Aum. 1:21 - Ebaibul

²¹ “Adaut ŋituŋa akiirar aumen kosi, nai mam ŋini ebuni akisirworiun isua. Adaut ŋimoe kosi daadaŋ akiirar ŋican kosi; elelyanete ikes aŋuna idau iyoŋ akitiya. Kitodolu kareca akoloŋit ŋina sek ilimunit iyoŋ, ikotere ŋimoe kosi ekwaanikinos ka isua.

Aum. 1:21 Iomraidhean Croise

Ŋikiru. 35:15

Nai apaki ŋina ayakar ayoŋ locan, apotu ikes daadaŋ tocunakinos elakara; apotu ikes tocunakinos okokyenatar ayoŋ. Apotu ŋiryenyaanotin ŋulu pa ayeni ayoŋ torubakis ekeyanyete emam ajoŋore.

Ŋikiru. 37:13

nai ite Ekapolon ŋulu aronok erae ŋikoŋinae, anerae eyeni atemar ebunit akoloŋit ŋina emunyarere ikes.

Ŋikiru. 38:16

anerae elipa ayoŋ ebe, “Nyicamak ŋimoe kaŋ akakyenatar ayoŋ, kori tolelyana apaki ŋina asecia ayoŋ.”

Isa. 14:5

Alema Ekapolon apedor a ŋolo aronon, alema Ekapolon apedor a ŋikepukak

Isa. 14:6

a ŋulu kepotu kisicana ŋituŋa anaryenyeo a ŋina pa eeŋanaryo, a ŋina epukatotor ikes ŋituŋa anaŋoit.

Yer. 30:16

Aŋun, emunyaryo daadaŋ ŋulu apotu itomunyasi iyes, tosodi erikoryo ŋimoe kus daadaŋ erae ŋirikon, eŋataryo ŋiboro a ŋulu apotu toŋatasi ŋiboro kus, esicani ayoŋ ŋulu apotu ikisicana iyes.

Yer. 48:27

Apotu ŋituŋa a Isirael toruwor ŋulu ikyenatar iyes, tari ŋina pa aryamunitere ikes erukito ka ŋikokolak, nai apaki daadaŋ ŋina irworotor iyes aŋuna kec imuŋimuŋite iyes ŋakyes.

Yer. 50:11

“Okoe ŋikaŋatarak ŋiboro a ŋituŋa kaŋ, tari kilakara iyes, tari kilelyanete iyes, tari kitopolooro iyes, tari kicurosi iyes ikwa ŋatak alonya, tari kicelasi isibito ŋaŋolei,

Yer. 50:15

Tocelutu neni keŋ alowaetin a daadaŋ ibasi, ‘Nyeriŋa iŋes ecamit ejie, aritakin ŋaduketa a Babilon ŋuna aoyak kwap, aritakin ŋarwatatain keŋ kwap, erae ŋun akinyaŋar ŋina ke Ekapolon. Kitiyata neni keŋ lopite ŋolo etiyator iŋes.

Yer. 50:29

“Tonyarautu ŋulu isitiyaete ŋakawo a ŋikaleŋeleŋe ka ŋikaleŋeleŋe potu akitijiore Babilon. Kirikautu iŋes, nyimyekis ituŋanan ipei daŋ tosi. Totacakisi ikes ikwapei etiyatotor ikes, kitiyata neni kec ŋunapei apotu ikes kitiyata, anerae apotu ikes toŋero Ekapolon ŋolo asegan ŋolo a Isirael.

Yer. 50:31

“Okoe iyes ŋituŋa a Babilon ŋulu iturosi, akaremokino ayoŋ iyes, anerae adolu akoloŋit kus, adolu apaki ŋina alosyo ayoŋ akisican iyes.

Yer. 51:24

“Alimu Ekapolon atemar isicani iŋes Babilon ka ŋituŋa ŋulu iboiyete alo Babilon iteete iyes, esicani ayoŋ ikes aŋuna ka aronis a ŋina apotu ikes kitiyata Sion.

Yer. 51:49

“Emaikina Babilon kinyasunae aŋuna a ŋituŋa a Isirael, a ŋulu apotu ŋituŋa a Babilon toara, ka aŋuna a ŋituŋa a akwap a daadaŋ a ŋulu apotu ŋituŋa a Babilon toara.

Aum. 1:16

“Ikigworo isua a ŋakiro a ŋun, eleleete ŋakiyo anakonyen kosi, anerae elwana nooi ŋini ikisirworiuni isua, emam ŋini ikisimukekini isua. Ikireut isua ŋimoe kosi, mam ibore eriŋa idoŋit neni kosi.”

Aum. 1:2

Igworo iŋes akuwar kya epipilikinito ŋakiro, eleleete ŋakiyo alokelyo keŋ, mam ŋikonei keŋ ŋuluŋorok daadaŋ ŋolo ebuni akisirworiun iŋes; alukis iŋes ŋikonei keŋ daadaŋ, aruwor ŋikonei keŋ daadaŋ ŋimoe keŋ.

Aum. 1:22

“Kiŋolik aronis daadaŋ ŋina itiyaete ikes, kisican ikes; lopite ŋolo ikisicania iyoŋ isua aŋuna a ŋasecisya a daadaŋ a ŋuna etiyae isua. Elalak nooi ŋakiro ŋuna eumenere isua ka apapanut ŋitai kosi.”

Aum. 1:4

Igworosi ŋirotin ŋulu elomarere Sion, anerae mam ituŋanan elosenene Sion akitiya ŋasuban ŋuna sek emaikina kitiyaeneneetei a nen; Asilut ŋipukei a Sion daadaŋ, eumenete ŋisacaradotin keŋ; iyaloloŋete ŋapesur ŋuna eya Sion, eryamunit Sion ŋican ŋulu apipilak.

Aum. 1:8

Apotu ŋituŋa a Yerusalem toseca nooi, aŋun, eturuwor iŋes etaun ŋolo ejamuwaritae, ajamuwasi iŋes ŋituŋa daadaŋ ŋulu sek etopoloorito, anerae eŋolikis emam ibore eyai; eumenete ŋituŋa keŋ ka nyecamito akiŋolikin etaun kec.

Aum. 2:15

Ŋituŋa daadaŋ ŋulu itorunete Yerusalem, eramete ŋatorobwo eumokinito aŋuna kus. Epodosi ka imuŋimuŋete ŋakyes eumokinito aŋuna a ŋituŋa a Yerusalem ebasi, “Erae mono lo etaun ŋolo paaran ebus nooi akilo a? Erae mono lo etaun ŋolo paaran alelakinito ŋituŋa daadaŋ anakwap a?”

Aum. 2:16

Ikikyenatar iyes ŋimoe kus daadaŋ; ikijuutiyanarete iyes ka ikimwanakinete ebasi, “Adaun ro iwon amunaar iŋes! Okoe, arae ro akoloŋit edaritae iwon na, etemokin tokona, ikiŋolik iwon!”

Esek. 26:2

“Lokoku a ituŋanan, aŋuna aponiata ŋituŋa a Tiro temasi neni a Yerusalem ebe, ‘Coe! Kebilibiliyar etaun ŋolo itoreneneete ŋituŋa a ŋakwapin; edoŋ ŋipukei keŋ itaditadasi eŋaara aŋuna kosi; ebaryo nai tokona isua, anerae nyeriŋa Yerusalem ejokuni.’

Yoel 3:14

Kelalata, kelalata, ŋituŋa ŋulu eya nakadipaalat ŋina etubere ŋakiro! Aapuu adolun Akoloŋit ŋina etubio Ekapolon ŋakiro a nakadipaalat a ŋina etubere ŋakiro.

Akis. 18:6

Kitiyata neni keŋ lopite ŋolopei abunio iŋes kitiyaa neni kus. Totaca iŋes ŋatacet ŋaarei aŋuna ke etic a daadaŋ a ŋolo etiya iŋes. Kitemokisi epiini ŋolo adwaran lokopo keŋ ŋarwa ŋaarei ikwa epiini ŋolo abu iŋes kitemok aŋuna kus.