Aum. 1:6 - Ebaibul

⁶ Adaun ailiil a ŋituŋa a Yerusalem daadaŋ. Ekwaanikin ŋikapolok a Sion ka ŋatili ŋuna alemun aŋuna ecanakinotor ŋinya; apotu ikes tonaparos epalag alokiŋaren ŋikewuapak kec.

Aum. 1:6 Iomraidhean Croise

2 Ŋirw. 19:21

Ŋakiro ŋuna adau Ekapolon Akuj akirwor aŋuna keŋ ikes nu: Senakerib, ikijamuwarito iyoŋ ŋituŋa a Sion ikikenatar. Ikemosi ikes, tokeri iyoŋ.

2 Ŋirw. 25:4

Aponi topedoi arwatata ŋina ke etaun, ido toema erwosit ka ŋasigarya daadaŋ nakwaare, kitoro ikes lopuke ŋolo apedokinete ikes kidiŋ ŋarwatatain ŋuna edunyasi ka emanikor ŋolo ke erwosit, tari daŋ ŋina erikaunitotor Ŋibabiloniyae etaun. Apotu ikes toema lowae ŋolo ka Araba.

2 Ŋirw. 25:5

Nai abu ajore ŋina a Ŋibabiloniyae kiwuap erwosit, ido toditasi anadipoe a Yeriko. Apotu ŋasigarya a Sedekia daadaŋ toema kielaros aneni keŋ

Ŋikiru. 50:2

Ecai Akuj alo Sion, alotaun a ŋolo ibus nooi.

Ŋikiru. 96:9

Kilipa neni ke Ekapolon alotooma akitopoloorit iŋes anasegis keŋ, tomarana alokiŋaren Ekapolon, iyes ŋituŋa daadaŋ anakwap.

Isa. 1:21

“Okoe aruwor ŋituŋa a etaun a ŋolo sek ekinyoma ŋulu emalaaka! Ayakasi paaran neni keŋ ŋituŋa ŋulu atubete ŋakiro anakiyookino, ayai paaran akiyookino lotuŋa keŋ. Nai tokona aruwor ŋituŋa keŋ ŋikaarak.

Isa. 12:6

Tocelutu nooi aŋun ka toeikisi ilelyanete iyes ŋituŋa daadaŋ ŋulu iyakasi Sion, anerae epol Akuj ŋina asegan ŋina a Isirael ŋina iboi alokidiŋ ŋituŋa keŋ.”

Isa. 4:5

Iwuakini nai Ekapolon edou ka apuru naparan ta akica a akim a ŋina enepi nakwaare kidiama emoru Sion ka kidiama ŋakiboisyo daadaŋ ŋuna ecunanakin ŋituŋa. Kire, erapuwari Ekapolon etaun keŋ daadaŋ.

Yer. 13:18

Abu nai Ekapolon okolimok ayoŋ tema, “Tolimok erwosit ka arwosit ebe, ‘Kitiditeun bon anerae alemar ebokot ŋolo ebusan anakou kon,

Yer. 29:4

“Alimu Ekapolon ŋolo a ŋajoresyo, Akuj a Ŋisirael neni a ŋituŋa a daadaŋ a ŋulu abu ayoŋ emyek torikoroe alo Yerusalem Babilon:

Yer. 47:3

Ani iirarete ikes eruye a ŋakejen a ŋaŋolei, iirarete akigoligola a ŋakejen a ŋagaari a ŋuna iritae a ŋaŋolei nyeboŋorete ŋikauruunak kaku aŋuna a ŋidwe kec, epalagagaunete ŋakan kec,

Yer. 48:41

Ikamaryo ŋitaunio, ikamaryo tari ŋaduketa ŋunajiet. Akoloŋit ŋin ikokinete ŋitai a ŋikajiok a Moab ŋulu ka aberu a ŋina eryeba aŋuna ka akidoun.

Yer. 52:11

Abu daŋ togorono ŋakonyen a Sedekia, toeniu iŋes a ŋiriko, yaarae Babilon neni aponere toenere Sedekia akitodol akoloŋit ŋina atwania.

Yer. 52:13

Kicunyak Nebusaradan Akai ka Akuj ka akai a erwosit ta ŋakais daadaŋ ŋuna aya Yerusalem. Kicunyak iŋes ŋakais daadaŋ ŋuna a ŋikapolok.

Esek. 24:21

“Tolimok Ŋisirael atemar ebala Ekapolon Akuj ebe, ‘Eapi ayoŋ amunaar akibois kaŋ ŋina asegan, ŋina erae iŋes iryamunitotor iyes agogoŋu ŋina iturotor, akibois ŋina ikibobokinit iyes akitere ka ŋina iburit ŋitai kus. Earyo a ekileŋ ŋidwe kus ŋulusapa ka ŋulupesur ŋulu ipotu iyes kimyekis alo Yerusalem.

Esek. 24:25

“Nai iyoŋ lokoku a ituŋanan, akoloŋit ŋina alemarya ayoŋ akibois kec ŋina eryamunitotor ikes agogoŋu, alelyanu kec ka apedor kec, akibois ŋina ebobokinit ikes akitere, ŋina iburit ŋitai kec; akoloŋit ŋina aarya ayoŋ ŋidwe kec ŋulusapa ka ŋulupesur,

Ŋikis. 28:25

“Ikimyekini Ekapolon iyes ikilout ŋimoe kus, ilosete iyes akitijikin ikes itorito lowae epei nai ibwaŋasi iyes kitoro lowaetin ŋulu alalak. Iruworosi iyes ŋituŋa ŋulu ikijamuwaritae alotuŋa a ŋakwapin a daadaŋ.

Ŋikis. 32:30

Ikokini ituŋanan ipei ilouni ŋituŋa aliput ai? Ikokinete ŋituŋa ŋiarei ebwaŋete ŋituŋa ŋalipyo ka ŋalipyo ai? Mati ejalit ikes ekaiunan kec, mati ipotorit ikes Ekapolon kec.