Aum. 1:4 - Ebaibul

⁴ Igworosi ŋirotin ŋulu elomarere Sion, anerae mam ituŋanan elosenene Sion akitiya ŋasuban ŋuna sek emaikina kitiyaeneneetei a nen; Asilut ŋipukei a Sion daadaŋ, eumenete ŋisacaradotin keŋ; iyaloloŋete ŋapesur ŋuna eya Sion, eryamunit Sion ŋican ŋulu apipilak.

Aum. 1:4 Iomraidhean Croise

Isa. 3:26

Iwololoete ka igworete ŋituŋa alopukei a Sion. Eruwor Sion etaun ŋolo a ŋican, ikwaanikin ka aberu ŋina iboi alokwap emam ŋiboro enapit.

Yer. 10:22

Kiirasi ecelet! Topupokisi, ebunit, ebunit egurigur ŋolo apolon anakwap a ŋina alo Kuju; ebunit iŋes akituruwor ŋitaunio a Yudaya daadaŋ ŋireŋoroto, akituruwor nen neni iboiyoto ŋikweei.

Yer. 14:2

Iyaloloŋete ŋituŋa a Yudaya, enyasun ŋitaunio kec, eperete ŋituŋa a Yudaya alokwap iyaloloŋete ka arem akigworo a ŋituŋa a Yerusalem kidiama.

Yer. 9:11

Eturuwori ayoŋ Yerusalem neni etukotor ŋamoru ŋuna eritakinitae kwap, eturuwori iŋes neni eperyoto ŋikweei; ka eturuwori ŋitaunio a Yudaya ŋireŋoroto, neni emam ŋituŋa iboiyete alotooma kec.”

Aum. 1:21

“Adaut ŋituŋa akiirar aumen kosi, nai mam ŋini ebuni akisirworiun isua. Adaut ŋimoe kosi daadaŋ akiirar ŋican kosi; elelyanete ikes aŋuna idau iyoŋ akitiya. Kitodolu kareca akoloŋit ŋina sek ilimunit iyoŋ, ikotere ŋimoe kosi ekwaanikinos ka isua.

Aum. 5:13

Ereikinitae ŋisorok kosi akiryere ikwa ŋipi; iryaŋanarosi ŋidyain edakito ŋakito ŋuna apotyok.

Aum. 5:14

Nyeriŋa ŋikasikou iboiyonokin lopuke ŋolo ke etaun akitub ŋakiro, nyeriŋa ŋisorok ecunanakin aeore.

Osea 2:13

Esicani ayoŋ iŋes aŋuna a ŋarwa a ŋuna etiyaa ŋasuban neni ata Baal, ŋirwa ŋulu ainanakinia iŋes ekinyate neni ata Baal, tosirite akuwan keŋ a ŋikadoŋidoŋ ka ŋinapen ŋulu epol egyelit, ido tolosenenee neni a ŋikilyok a ŋulu amina iŋes, tosodi ekemuryak ayoŋ.

Ŋilep. 26:22

Emyekini ayoŋ ŋityaŋ ŋulu ka ariet ikinyam iyes, ikidemasi iyes ŋidwe kus, tomunyasi ŋibaren kus, ido kitiditeut ekimar kus kipasakinos ŋirotin kus.

Mika 3:12

Aŋuna a ŋakiro kus, itao Sion toruwor emanikor; eruwor Yerusalem ereŋorot ŋolo etukotor ŋamoru, ido elomuni amoni alomukura a ŋolo ka Akai ka Akuj.