Aum. 1:5 - Ebaibul

⁵ Aruwor ŋimoe a Sion ŋikapolok keŋ, aruwor ŋikelounak, anerae emyek Ekapolon Sion toryamu ŋican aŋuna a ŋasecisya keŋ a ŋuna alalak nooi; alot ŋituŋa a Sion nakwapin, aruwor ŋirikon a ŋimoe a kec.

Aum. 1:5 Iomraidhean Croise

2 Ŋirw. 21:15

Etiyae ayoŋ ŋakiro ŋun lotuŋa kaŋ, anerae etiyata ikes aronis alokiŋaren kaŋ ka eketoŋoa ayoŋ nooi, ŋinapei ameun akoloŋit ŋina aponiata atapapaa kec alo Ijipit akitodol tari tokona.’ ”

Ŋikiru. 80:6

Ituruwo iyoŋ akwap kosi ŋina emaryaete ŋikidunyet kosi; ikikyenatar isua ŋimoe kosi.

Ŋikiru. 89:42

Isilou iyoŋ ŋimoe keŋ iŋes; iteryamu iyoŋ ŋimoe keŋ daadaŋ alelyanu.

Isa. 22:5

Esubakinit Ekapolon a ŋajoresyo akoloŋit, akoloŋit ŋina ka akiguro ka akipuda ta akibiler, itiyakin ŋun anakadipaalat a ŋina a akisileerekinet, akoloŋit ŋina eritakinere ŋarwatatain ka ŋina igworotor ŋituŋa enyarito ŋimoru kiŋarakis ikes.

Isa. 63:18

Apotu ŋituŋa kon ŋulu asegak kikamasi akibois ŋina asegan apaki adio cici bon; nai tokona enyasut ŋimoe kosi akibois kon ŋina asegan.

Yer. 10:20

Enyasun ŋiemae kosi, atubutuboor ŋaunoi kosi, aloto ŋidwe kosi aneni kosi, a ŋopiyasi jik, mam ituŋanan ikiŋarakini adukokin nabo ŋiemae kosi, mam ituŋanan epedori akinenekin ŋanaŋgae loemae kosi,

Yer. 12:7

“Aŋer ayoŋ ŋituŋa kaŋ, emyek ayoŋ ŋituŋa ŋulu apotu toruwor ŋulu kaŋ; epoto ayoŋ ŋituŋa ŋulu amina ayoŋ alotau kaŋ, ainak ikes napedor a ŋimoe kec.

Yer. 23:14

Nai eŋolik ayoŋ alokadwarak a Yerusalem ibore ŋini ikitubuli akilo, ikinyomito ikes ŋakujo ŋace ka iwuapito ŋuna ka alyokonu, itogogoŋito ikes ŋuna itiyaete ŋikaronok, ikotere tomamukaun ituŋanan imyekini akitiya aronis. Ekwaanikin ikes daadaŋ aneni kaŋ ka ŋituŋa a Sodoma ka ikwaan ŋituŋa a Yerusalem ka ŋituŋa a Gomora.”

Yer. 39:9

Tosodi abu Nebusaradan ekapolokiniton a ŋasigarya a Babilon toriko Babilon ŋituŋa daadaŋ ŋulu aya lotaun ŋulu apotu toriwo ka iŋes ka ŋituŋa ŋulu edoŋito lotaun.

Yer. 5:29

Emaikina mono ayoŋ nyesican ikes aŋuna a ŋakiro a ŋun a? Nyemaikina mono ayoŋ enyaŋa ŋakiro a ŋituŋa a akwap a ŋina ikoni na a?

Aum. 1:16

“Ikigworo isua a ŋakiro a ŋun, eleleete ŋakiyo anakonyen kosi, anerae elwana nooi ŋini ikisirworiuni isua, emam ŋini ikisimukekini isua. Ikireut isua ŋimoe kosi, mam ibore eriŋa idoŋit neni kosi.”

Aum. 1:18

Ebasi ŋituŋa a Yerusalem, “Erae Ekapolon ŋolo iyookino, nai isua aŋeri ŋakiro keŋ. Topupokisi mono iyes ŋituŋa daadaŋ; kiŋolikisi ŋican ŋulu ikiryamunit isua. Arikor nakwapin ŋisorok ka ŋasorok kosi.

Aum. 1:8

Apotu ŋituŋa a Yerusalem toseca nooi, aŋun, eturuwor iŋes etaun ŋolo ejamuwaritae, ajamuwasi iŋes ŋituŋa daadaŋ ŋulu sek etopoloorito, anerae eŋolikis emam ibore eyai; eumenete ŋituŋa keŋ ka nyecamito akiŋolikin etaun kec.

Aum. 2:17

Etiya tokona Ekapolon ŋuna sek acamit akitiya; esiyook ŋakiro keŋ ŋunakoloŋ aris kitemok atemar kitiyakin. Ikimunya iŋes iwon emam akisyon, ainaki ŋimoe alelyan aŋuna ka akiloun iyes, ainaki agogoŋu neni a ŋimoe kus.

Aum. 3:46

“Ikiyanyete ka ikijamuwarito isua ŋimoe kosi daadaŋ.

Esek. 9:10

Aŋun, nyeŋolikini ayoŋ ikes oesik, kori nyesyoni ayoŋ ikes, nai etiyae ayoŋ neni kec ŋuna adaut ikes akitiya neni a ŋuluce.”

Esek. 9:9

Abu Akuj okoboŋok ayoŋ tema, “Epol nooi asecit ŋina itiyato ŋituŋa a Isirael ka ŋulu a Yudaya, elal nooi akiar ŋituŋa anakwapin kec ka elal nooi akitiya ŋuna nyiyookino alo Yerusalem, anerae ebasi ikes, ‘Nyeriŋa Ekapolon emitakinit akwap yok, nyeriŋa Ekapolon ite ŋuna ikitiyae iwon.’

Ŋikis. 31:29

Ayeni ayoŋ atemar ekaku katwana ayoŋ, isyakinete iyes akitiya ŋuna aronok, iŋerete iyes ŋakiro ŋuna ekecik ayoŋ iyes akiwuap. Alorwa a ŋulu epote iryamunete iyes ŋican, anerae itiyaete iyes ŋuna aronok alokiŋaren Ekapolon, tosodi itoŋoyete iyes iŋes aloticisyo a ŋulu itiyaete iyes.”