Aum. 2:10 - Ebaibul

¹⁰ Iboiyete ŋikasikou a Yerusalem alokwap ililiŋete cek; ipuripurito apuwa nakyes kec ka enapito ŋiguniyae; ijuuruyete ŋasorok ŋuna a Yerusalem.

Aum. 2:10 Iomraidhean Croise

2 Sam. 13:19

Nai abu Tamar kiwuak ekuron nakou keŋ, ido tocilicili elou ŋolo anapit iŋes, kidokok akan keŋ nakou keŋ, torotok a nen igworo nooi, iwololoe elosi.

Isa. 15:3

enapito ikes ŋiguniyae elosete alorotin a etaun. Iwololoete ka igworosi ŋituŋa daadaŋ alokidiama ŋakais ka analapatui.

Isa. 3:24

Eyakaun nen abosis meere eure a akimyet a ŋina akukunyon, enapi ŋinituŋanan auno meere ausi, edaun anakyes kec ŋitim ŋulu sek eoitoe ejok, enapete ikes ŋiguniyae meere ŋilowi ŋulu ajokak, edaun akibuses aneni kec ka irumete ŋileec ikes.

Isa. 3:26

Iwololoete ka igworete ŋituŋa alopukei a Sion. Eruwor Sion etaun ŋolo a ŋican, ikwaanikin ka aberu ŋina iboi alokwap emam ŋiboro enapit.

Isa. 36:22

Apotu nai Eliakim lokoku ka Ilikia ŋolo apolokinit ŋiticisyo alokai ka apukan ka Sebina ekegirigiran ta Yoa lokoku ka Asap ŋolo apolokinit ŋakiro ŋuna igiritae toloto neni ka Esekia ecilicilito ŋilowi kec, tolimokis iŋes ŋakiro ŋuna erworo ekapolokiniton a ŋasigarya ka Asiriya.

Isa. 47:1

Iyes ŋituŋa a Babilon, totiyaunos anakitopolooro kus, potu kiboikinos napuwa, ŋituŋa a Babilon, kiboikinos kwap emam akitopolooro, anerae nyeriŋa nabo iyes ikinyarao ŋulu idisyak ŋulu epatana akiŋo.

Isa. 47:5

“Iyes Ŋibabiloniyae kiboikinos ililiŋete, tolomasi nakiryonut! Nyeriŋa nabo ikinyarao iyoŋ Babilon arwosit a ŋakwapin a daadaŋ.

Yer. 8:14

“Iŋitasi ŋituŋa ŋulu ka Akuj ebasi, ‘Kaanukiro erubakinitere iwon iboiyo? Ocunakinos kaapei oloto lotaunio ŋulu eyakasi ŋaduketa ŋunajiet otwanikisi nen; anerae atubu Ekapolon Akuj yok atemar ikimunyar iwon ka ikiinak iwon akimat ŋakipi ŋuna ikiŋalakinitere, anerae ikidau iwon akisec aneni ke Ekapolon.

Aum. 1:1

Kesilyor etaun lo, ŋolo paaran eleleba ŋituŋa! Ekwaanikin bareca iŋes ka apuserut, torae bo sek arae iŋes etaun ŋolo etopoloorito ŋituŋa a ŋakwapin! Etaun lo iŋes sek epol anakiboisyo a ŋunace, ekwaanikin tokona ka epito.

Aum. 1:4

Igworosi ŋirotin ŋulu elomarere Sion, anerae mam ituŋanan elosenene Sion akitiya ŋasuban ŋuna sek emaikina kitiyaeneneetei a nen; Asilut ŋipukei a Sion daadaŋ, eumenete ŋisacaradotin keŋ; iyaloloŋete ŋapesur ŋuna eya Sion, eryamunit Sion ŋican ŋulu apipilak.

Aum. 3:28

Ani apaki ŋina eryamunia ituŋanan ŋican, emaikina kiboikin neni keŋ bon ekililiŋat, anerae Ekapolon eyaunit ŋican ŋul.

Aum. 4:16

Abu Ekapolon kiela ikes, nyemitak ikes nabo jik. Abu Ekapolon nyitopoloo ŋisacaradotin ka nyeminak ŋikasikou kec.

Aum. 4:5

Atwanikis lorotin ŋulu ke etaun ŋituŋa ŋulu sek imujete ŋamuja ŋuna ajokak; eperete aneni emudio ŋikurono ŋituŋa ŋulu sek ayakatar apolou.

Aum. 5:12

Arikonor ŋikarikok kosi, enenonokin lopirin; mam ituŋanan itopoloorit ŋikasikou kosi.

Aum. 5:14

Nyeriŋa ŋikasikou iboiyonokin lopuke ŋolo ke etaun akitub ŋakiro, nyeriŋa ŋisorok ecunanakin aeore.

Esek. 27:30

Iworounete ikes a nen nooi aŋuna kon, ikalounete ikes enomorito ŋakiro ŋitai nooi. Ipuripurete ikes apuwa nakyes kec, kibelibelo alokurono.

Esek. 27:31

Ebanyete ikes ŋakyes kec aŋuna kon ka enapete ŋilowi ŋulukigworet. Ikalounete ikes aŋuna kon enomorito ŋakiro ŋitai nooi, erae akigworo ŋina apipilan.

Esek. 7:18

Enapete ikes ŋiguniyae, ilopiyari ekabule ikes. Ilelebun ŋileec neni a ŋinituŋanan, ebanyaryo ŋitim anakou a ŋinituŋanan.

Yoel 1:8

Kigworo inapito ŋiguniyae, ikwa igworor apese ekile keŋ ŋolo ariŋa iitari iŋes.

Amos 5:13

Ŋakiro ŋun iŋes ililiŋiata ŋituŋa ŋulu aosok, ŋulu itidiŋito iyes, anerae erae apaki na ŋina ka aronis.

Amos 8:13

Akoloŋit ŋin, irakari akure ŋasorok ka ŋisorok.

Amos 8:3

Akoloŋit ŋin, iwololoete ŋituŋa eeosi alo kai a ŋina ilipyata; ilelebun ŋawat a ŋituŋa ŋiwaetin daadaŋ ŋulu ka akwap, imasaryo ŋawat a ŋituŋa kiŋa ekililiŋat.”

Yona 3:6

Ani iirari erwosit a Ninepe ŋakiro ŋun, tonyou alokicoloŋ keŋ a ŋolo ka apukan, tolaca ekaaso, tonap ŋiguniyae, kiboikin lokuron.

Yos. 7:6

Apotu Yosua kaapei ka ŋikarikok a Ŋisirael tocilicileta ŋilowi kec anakiyaloloŋ, tobuburiyaros kilipa alokiŋaren Asaduku ŋina ka Acamunet a ŋina ke Ekapolon. Topero ikes aneni akitodol eboŋ, ipuripurito apuwa nakyes kec akitoodiunia akiyaloloŋ kec.

Akis. 18:19

Tobukonokis ŋalup ŋakyes kec, kigworo ka kiyaloloŋo temasi, “Oitakoi! Kerokyata ŋakiro ŋuna atakanut lotaun ŋolo apolon nooi lo! Arae iŋes etaun ŋolo abarakinete ŋimucurus ŋulu ayakatar ŋameeli! Atwania iŋes ebari ŋol daadaŋ alotooma esaa epei.”