Aum. 2:19 - Ebaibul

¹⁹ Tonyoutu, kigworonokisi Ekapolon akuwar kia, toboŋonokisi akigworonokin Ekapolon nakwaare, tolimokisi Ekapolon ŋakiro daadaŋ ŋuna eya lotai kus, kilipa neni keŋ ikyaarito ŋakan aŋuna a ŋidwe kus a ŋulu iridete alorotin a daadaŋ aŋuna ka akoro.

Aum. 2:19 Iomraidhean Croise

Yob 3:24

Anerae akisuta kaŋ akimuj kaŋ, eropiunit aumen aneni kaŋ lopite ŋolo eropiyoto ŋakipi.

Ŋikiru. 119:55

Atamunit ayoŋ ekiro kon tari nakwaare, okoe Ekapolon, ewuapit ayoŋ ŋikisila kon.

Ŋikiru. 134:2

Kikyaasi ŋakan kus ilipete iteorito nakibois ŋina asegan, ido kipuro Ekapolon.

Ŋikiru. 141:2

Tocamu akilip kaŋ lopite ŋolo icamunia iyoŋ eure ke ekinyate ŋolo abobon; tocamu akikyaarit kaŋ ŋakan kaŋ lopite ŋolo icamunia iyoŋ amuronot ŋina ka ataboŋ.

Ŋikiru. 142:2

Alimokinit iŋes ŋakiro daadaŋ ŋuna eŋuruŋurar ayoŋ, alimokinit iŋes ŋican kaŋ.

Ŋikiru. 142:3

Ani apapanuni ayoŋ, iyoŋ Ekapolon iyeni ŋuna emaikina ayoŋ etiya. Adaut ŋikaronok ayeun epite ŋolo akaaryata ayoŋ alorot a ŋolo amyat ayoŋ.

Ŋikiru. 28:2

Kiira ŋakiro ŋuna ka akilip kaŋ, apaki ŋina egworor ayoŋ neni kon akiŋarakino, apaki ŋina ekeyaaritor ayoŋ ŋakan kaŋ elipi neni kon eteorit nakibois kon ŋina asegan nooi.

Ŋikiru. 42:3

Ŋakiyo kaŋ ikes erae akimuj kaŋ naparan ka nakwaare, ekeŋiseneneete ayoŋ ŋituŋa apaaran jwii ebe, “Ai bo eyai Akuj kon?”

Ŋikiru. 42:4

Atamununui ayoŋ ŋakiro nu ŋapakio ŋuna ikalounio etau kaŋ: Epite ŋolo paaran ikirukitor ayoŋ ka ŋituŋa ŋulu alalak, epite ŋolo paaran eŋarenikinitor ayoŋ ikes ikilosi Kai ka Akuj, tocelatei eeoi ka alelyanu ŋieosyo ŋulu ka alakara neni ka Akuj; alalakae isua ikilosi nasuban ŋunakipuret Akuj.

Ŋikiru. 42:8

Eketoodyanakini ayoŋ Ekapolon amina keŋ naparan, ani nakwaare, oeik ayoŋ eete neni keŋ elip neni ka Akuj a ŋina erae akiyar kaŋ.

Ŋikiru. 62:8

Okoe ŋituŋa kikinyoma Akuj; anerae Akuj iŋes erae akaiunan yok.

Ŋikiru. 63:4

Ekepuri ayoŋ iyoŋ ŋirwa daadaŋ ŋulu ka akiyar kaŋ, ido ekyaari ayoŋ ŋakan kaŋ elip anyarit ekiro kon.

Isa. 26:9

Ekeitanit ayoŋ iyoŋ nakwaare, ikiwarit iyoŋ etau kaŋ eŋirikinit nooi; anerae ani iyauni iyoŋ ŋikisila kon nakwap, eyeunete ŋituŋa ŋulu iboiyete anakwap ŋuna ka akiyookino.

Isa. 51:20

Eyalaar ŋidwe kus, eperete anakisaleta a ŋirotin a daadaŋ a ŋulu ke etaun ikamunitae ikes lopite ŋolo ikamunitor auno elob. Eŋoikinit Ekapolon ikes, eŋenyak Akuj kus ikes.

Yer. 14:18

Ani alosi lomanikorin, eŋolik ŋulu kearyo a ekileŋ, ani alomari lotaun, eŋolik ŋulu iridete aŋuna ka akoro, anerae erubakinito ŋikadwarak ka ŋisacaradotin itiyaete etic kec anakwap a daadaŋ, nai nyeyenete ŋuna itiyaete.”

Yer. 9:20

Okoe ŋaberu, kiirasi ŋakiro ŋuna ke Ekapolon, topupokisi a ŋaki kus ŋakiro ŋuna elimuni Ekapolon, kitatama ŋidwe kus ŋulupesur akiwolol, kitatama ŋikidunyet kus epite ŋolo kiwololoet.

Esek. 5:10

Kire jik, enyamete ŋikauruunak ŋidwe kec alokidiŋ kus ka enyamete ŋidwe ŋikauruunak kec; ekesicani ayoŋ iyes ka eelari ŋipiya kus iwace.

Esek. 5:16

Etoŋopiyari ayoŋ akimuj alo Yerusalem emyek ŋituŋa keŋ tonyam akoro. Ikipipilikinete iyes ŋakiro ŋuna ka aŋoit kaŋ lopite ŋolo epipilyata ŋikaleŋeleŋe ŋulu egumunitae amunyar ŋituŋa kus.

Mika 1:16

Iyes ŋituŋa a Yudaya, tobanya ŋitim kus aŋuna a ŋidwe kus a ŋulu iminasi, tobanya ŋakyes kus toŋolyaakiata ikwa ŋuna a ŋataruk, anerae eyayio ŋidwe kus aneni kus, toruwor ŋulu a ŋakwapin a ŋace.

Naum 3:10

Kikote neni daŋ, aponi torikoroe ŋituŋa a Tebes nakwapin, kituruworoe ikes ŋipi. toaranakinae ŋidwe kec nakiryamiryamet a ŋirotin, torikonoroe ŋikapolok a ŋituŋa keŋ eenitae a ŋiriko, kilamilama ŋikarikorok kec totedoreta ŋini eai edyo a ŋikapolok a ŋul.

Mat. 14:25

Ani ebai akuwar, bu Yesu neni a ŋikasyomak elosi alokidiama nakipi.

Mar. 1:35

Ani taparacu eriŋa akoloŋ nyipiripiruna, tonyou Yesu, tolot neni asilon akilip.

Mar. 13:35

Tokienyete nai, anerae nyiyenete iyes apaki ŋina eboŋunio elope ŋolo ke ere; kerae eboŋ, kori kidiŋ akuwar, kori ebai, kori taparacu.

Luk. 6:12

Apaki ŋin, tolot Yesu lokamukumukut akilip; kiboi iŋes a nen akuwar kya, ilipi neni ka Akuj.

1 Tim. 2:8

Eitanit nai ayoŋ atemar anakiboisyo a daadaŋ, a ŋuna ilipyata Ŋikristo, itemokino ŋikilyok kilipa ikiarito ŋakan ŋuna emam asecit; tomam aŋoit kori ebura eyakatar.

Ŋikat. 7:19

Apotu nai Gideon ka ŋikilyok amiat ŋulu arukitotor iŋes todolo diyete akibois ŋina ayakasi ŋajorei a Ŋimidian, adolete ikes nen edoli kidiŋ akuwar, apaki ŋina elocokinioto ikes ŋulu eyokiyete ŋuluce nakwaare. Tokutakis Gideon ka ŋirukitos keŋ ŋamomwar a ŋimesekin, tobwaŋabwaŋaasi ŋitwol ŋulu atiŋito ikes.

1 Sam. 1:15

Nai abu Ana toboŋok iŋes tema, “Nyamera ayoŋ, ekapolon kaŋ; arae ayoŋ aberu ŋina aryamunit ŋican ŋulu apipilak nooi; nyemata ayoŋ epiini, kori ŋagwe ŋadi ŋuna adwarak, nai igworonokini etau kaŋ Ekapolon.

1 Sam. 7:6

Aŋun, apotu ikes tocunakinos Misipa, tookut ŋakipi tobukosi alokiŋaren Ekapolon. Kiredakis ikes akiron akoloŋit ŋin temasi, “Ikidau isua akisec alokiŋaren Ekapolon.” Ido abu Samuel toruwor ekatubon ŋakiro ka ekarikon a Ŋisirael alo Misipa.