Aum. 1:20 - Ebaibul

²⁰ “Kiŋolik mono iyoŋ okoe Ekapolon epite ŋolo ikiryamunitor isua ŋican, ikiryebete isua ŋakiro nooi; emam akinapakina eyai lotai kosi, anerae aponi isua toruworotei ŋikaŋerok. Ani ikilomari isua kiŋa ikiari; ani ikiboi alotooma ŋakais daŋ ikiwuapunit atwanare.

Aum. 1:20 Iomraidhean Croise

Yob 30:27

“Iŋodyasi ŋinerin kaŋ ŋulu alotooma kaŋ, emam nyinapanakin kililiŋa cek; ekesiryamito ayoŋ ŋirwa ŋulu a ŋican.

Yob 33:27

eikini ituŋanan ŋin iŋes alokiŋaren ŋituŋa ebe, ‘Abu ayoŋ osec ka oŋer akitiya ŋuna iyookino, nai nyisicana Akuj ayoŋ aŋuna abu ayoŋ etiya.

Ŋikiru. 22:14

Apapanu ayoŋ ka acaryoon ikwa ŋakipi ŋuna ebukoryo, nyeriŋa ŋakoyo kaŋ daadaŋ erucokina neni sek eruconokina; ali etau kaŋ ekwaanikin ka amanok ŋina elii imadakinio nakim;

Ŋikiru. 38:8

Alemun ayoŋ ka alilimiyo akuwan kaŋ nooi; aumeni ayoŋ aŋuna ka aryeba a etau.

Ŋakit. 28:13

Ani kimunon ituŋanan ŋasecisya keŋ, nyeryamuni akiyar ŋina ajokan, nai ituŋanan daadaŋ ŋini elimori, ido toki ŋasecisya keŋ, eryamuni akisyonio.

Isa. 16:11

Aŋun, idoŋae etau kaŋ iyaloloŋi aŋuna a Moab ka iyaloloŋi akiyar kaŋ aŋuna a Kir-Eres.

Isa. 38:14

“Eoroonor ayoŋ aditiyar etoil kaŋ ka apalagag egworo ayoŋ lopite ŋolo erwor akuri. Aup ŋakonyen kaŋ akireorit kidiama. Okoe Ekapolon, ekesicanitae ayoŋ, toruwor ekeuryaran kaŋ.

Yer. 14:18

Ani alosi lomanikorin, eŋolik ŋulu kearyo a ekileŋ, ani alomari lotaun, eŋolik ŋulu iridete aŋuna ka akoro, anerae erubakinito ŋikadwarak ka ŋisacaradotin itiyaete etic kec anakwap a daadaŋ, nai nyeyenete ŋuna itiyaete.”

Yer. 14:20

Okoe Ekapolon, acamun isua asecenu kosi, acamun isua asecit atapapaa kosi, anerae ikisec isua aneni kon.

Yer. 2:35

irworosi iyes ibasi, ‘Mam ŋakiro ikisecit isua; kire jik, nyikiŋoikinit Akuj iyes.’ Tokona, ekesicani ayoŋ iyes aŋuna irworotor ibasi, ‘nyikisecit isua.’

Yer. 3:13

Nai emaikina iyes tocamut ŋuna ikiilitor iyes, emaikina iyes tocamut atemar ipotu iyes toŋero Ekapolon Akuj kus, ido toloto akilipenen neni a ŋakujo alokwap ŋikito ŋulu alibak daadaŋ ka nyiwuapa iyes ŋakiro kaŋ.

Yer. 31:20

Erae mono Epuraim lokoku kaŋ ŋolominat a? Erae mono iŋes ikoku ŋini alakara ayoŋ aŋuna keŋ a? Ŋapakio daadaŋ ŋuna eruworor ayoŋ neni kus eketoroniyarit, akatamunit ayoŋ iyes. Aŋun, iyakasi iyes lotau kaŋ, kire jik, ekesyoni ayoŋ iyes.

Yer. 4:19

Aryeba ayoŋ! Aryeba ayoŋ! Akanomo ayoŋ apipilu! Akanyamete ŋakiro etau! Idoŋae etau kaŋ nooi, nyapedori ayoŋ akililiŋ, anerae apupi ayoŋ eruye ŋolo amomwara a emesek, apupi ayoŋ eli ŋolo ke ejie.

Yer. 48:36

Aŋun, iyaloloŋi etau kaŋ aŋuna a Moab ka aŋuna a ŋituŋa a Kir-Eres lopite ŋolo ekusya ituŋanan apilu apaki ŋina iyaloloŋere, anerae adaun abaru kec ŋina apotu toryamut.

Aum. 1:11

Eumenete ŋituŋa a Yerusalem daadaŋ iwarito ibore ŋininyamat; ilokonyiyanarete ebari kec nakimuj aŋuna ka arubakinia eyarete. Igworosi ŋituŋa a Yerusalem ebasi, “Okoe Ekapolon, kiŋolikinae isua, kiŋolik epite ŋolo ikiruworor isua ŋulu ikijamuwaritae.”

Aum. 1:18

Ebasi ŋituŋa a Yerusalem, “Erae Ekapolon ŋolo iyookino, nai isua aŋeri ŋakiro keŋ. Topupokisi mono iyes ŋituŋa daadaŋ; kiŋolikisi ŋican ŋulu ikiryamunit isua. Arikor nakwapin ŋisorok ka ŋasorok kosi.

Aum. 1:8

Apotu ŋituŋa a Yerusalem toseca nooi, aŋun, eturuwor iŋes etaun ŋolo ejamuwaritae, ajamuwasi iŋes ŋituŋa daadaŋ ŋulu sek etopoloorito, anerae eŋolikis emam ibore eyai; eumenete ŋituŋa keŋ ka nyecamito akiŋolikin etaun kec.

Aum. 1:9

Ileere jik asiilyo a ŋituŋa a Yerusalem, nai apotu ikes nyitiyata ŋadi akiretakinia ŋican aneni kec. Arono nooi akinyasuno kec, mam ituŋanan epedori akisirworiun ŋituŋa a Yerusalem. Ebasi ŋituŋa keŋ, “Okoe Ekapolon, kiŋolik kareca ŋican ŋulu eryamunitae isua, anerae ikilout isua ŋimoe kosi.”

Aum. 2:11

Amuumu ŋakonyen kaŋ aŋuna ka akigworo, eryebete ŋakiro etau kaŋ nooi. Akaup ayoŋ akiyaloloŋ aŋuna amunyarere ŋituŋa kaŋ ka aŋuna iridyata ŋidwe ka ŋiŋwea alorotin a ŋulu ke etaun.

Aum. 5:16

Adaun ibore daadaŋ ŋini sek ikituror isua. Aponi isua tosecae, ido tokona ikiryamunit isua ŋican.

Esek. 7:15

Eriŋa ŋikaarak ŋulu isitiyaete ekileŋ eyakasi kiŋa, nai adaut akoro ka edeke alomun tooma, ikiaryo iyes ŋulu iyakasi kiŋa a ekileŋ; ikiaryo iyes ŋulu iyakasi tooma etaun a akoro ka edeke.

Dan. 9:5

aseci isua ka etiyae ŋuna nyiyookino, etiyae isua ŋuna aronok ka ikiŋer isua iyoŋ, aŋeri isua ŋakiro ŋuna etubunit Akuj;

Osea 11:8

Okoe Epuraim, apedori mono kire ayoŋ akimyekin iyoŋ a? Okoe Isirael, apedori mono kire ayoŋ akimyekin iyoŋ a? Ekokini ayoŋ ekesikwaanikini iyoŋ ka Adama ai? Nyecamuni etau kaŋ akitiya ŋun, epol nooi amina kaŋ aŋuna kus.

Abak. 3:16

Apupi ayoŋ ŋakiro ŋun daadaŋ, ido amarani; emaranete ŋipon kaŋ aŋuna a ekabule a ŋakiro a ŋun. alilimiyosi ŋakoyo anakuwan kaŋ, amarani ayoŋ aneni awuar, edaruni ayoŋ ekililiŋat apaki bu, apaki ŋina isicania Akuj ŋituŋa ŋul ŋulu eketijiete ayoŋ.

Ŋikis. 32:25

Emunyari ekileŋ ŋituŋa alorotin a ŋitaunio, eyakaun ekabule lorerya, earyo ŋisorok ka ŋasorok kaapei, earyo ŋiŋwea ka ŋituŋa ŋulu emojoŋito.