Aum. 2:2 - Ebaibul

² Amunya Ekapolon emam akisyon ŋirerya daadaŋ ŋulu a ŋituŋa a Yakob; amunyumunyaki kwap ŋaduketa ŋunajiet ŋuna agogoŋok ŋuna a ŋituŋa a Yudaya. Eturuwo apukan a Yudaya akoŋinait ka eturuwo ŋikepukak a Yudaya ŋikoŋinae.

Aum. 2:2 Iomraidhean Croise

Yob 2:3

Kiŋit Ekapolon Satan tema, “Anu itami iyoŋ aŋuna a eketiyan kaŋ a Yob? Mam ituŋanan anakwap ikwaanatar Yob, erae iŋes ituŋanan ŋini emam ŋuna itoroniyaritere ka erae iŋes ŋolo iyookino, ekile ŋolo itopoloorit Akuj, ŋolo eŋerit ŋuna aronok. Erubakinit iŋes iyookino, tari daŋ kicamit iyoŋ ayoŋ oremokin iŋes ka omunaiya iŋes emam ŋuna aronok ŋuna itiyat iŋes neni kaŋ.”

Ŋikiru. 21:9

Ani edoli apaki ŋina itakanunia iyoŋ, imunyari iyoŋ ikes ka akim a ŋina amwanan pe; imunyari iyoŋ ikes aŋuna iŋoitor, imunyari iyoŋ ikes ka akim.

Ŋikiru. 74:7

Ecunyakis ikes Akai kon; amunaasi ikes akibois ŋina sek ikilipere iyoŋ.

Isa. 22:5

Esubakinit Ekapolon a ŋajoresyo akoloŋit, akoloŋit ŋina ka akiguro ka akipuda ta akibiler, itiyakin ŋun anakadipaalat a ŋina a akisileerekinet, akoloŋit ŋina eritakinere ŋarwatatain ka ŋina igworotor ŋituŋa enyarito ŋimoru kiŋarakis ikes.

Isa. 23:9

Ayeu Ekapolon ŋolo a ŋajoresyo ŋakiro nu, alemar akituro aneni a ŋikapolok a daadaŋ, akisurum ŋileec daadaŋ ŋulu itopolooritae anakwap.

Isa. 25:12

Eritakinio kwap ŋarwatatain kec ŋuna aoyak ŋuna eya ŋaduketa ŋunajiet, ituuruwuanunio ikes toritakinae kwap, toruwor ŋalup.”

Isa. 26:5

anerae acaku iŋes kwap ŋulu eboiyete anakiboisyo a ŋuna aoyak, Acaku iŋes kwap etaun ŋolo ayai naitae. Aritaki etaun ŋol kwap ka eturuwo ŋalup.

Isa. 27:11

Ani eokete ŋaten a ŋikito a ŋulu eya nen, ebilibiliunio kwap; potu nai ŋaberu yaasi kinokakiniata akim. Anerae erae ŋul ŋituŋa ŋulu emam ayenut; aŋun nyisyoni ikes Akuj ŋina asubuni ikes, kori nyitiyae ŋakiro ŋadi ŋuna ajokak neni kec.

Isa. 43:28

Aŋun, abu ayoŋ ojamuwa ŋikapolok anakibois kaŋ a ŋina asegan ka abu epotok ŋiletok a Yakob namunyaro ka emyek ŋiletok a Isirael erae ŋulu ejamuwaritae.”

Isa. 47:6

Abu ayoŋ oŋoik ŋituŋa kaŋ, abu ayoŋ etiya neni kec esibit nyerae ikes ŋituŋa kaŋ; abu ayoŋ oinak ikes napedor kon, ido ibu iyoŋ nyitoodik ikes akisyon; ibu iyoŋ totiŋ erono nooi tari ŋulu amojoŋito.

Yer. 13:14

Etidiŋakini ayoŋ ikes make, ediŋakinosi ŋikauryak ka ŋidwe kec, kori nyaiuni idio tuŋanan apaki ŋina abunio ayoŋ amunyar ikes.’ ”

Yer. 19:15

“Alimu Ekapolon ŋolo a ŋajoresyo Akuj ŋina a Ŋisirael ebe, ‘Ayauni tokona ayoŋ lotaun lo ka lotaunio a Yudaya daadaŋ ŋican daadaŋ ŋulu adau ayoŋ alimun aremokino ikes, anerae etogogoŋo ŋituŋa kec ŋakyes, awout akiirar ŋakiro kaŋ.’”

Yer. 21:7

Ekaku, ainakini ayoŋ erwosit Sedekia kaapei ka ŋiketiyak keŋ ka ŋituŋa ŋulu a etaun a lo ŋulu epuun alodeke, alokileŋ ka anakoro napedor a erwosit Nebukadinesar a ŋolo a Babilon, ainakini ayoŋ ikes napedor a ŋimoe kec ka napedor a ŋulu iwarito akiar ikes. Eari Nebukadinesar ikes a ekileŋ, nyisyoni iŋes ikes, kori nyimyekini ikes, kori nyiŋarakini ikes.’

Yer. 5:10

Eyakiyari ayoŋ ŋimoe kiteleteloosi ŋikito a epiini keŋ, nai nyiteletelosi daadaŋ. Alimokini ayoŋ ikes totubutuboosi ŋaten kec, anerae meere ŋaten ŋun ŋuna a Ekapolon.

Aum. 2:17

Etiya tokona Ekapolon ŋuna sek acamit akitiya; esiyook ŋakiro keŋ ŋunakoloŋ aris kitemok atemar kitiyakin. Ikimunya iŋes iwon emam akisyon, ainaki ŋimoe alelyan aŋuna ka akiloun iyes, ainaki agogoŋu neni a ŋimoe kus.

Aum. 2:21

Emaikina mono ŋisacaradotin ka ŋikadwarak toarakinae Kai a Ekapolon a? Eperete ŋawat a ŋisorok ka ŋikasikou alorotin a etaun, aar ŋimoe ŋisorok ka ŋasorok kosi. Ibu iyoŋ Ekapolon toar ikes akoloŋit ŋina iŋoitor iyoŋ, ibu toar ikes emam akisyon.

Aum. 2:5

Ekwaanikin Ekapolon aneni yok ka ŋimoe; amunya iŋes Ŋisirael; amunya ŋakais daadaŋ ŋuna iboiyoto ŋirwosi a Isirael, aritaki kwap ka eturuwo ŋaduketa kec ŋunajiet ŋireŋoroto, etalal nooi akigworo ka aumonokin alotuŋa a Yudaya.

Aum. 3:43

“Ikiŋoik iyoŋ isua daadaŋ ka irubak ikiwuapit isua ikiari emam akisyon.

Esek. 5:11

Aŋun, ikwapei araakar ayoŋ Akuj ŋina ayari, aŋuna itisiliyaniata iyes Akai kaŋ a aronis a daadaŋ ka asiilyo kus daadaŋ, ajoŋoe ayoŋ amina iyes, nyekeŋolikini ayoŋ iyes, ido ekesyon, kori okoesik akisican.

Esek. 7:4

Nyekemyekini ayoŋ iyes ekeŋolikini, nyekesyoni ayoŋ iyes. Ekesicani ayoŋ iyes a ŋakiro a ŋuna itiyata iyes ka aŋuna ka asiilyo a ŋina itiyaete iyes alokidiŋ kus. Ŋun nai iyenuniata iyes atemar arae ayoŋ Ekapolon.’

Esek. 7:9

Nyekemyekini ayoŋ iyes ekeŋolikini; nyekesyoni ayoŋ iyes. Ekesicani ayoŋ iyes lopite ŋolo itiyatotor iyes, ekesicani ayoŋ iyes aŋuna ka asiilyo a ŋina itiyaete iyes alokidiŋ kus. Ŋun nai iyenuniata iyes atemar erae ayoŋ Ekapolon ekesicanit iyes.

Esek. 8:18

Aŋun, anyunyurikin ayoŋ ikes, nyacamuni ayoŋ akiŋolikin ikes, mam tari nyesyoni ayoŋ ikes; tari kigworo ikes neni kaŋ opupi ayoŋ ikes iworoete nooi, nyapupokini ayoŋ ŋakiro kec.”

Esek. 9:10

Aŋun, nyeŋolikini ayoŋ ikes oesik, kori nyesyoni ayoŋ ikes, nai etiyae ayoŋ neni kec ŋuna adaut ikes akitiya neni a ŋuluce.”

Mika 5:14

Alemari ayoŋ anakwap kus ŋitorubei a akuj a ŋina enyaritae Asera, amunaari ayoŋ ŋitaunio kus.

Mal. 1:4

Ani ketemasi ŋituŋa ke Edom, ‘Tari daŋ kielielitae akwap kosi, ikidukokini isua nabo.’ Nai ŋuna irworo Ekapolon ŋolo Etiron ikes nu ebe, ‘Epedorete ikes adukokin, nai eeliyalari ayoŋ. Enyarao ikes akwap ŋina aronon, ŋituŋa ŋulu erubakinit Ekapolon enyunyurikina.

Mat. 18:33

Pa kitemokino iyoŋ daŋ akisyon eketiyan ŋoloce ikwaŋina abunio ayoŋ ekesyon iyoŋ a?’

2 Ŋikor. 10:4

Nyerae ŋiboro ŋulu ikijiyo isua ŋulu ka akwap a na, nai erae ŋiboro ŋulu agogoŋok ŋulu ka Akuj. Ikisitiyae isua ŋiboro ŋul akilounia ŋajorei a ŋolo Aronon.

Ŋikis. 28:52

Ikirikaunete ikes iyes alotaunio kus a daadaŋ akitodol ŋina eritakiniata kwap anakwap kus a daadaŋ ŋarwatatain ŋuna aoyak ŋuna ewuatere ŋitaunio kus ka ŋaduketa ŋunajiet ŋuna eya nen ŋuna sek ikinyomito iyes. Ikirikaunete ikes iyes anakwap kus a daadaŋ a ŋina ikiinak Ekapolon Akuj kus iyes.

Ŋikis. 32:22

Enokuni aŋoit kaŋ esibit akim, todol aŋoit kaŋ tari nakibois a ŋikatwak, emwana esibit akim emunyari aŋoit kaŋ akwap ka ibore daadaŋ ŋini eyai nakwap edoli aŋoit kaŋ tari nakisyakinet a ŋimoru.