Aum. 2:11 - Ebaibul

¹¹ Amuumu ŋakonyen kaŋ aŋuna ka akigworo, eryebete ŋakiro etau kaŋ nooi. Akaup ayoŋ akiyaloloŋ aŋuna amunyarere ŋituŋa kaŋ ka aŋuna iridyata ŋidwe ka ŋiŋwea alorotin a ŋulu ke etaun.

Aum. 2:11 Iomraidhean Croise

Yob 16:13

ekerikaunito ayoŋ ŋituŋa keŋ ŋulu erae ŋikagumak a ŋikaleŋeleŋe. Akagum iŋes ayoŋ a ŋikaleŋeleŋe loŋalur emam akisyon, ido abukoki iŋes apid alomany kaŋ nalup.

Yob 30:27

“Iŋodyasi ŋinerin kaŋ ŋulu alotooma kaŋ, emam nyinapanakin kililiŋa cek; ekesiryamito ayoŋ ŋirwa ŋulu a ŋican.

Ŋikiru. 119:82

Akaup ayoŋ akidarit akiikinet kon, eŋita ayoŋ ebe, “Ori mono ikiŋarakinia iyoŋ ayoŋ?”

Ŋikiru. 22:14

Apapanu ayoŋ ka acaryoon ikwa ŋakipi ŋuna ebukoryo, nyeriŋa ŋakoyo kaŋ daadaŋ erucokina neni sek eruconokina; ali etau kaŋ ekwaanikin ka amanok ŋina elii imadakinio nakim;

Ŋikiru. 31:9

Kisyonitetei ayoŋ okoe Ekapolon, anerae ayai ayoŋ locan; amuumu ŋakonyen kaŋ aŋuna ka akiyaloloŋ eyaloloŋiyosi daŋ etau ka akuwan kaŋ.

Ŋikiru. 38:8

Alemun ayoŋ ka alilimiyo akuwan kaŋ nooi; aumeni ayoŋ aŋuna ka aryeba a etau.

Ŋikiru. 6:7

Nyeriŋa ŋakonyen kaŋ iteete ejok aŋuna ka akigworo kaŋ; amuumu ŋakonyen kaŋ aŋuna a ŋimoe kaŋ a daadaŋ.

Ŋikiru. 69:3

Apapanu ayoŋ anakigworo eŋita akiŋarakinio, aono edokole kaŋ. Amuumu ŋakonyen kaŋ edarit akiŋarakino aneni ka Akuj kaŋ.

Isa. 22:4

Aŋun, abu ayoŋ otema, “Nyipotu neni kaŋ, kimyekinae ayoŋ egwor nooi; nyikisirworiut ayoŋ aŋuna amunyarere ŋituŋa kaŋ ŋuluminan.”

Isa. 38:14

“Eoroonor ayoŋ aditiyar etoil kaŋ ka apalagag egworo ayoŋ lopite ŋolo erwor akuri. Aup ŋakonyen kaŋ akireorit kidiama. Okoe Ekapolon, ekesicanitae ayoŋ, toruwor ekeuryaran kaŋ.

Isa. 51:20

Eyalaar ŋidwe kus, eperete anakisaleta a ŋirotin a daadaŋ a ŋulu ke etaun ikamunitae ikes lopite ŋolo ikamunitor auno elob. Eŋoikinit Ekapolon ikes, eŋenyak Akuj kus ikes.

Yer. 14:17

Okolimok nai Ekapolon ayoŋ tema, “Tolimok ŋituŋa ŋul ŋakiro ŋuna iyaloloŋio iyoŋ nu: Elipi toleleta ŋakiyo anakonyen kaŋ apaaran ka akuwar, kerae nyajoŋo ayoŋ akigworo, anerae awani ŋituŋa kaŋ nooi, epol nooi awananu kec.

Yer. 4:19

Aryeba ayoŋ! Aryeba ayoŋ! Akanomo ayoŋ apipilu! Akanyamete ŋakiro etau! Idoŋae etau kaŋ nooi, nyapedori ayoŋ akililiŋ, anerae apupi ayoŋ eruye ŋolo amomwara a emesek, apupi ayoŋ eli ŋolo ke ejie.

Yer. 44:7

Alimu tokona Ekapolon ŋolo a ŋajoresyo, Akuj ŋina a Ŋisirael atemar kaanukiro itiyaata iyes ŋakiro ŋuna eduporok iyes, ŋuna elemarete ŋikilyok, ŋaberu, ŋidwe ka ŋiŋwea anakwap a Yudaya, tomamukaun ŋipiya kus idoŋete?

Yer. 8:19

Kiirasi akigworo a ŋituŋa kaŋ, igworosi ikes aneni eapi ka aneni alwanan ebasi, “Emam mono Ekapolon alo Sion a? Emam mono erwosit a Sion alotaun keŋ a? Kaanukiro eketoŋoeta ikes ayoŋ a ŋitorubei kec, kaanukiro eketoŋoeta ikes ayoŋ a ŋitorubei a ŋakujo kec a ŋuna egelaaka?”

Aum. 1:11

Eumenete ŋituŋa a Yerusalem daadaŋ iwarito ibore ŋininyamat; ilokonyiyanarete ebari kec nakimuj aŋuna ka arubakinia eyarete. Igworosi ŋituŋa a Yerusalem ebasi, “Okoe Ekapolon, kiŋolikinae isua, kiŋolik epite ŋolo ikiruworor isua ŋulu ikijamuwaritae.”

Aum. 1:16

“Ikigworo isua a ŋakiro a ŋun, eleleete ŋakiyo anakonyen kosi, anerae elwana nooi ŋini ikisirworiuni isua, emam ŋini ikisimukekini isua. Ikireut isua ŋimoe kosi, mam ibore eriŋa idoŋit neni kosi.”

Aum. 1:20

“Kiŋolik mono iyoŋ okoe Ekapolon epite ŋolo ikiryamunitor isua ŋican, ikiryebete isua ŋakiro nooi; emam akinapakina eyai lotai kosi, anerae aponi isua toruworotei ŋikaŋerok. Ani ikilomari isua kiŋa ikiari; ani ikiboi alotooma ŋakais daŋ ikiwuapunit atwanare.

Aum. 5:17

Aŋun, eyalaar ŋitai kosi ka amuumu ŋakonyen kosi,

Luk. 23:29

Anerae epote ŋirwa ŋulu etemaryata ŋituŋa, ‘Erereŋ nooi ŋaberu ŋuna kolupanotin ka ŋuna nyidouno ta ŋuna nyitanaka!’

1 Sam. 30:4

Aŋun, apotu Daudi ka ŋikajiok ŋulu arukito ka iŋes, kigworo iworoete nooi, akitodol ŋina adaunor agogoŋu aneni kec ŋinakigworyet.