

Etidiŋakini ayoŋ ikes make, ediŋakinosi ŋikauryak ka ŋidwe kec, kori nyaiuni idio tuŋanan apaki ŋina abunio ayoŋ amunyar ikes.’ ”

Yer. 18:21

Aŋun, kimyek akoro tomunya ŋidwe kec, kimyek ŋituŋa ŋul tomunyarae a ekileŋ, kimyek ŋaberu kec tomamukaun ŋidwe ka toruworos ŋapuseru. Elipi tomunya edeke ŋikilyok kec, toarae ŋisorok kec a ekileŋ alojie.

Yer. 21:7

Ekaku, ainakini ayoŋ erwosit Sedekia kaapei ka ŋiketiyak keŋ ka ŋituŋa ŋulu a etaun a lo ŋulu epuun alodeke, alokileŋ ka anakoro napedor a erwosit Nebukadinesar a ŋolo a Babilon, ainakini ayoŋ ikes napedor a ŋimoe kec ka napedor a ŋulu iwarito akiar ikes. Eari Nebukadinesar ikes a ekileŋ, nyisyoni iŋes ikes, kori nyimyekini ikes, kori nyiŋarakini ikes.’

Yer. 4:31

Abu ayoŋ eira akigworo ŋina esibit akigworo ka aberu a ŋina eryeba aŋuna ka akidoun, abu ayoŋ eira akigworo ŋina ka aryeba a ŋina ikwaan ka ŋina a aberu a ŋina eapi akidoun ikoku keŋ ŋini kiyae. Arae ŋin akigworo a ŋituŋa a Sion, a ŋulu eŋaamete ieŋasi, topetarito ŋakan kec ebasi, ‘Oitakoi! Adaunoi isua eriŋa ŋikaarak nyedoluno.’ ”

Yer. 51:22

ekesitiyae ayoŋ iyes aarya ekile ka aberu; ekesitiyae ayoŋ iyes aarya ekasikout ka edya; ekesitiyae ayoŋ iyes aarya esorokit ka apese;

Yer. 6:11

Nai ileleba anyunyura ŋina ke Ekapolon tooma kaŋ, akaburu ayoŋ akidaŋidaŋ iŋes.” Tolimu nai Ekapolon tema, “Tolimok ŋuna ka anyunyura kaŋ neni a ŋidwe alorotin ka tolimok neni a ŋatukon a ŋisorok daŋ eyaaryo ŋaberu ka ŋikilyok, eyaaryo tari ŋituŋa ŋulu emojoŋito.

Yer. 9:20

Okoe ŋaberu, kiirasi ŋakiro ŋuna ke Ekapolon, topupokisi a ŋaki kus ŋakiro ŋuna elimuni Ekapolon, kitatama ŋidwe kus ŋulupesur akiwolol, kitatama ŋikidunyet kus epite ŋolo kiwololoet.

Yer. 9:21

Adolu atwanare lodirisae kus, aloma nakais a apukan kus, ebunit atwanare alemar ŋidwe kus alorotin ka ŋisorok analapatui a ŋuna ke etaun.

Aum. 1:15

“Adau Ekapolon akiŋer ŋikajiok kosi daadaŋ, adau anyaraun ŋasigarya akiman isua ka amunyar ŋisorok kosi. Epudaiya Ekapolon ŋituŋa kosi ikwa ipudaere ŋaraito a epiini aneni ecuyere.

Aum. 1:18

Ebasi ŋituŋa a Yerusalem, “Erae Ekapolon ŋolo iyookino, nai isua aŋeri ŋakiro keŋ. Topupokisi mono iyes ŋituŋa daadaŋ; kiŋolikisi ŋican ŋulu ikiryamunit isua. Arikor nakwapin ŋisorok ka ŋasorok kosi.

Aum. 1:4

Igworosi ŋirotin ŋulu elomarere Sion, anerae mam ituŋanan elosenene Sion akitiya ŋasuban ŋuna sek emaikina kitiyaeneneetei a nen; Asilut ŋipukei a Sion daadaŋ, eumenete ŋisacaradotin keŋ; iyaloloŋete ŋapesur ŋuna eya Sion, eryamunit Sion ŋican ŋulu apipilak.

Aum. 2:17

Etiya tokona Ekapolon ŋuna sek acamit akitiya; esiyook ŋakiro keŋ ŋunakoloŋ aris kitemok atemar kitiyakin. Ikimunya iŋes iwon emam akisyon, ainaki ŋimoe alelyan aŋuna ka akiloun iyes, ainaki agogoŋu neni a ŋimoe kus.

Aum. 2:2

Amunya Ekapolon emam akisyon ŋirerya daadaŋ ŋulu a ŋituŋa a Yakob; amunyumunyaki kwap ŋaduketa ŋunajiet ŋuna agogoŋok ŋuna a ŋituŋa a Yudaya. Eturuwo apukan a Yudaya akoŋinait ka eturuwo ŋikepukak a Yudaya ŋikoŋinae.

Aum. 3:43

“Ikiŋoik iyoŋ isua daadaŋ ka irubak ikiwuapit isua ikiari emam akisyon.

Esek. 24:21

“Tolimok Ŋisirael atemar ebala Ekapolon Akuj ebe, ‘Eapi ayoŋ amunaar akibois kaŋ ŋina asegan, ŋina erae iŋes iryamunitotor iyes agogoŋu ŋina iturotor, akibois ŋina ikibobokinit iyes akitere ka ŋina iburit ŋitai kus. Earyo a ekileŋ ŋidwe kus ŋulusapa ka ŋulupesur ŋulu ipotu iyes kimyekis alo Yerusalem.

Esek. 5:11

Aŋun, ikwapei araakar ayoŋ Akuj ŋina ayari, aŋuna itisiliyaniata iyes Akai kaŋ a aronis a daadaŋ ka asiilyo kus daadaŋ, ajoŋoe ayoŋ amina iyes, nyekeŋolikini ayoŋ iyes, ido ekesyon, kori okoesik akisican.

Esek. 7:4

Nyekemyekini ayoŋ iyes ekeŋolikini, nyekesyoni ayoŋ iyes. Ekesicani ayoŋ iyes a ŋakiro a ŋuna itiyata iyes ka aŋuna ka asiilyo a ŋina itiyaete iyes alokidiŋ kus. Ŋun nai iyenuniata iyes atemar arae ayoŋ Ekapolon.’

Esek. 7:9

Nyekemyekini ayoŋ iyes ekeŋolikini; nyekesyoni ayoŋ iyes. Ekesicani ayoŋ iyes lopite ŋolo itiyatotor iyes, ekesicani ayoŋ iyes aŋuna ka asiilyo a ŋina itiyaete iyes alokidiŋ kus. Ŋun nai iyenuniata iyes atemar erae ayoŋ Ekapolon ekesicanit iyes.

Esek. 8:18

Aŋun, anyunyurikin ayoŋ ikes, nyacamuni ayoŋ akiŋolikin ikes, mam tari nyesyoni ayoŋ ikes; tari kigworo ikes neni kaŋ opupi ayoŋ ikes iworoete nooi, nyapupokini ayoŋ ŋakiro kec.”

Esek. 9:10

Aŋun, nyeŋolikini ayoŋ ikes oesik, kori nyesyoni ayoŋ ikes, nai etiyae ayoŋ neni kec ŋuna adaut ikes akitiya neni a ŋuluce.”

Amos 4:10

Abu ayoŋ ekeyakik iyes ŋakisicaneta lopite ŋolo abunio eyakikinia nakwap a Ijipit; abu ayoŋ oar ŋisorok kus a ekileŋ, abu ayoŋ emyek tomyaarae ŋaŋolei kus, ido abu ayoŋ etobos tul ŋakiboisyo kus, nai ipotu iyes nyikiwa.

Amos 8:13

Akoloŋit ŋin, irakari akure ŋasorok ka ŋisorok.

Sakar 11:6

Emam nabo ituŋanan eroko ayoŋ esyoni anakwap. Emyekini ayoŋ ŋituŋa kipukata ŋulu epolokinito ikes. Emunaarete ŋikepukak ŋul akwap, ido nyaiuni ayoŋ ŋituŋa anapedor a ŋikepukak kec.”

Ŋikis. 28:50

Epote ŋituŋa ŋul erae ŋulu aryenyaanak, ŋulu nyitopoloorito ŋikasikou, kori nyerimaaka aneni a ŋidwe.

Ŋikis. 32:25

Emunyari ekileŋ ŋituŋa alorotin a ŋitaunio, eyakaun ekabule lorerya, earyo ŋisorok ka ŋasorok kaapei, earyo ŋiŋwea ka ŋituŋa ŋulu emojoŋito.

Yos. 6:21

Apotu ikes tolemut ŋileŋia kec toaryata ŋituŋa daadaŋ alotaun, ŋikilyok ka ŋaberu, ŋisorok ka ŋimojoŋi. Toara daŋ ŋaatuk ka ŋamesekin ta ŋisigirya.

1 Sam. 15:3

Ape tokona kisiiryak Ŋiamaleki, tomunya jik ibore daadaŋ ŋini eyakatar ikes, nyimyek ikes, toar ŋikilyok, ŋaberu, ŋidwe, ŋaatuk, ŋakinei, ŋikaala ka ŋisigirya.’ ”