Aum. 1:7 - Ebaibul

⁷ Alorwa a ŋulu a ŋican ka akirimit, apotu ŋituŋa a Yerusalem totamut ŋiboro kec daadaŋ ŋulu apol egyelit ŋulu ayakatar ikes ekiŋaren. Ani eyakaun ŋituŋa a Yerusalem napedor a ŋimoe kec, abu todaun ituŋanan iŋarakini ikes. Apotu ŋimoe a Yerusalem kitekis Yerusalem, ido ekyenatar aŋuna ka akinyasuno keŋ.

Aum. 1:7 Iomraidhean Croise

Yob 29:2

“Okoe kerae ca oyakaununor ayoŋ akiyar ŋina a ŋirwa a ŋulukoloŋ, ŋina ikoni ŋina a ŋirwa a ŋulu ekeyokiyo Akuj ayoŋ;

Ŋikiru. 42:4

Atamununui ayoŋ ŋakiro nu ŋapakio ŋuna ikalounio etau kaŋ: Epite ŋolo paaran ikirukitor ayoŋ ka ŋituŋa ŋulu alalak, epite ŋolo paaran eŋarenikinitor ayoŋ ikes ikilosi Kai ka Akuj, tocelatei eeoi ka alelyanu ŋieosyo ŋulu ka alakara neni ka Akuj; alalakae isua ikilosi nasuban ŋunakipuret Akuj.

Ŋikiru. 77:3

Ani atamuni ayoŋ Akuj, ekalou; ani atamatamae ayoŋ ŋuna ka Akuj, emam akisimukekinet aryamuni.

Ŋikiru. 79:4

Ikiruwor isua ŋulu ikibolyatar ŋikidunyet kosi, ikiruwor isua ŋulu ikijamuwarito ka ŋulu ikikyenatar ŋikidunyet kosi.

Isa. 64:10

Aruworosi ŋitaunio kon ŋulu asegak ŋaloŋisae, aruwor Sion aloŋisat, aruwor Yerusalem ereŋorot.

Isa. 64:11

Akai kosi ŋina asegan ka ebusan neni koloŋ ikipurotor iyoŋ atapapaa kosi, ecunyar a akim ka aruworosi ŋakiboisyo kosi ŋuna ajokak daadaŋ ŋireŋoroto.

Yer. 37:7

“Alimu Ekapolon Akuj ŋina a Ŋisirael ebe, ‘Tolimokisi iyes ŋiarei erwosit a Yudaya ŋolo ikiyakuunit iyes akiŋit ayoŋ ŋuna emaikina kitiya, atemar eboŋorete nakwap kec Ijipit ŋasigarya a Parao ŋuna eponito akiŋarakin iyoŋ.

Yer. 48:27

Apotu ŋituŋa a Isirael toruwor ŋulu ikyenatar iyes, tari ŋina pa aryamunitere ikes erukito ka ŋikokolak, nai apaki daadaŋ ŋina irworotor iyes aŋuna kec imuŋimuŋite iyes ŋakyes.

Aum. 4:17

Aponi isua kidarae ikiŋarak akwap adio, nai mam akiŋarakinet aponi toryamunae anakwap ka adio.

Esek. 25:3

Tolimok Ŋiamoni atemar, kiirasi ŋakiro a Ekapolon Akuj, alimu Ekapolon Akuj atemar, aŋuna iponiata iyes itemasi, ‘Coe’ nakibois kaŋ ŋina asegan apaki ŋina iponiata iyes tojamuwasi, aŋuna iponiata iyes tolelyana apaki ŋina etisilunere akwap a Isirael ka aŋuna iponiata iyes kitiyata ŋun lotuŋa a Yudaya apaki ŋina aayere erae ŋirikon;

Esek. 25:6

Irworo Ekapolon Akuj ŋakiro nu, atemar, aŋuna iponiata iyes kibapibapata ŋakan kus ka toramanakis ŋakejen kus kwap ilelyanete aŋuna a ŋinyas a daadaŋ a ŋulu eya lotai kus a ŋulu imanitotor akwap a Isirael,

Osea 2:7

Iwuapi iŋes ŋikilyok ŋulu emina iŋes, nai nyerukauni ikes; iwari iŋes ikes, nai nyeryamuni ikes. Ekaku etemari iŋes, “Aboŋori ayoŋ neni alokile kaŋ a ŋolo a ekiŋaren, anerae ajok paaran akiyar kaŋ ikirukit ka iŋes akilo tokona.”

Mika 4:11

Nai tokona, acunakin ŋakwapin ŋuna alalak akitijikin iyes ebasi ikes, ‘Emaikina tomunaarae Yerusalem! Emaikina iwon eŋolikisi etaun ŋol eruwor ŋamoru koŋin!’ ”

Luk. 15:17

Ani ekaku, kiito iŋes ekecere tema, ‘Imujete ŋiketiyak a papa kaŋ akimuj kimwoko topiyanut, nai okaarite ayoŋ akoro a ne!

Luk. 16:25

“Nai abu Aburaam tolimok iŋes tema, ‘Lokoku, toyeni atemar anakiyar kon, iboi iyoŋ neni ajokan, kiboiye Lasaro neni aronon; nai tokona eyai iŋes nege nalakara ka iyai iyoŋ napipilu.