Aum. 1:9 - Ebaibul

⁹ Ileere jik asiilyo a ŋituŋa a Yerusalem, nai apotu ikes nyitiyata ŋadi akiretakinia ŋican aneni kec. Arono nooi akinyasuno kec, mam ituŋanan epedori akisirworiun ŋituŋa a Yerusalem. Ebasi ŋituŋa keŋ, “Okoe Ekapolon, kiŋolik kareca ŋican ŋulu eryamunitae isua, anerae ikilout isua ŋimoe kosi.”

Aum. 1:9 Iomraidhean Croise

2 Sam. 16:12

Acepaki epedori Ekapolon akiŋolikin ŋican ŋulu aryamunit ayoŋ, ido kinyaŋa Ekapolon ŋakiro kaŋ a ŋakiro aŋuna ajokak, nyisiyook ŋicen lu ŋulu ekecenere ayoŋ nakoloŋit na.”

2 Ŋirw. 14:26

Etiyae Yeroboam ŋolo a ŋiarei ŋun, anerae abu Ekapolon kiŋolik atemar apipilu nooi ŋican a Ŋisirael a ŋulu arae ŋipi kaapei ka Ŋisirael ŋuluce daŋ. Amam ituŋanan tari ipei daŋ ŋini eŋarakinan ikes.

Neem. 9:32

“Aŋun nai, Akuj kosi, Akuj ŋina ka apedor, ŋina etiron ka ŋina ikitubuli, ŋina iricit acamunet ka amina ŋina nyiryaŋiryaŋa, nyijamak ŋatyokisyo ŋuna apotu neni kosi, neni a ŋirwosi kosi, neni a ŋikepukak kosi, neni a ŋisacaradotin kosi, neni a ŋikadwarak kosi ka neni atapapaa kosi, neni a ŋituŋa kon a daadaŋ ameun anapaki a ŋina a ŋirwosi a ŋulu ka Asiriya akitodol nakoloŋit na.

Ŋikiru. 119:153

Ekapolon, kiŋolik ŋican kaŋ, ido itolaku ayoŋ, anerae nyimuryakina ayoŋ ŋikisila kon.

Ŋikiru. 140:8

Okoe Ekapolon, nyiinak ŋulu aronok apedor akitiya ŋuna ecamito; nyicamak ŋuna etukete ikes kitiyakin.

Ŋikiru. 25:18

Kiŋolik akiyaloloŋ ka ŋican kaŋ, ido ikisyon ayoŋ anasecisya kaŋ a daadaŋ.

Ŋikiru. 69:21

Apotu ŋituŋa okoinakis ayoŋ ekitoe ŋolo aaran akilo akimuj, ani akanyami ayoŋ akure, apotu okoinakis epiini ŋolo adadaŋan akimat.

Awos. 3:17

Adau ayoŋ atubun atemar akayauni ayoŋ iyes eketipeunio anakwap a Ijipit a ŋina iryamunitotor ŋican, okoyau nakwap a Ŋikanaani, a Ŋiitaiti, a Ŋiamori, a Ŋiperisi ka a Ŋiipi ta a Ŋiyebusi, nakwap ŋina elelyaata ŋakile ka ao.’

Awos. 3:7

Tema nai Ekapolon, “Adau ayoŋ akiŋolikin epite ŋolo iteryamunitere ŋituŋa kaŋ ŋican alo Ijipit. Eira ayoŋ akigworo kec ŋina isigworyoto ŋikapolok ŋulu isitiyaete ikes. Kire jik akanomosi ayoŋ ŋican kec

Awos. 4:31

Tonupa ŋituŋa ŋakiro ŋun; ani iirarete ikes atemar adau Ekapolon akiirar akigworo a Ŋisirael ka eŋolik ŋican ŋulu eryamunito ikes, apotu Ŋisirael toryediko kijuuroto kilipa.

Ekal. 4:1

Abu nabo ayoŋ oŋoleŋolek, eŋolik epite daadaŋ ŋolo atiŋitere ŋituŋa anakwap a na erono. Abu ayoŋ eŋolik ŋakiyo a ŋulu atiŋitae erono, amamukatar ikes ituŋanan ŋini isirworiuni ikes; ayai apedori neni a ŋulu ainakinito ŋican neni kec, mam ituŋanan arae ikesirworiunan ŋulu atiŋitae erono ŋul.

Isa. 3:8

Kire, iteriterosi ŋituŋa a Yerusalem ka ebusokin ŋituŋa a Yudaya, anerae ŋakiro ŋuna irworosi ka ŋuna itiyaete ikes, erae aŋuna ka aŋeryo ka aremokinor apolou ŋina a Ekapolon!

Isa. 37:17

Okoe Ekapolon, topupok ka kiira, ikiŋolik, okoe Ekapolon kiira ŋakiro daadaŋ ŋuna alimu Senakerib, ŋakiro ŋuna eyakuu iŋes ikijamuwarit iyoŋ Akuj ŋina eyari.

Isa. 37:23

“Ŋae mono ijamuwa ka iyany iyoŋ? Ŋae mono icelanakini iyoŋ iremokino? Ŋae mono ite iyoŋ irae ŋolo itopolooro bon nooi? Itiya iyoŋ ŋun iremokino Akuj ŋina asegan ŋina a Ŋisirael.

Isa. 37:29

Aŋuna ikidedeŋikinitor iyoŋ ayoŋ ka aŋuna tokona eirarya ayoŋ akituro kon, aruboikini ayoŋ ekodocet kaŋ lokume kon, ido aburakini ibore nakituk kon; eketoboŋori ayoŋ iyoŋ tomek erot ŋolopei sek imyat iyoŋ ibuni.”

Isa. 37:4

Acepaki iirarit Ekapolon Akuj kon ŋakiro ŋuna erwor ekapolokiniton a ŋasigarya ka Asiriya, ŋolo iyakuunit ekapolon keŋ erwosit ka Asiriya ajamuwanar Akuj ŋina eyari, ikotere nai Akuj itoŋoiyari iŋes aŋuna a ŋakiro a ŋuna eira Ekapolon Akuj kon. Aŋun, kilip a ŋuna a ŋituŋa a ŋulu eriŋa idoŋito.”

Isa. 40:2

Kirworo irimaaka neni a ŋituŋa a Yerusalem, kiserata ŋakiro neni a ŋituŋa keŋ, tolimokisi ikes atemar erikakin ŋakiro ŋuna atyonok ŋuna sek etiyaete ikes, tolimokis ikes atemar ataci ŋuna sek adikino ikisicanere, tolimokis ikes atemar adaun akisican iyes anapedor a Ekapolon a ŋina apolon aŋuna a ŋasecisya kus daadaŋ.

Isa. 47:7

Ibu iyoŋ tema, ‘Aruwor ayoŋ arwosit ŋikaru ka ŋikaru.’ ido ibu nyitamu ŋakiro ŋun, kori nyitamatam ŋuna itiyakin anakiro a ŋun ekaku.

Isa. 51:19

Ikidolokis iyes ŋakiro nu ŋaarei: Ŋinyas ka amunyaro, aronis ka ejie, ŋae iyaloloŋi kaapei ka iyes? Ŋae ikisirworiuni iyes?

Isa. 54:11

Alimu Ekapolon ŋakiro nu, Okoe Yerusalem, etaun ŋolo ikisicanitae ikimemeo ka ŋolo emam ikesirworiunan ŋituŋa kon, eapi ayoŋ adukokin iyoŋ nabo a ŋamoru a ŋuna egogoŋ egyelit, adukokini ayoŋ nabo akisyakinet a ŋarwatatain kon a ŋamoru a ŋuna enyaritae Sapire.

Yer. 13:27

Adau ayoŋ akiŋolikin ŋiticisyo kus ŋulu aronok, epite ŋolo iloseneneoto iyes akilip neni a ŋitorubei aŋakujo alomoru ka anakadipaalae ikerete isibito ekile ŋolo imunit aberu a ekidunyet keŋ kori ikwa

Yer. 16:7

Mam ituŋanan elemuni akimuj aŋuna ka akisirworiun ŋini igworo; kori mam ŋini einakini idiobore ŋinimatat aŋuna ka akisirworiun ikes aŋuna ka atwanare a papa, kori a toto kec.

Yer. 2:34

Kire, eya lolowi kus ŋaokot ŋuna iaryata iyes ŋikulyak ŋulu emam ŋakiro esecito tari pa kikamunito iyes ikes ebwaŋete ŋakais kus, nai tari kikote ŋakiro nen,

Yer. 48:26

“Kitemerakisi ŋituŋa keŋ, anerae apotu kitopoloor make kimana Ekapolon, kimyekisi ŋituŋa a Moab kibelibelo analyakan kec pei, eruwor ikes daŋ ŋulu ekyenare.

Yer. 5:31

edwarete ŋikadwarak alyokonu ka ipukato ŋisacaradotin lopite ŋolo elimokiniata ŋikadwarak ikes, italakarito ŋakiro ŋun ŋituŋa kaŋ, nai anu itiyaete iyes apaki ŋina ebunio asalunet?”

Yer. 50:29

“Tonyarautu ŋulu isitiyaete ŋakawo a ŋikaleŋeleŋe ka ŋikaleŋeleŋe potu akitijiore Babilon. Kirikautu iŋes, nyimyekis ituŋanan ipei daŋ tosi. Totacakisi ikes ikwapei etiyatotor ikes, kitiyata neni kec ŋunapei apotu ikes kitiyata, anerae apotu ikes toŋero Ekapolon ŋolo asegan ŋolo a Isirael.

Aum. 1:17

Ibaanarete ŋituŋa a Sion ŋakan kec, nai mam ituŋanan isirworiuni ikes. Adau Ekapolon alimokin ŋiletok a Yakob atemar eruwor ŋikidunyet kec ŋimoe kec. Aruwor Yerusalem etaun ŋolo esiilyana aneni kec.

Aum. 1:21

“Adaut ŋituŋa akiirar aumen kosi, nai mam ŋini ebuni akisirworiun isua. Adaut ŋimoe kosi daadaŋ akiirar ŋican kosi; elelyanete ikes aŋuna idau iyoŋ akitiya. Kitodolu kareca akoloŋit ŋina sek ilimunit iyoŋ, ikotere ŋimoe kosi ekwaanikinos ka isua.

Aum. 2:13

Okoe ŋituŋa a Yerusalem, anukiro tokona alimuni ayoŋ aŋuna kus? Nyo ekesikwaanikinia ayoŋ iyes? Ŋae tokona ekesikwaanikinia ayoŋ iyes ikotere ayoŋ ekesirworiuni iyes? Mam ekisal a ŋican kus, ikwaan ka neni emamukar esal ŋolo ka anam; mam ituŋanan epedori akiteyar iyes nabo.

Aum. 4:1

Ekwaanikin tokona ŋituŋa kosi ka egolid ŋolo aaŋoryan. Ekwaanikin ŋituŋa kosi ielara ka ŋamoru ŋuna ka Akai ka Akuj ŋuna tokona ielakina lorotin ŋulu ke etaun.

Aum. 5:1

Okoe Ekapolon, totamu ŋakiro ŋuna etiyakinosi neni kosi, kiŋoliu neni kosi, ikotere kiŋolik epite ŋolo ikijamuwarere isua.

Osea 2:14

Aŋun, amodiuni ayoŋ iŋes oya naloŋisat, erwor neni keŋ a arimao a ŋina apolon.

Sepan. 2:10

“Epite ŋol iŋes isicanere ŋituŋa a Moab ka ŋulu ka Amon aŋuna ka akituro kec ta ajamuwarit ŋituŋa ke Ekapolon a ŋolo Etiron.

Yoa. 11:19

ido aponito Ŋiyudayan akimaima Marita ka Maria aŋuna ka atwanare a lokaato kec.

Ŋikis. 26:7

aponi isua kigworokinoe Ekapolon Akuj atapapaa kosi, ido abu Ekapolon kiira akigworo kosi, kiŋolik ŋican kosi, kiŋolik ŋiticisyo ŋulu ikireikinitae isua ka akisicanio ŋina ikisicanitere isua.

Ŋikis. 32:27

nai abu ayoŋ nyacamak kiturokinos ŋimoe, anerae acepaki etemarete ikes, ‘Eloun isua ikes, meere Ekapolon etiyae ŋun.’

Ŋikis. 32:29

Ani kerae toosok ikes, keyenunito ŋakiro ŋun, keyenunito ŋuna itiyakinosi neni kec ekaku.

1 Pet. 4:17

Adolu apaki ŋina isyakinia atubokino; isyaunio mono atubokin ŋituŋa ŋulu erae ŋulu ka Akuj. Ani kisyaunio aneni yok, ikokini nai eŋetakin aneni a ŋulu eŋerito Ŋakiro ŋuna Ajokak, ŋuna eponito aneni ka Akuj ai?

1 Sam. 1:11

Tolimu akikoŋet na ebe, “Okoe Ekapolon ŋolo Etiron, kerae ca kiŋolikini akitiditeuna kaŋ a aketiyan kon, ido itotamu iyoŋ ayoŋ, nyikimuryak ayoŋ aketiyan kon, nai ikiinak ayoŋ ŋina arae aketiyan kon ikoku ŋinisapat, ayauni ayoŋ iŋes kiŋaren kon erae ŋini italeunitoe, ŋini nyebanyio akitodol natwanare keŋ. Nyemasi iŋes epiini, kori ibore daadaŋ ŋini ikitemerakini, mam ituŋanan emaikina totapak ebanyet nakou keŋ.”