Aum. 1:2 - Ebaibul

² Igworo iŋes akuwar kya epipilikinito ŋakiro, eleleete ŋakiyo alokelyo keŋ, mam ŋikonei keŋ ŋuluŋorok daadaŋ ŋolo ebuni akisirworiun iŋes; alukis iŋes ŋikonei keŋ daadaŋ, aruwor ŋikonei keŋ daadaŋ ŋimoe keŋ.

Aum. 1:2 Iomraidhean Croise

Yob 6:15

Aruwor ŋirukitos kaŋ ŋulu nyikinyoma ikwa ayonae ŋina emam ŋakipi, ikwa ŋayona ŋuna ani emam akiru eokito deu,

Yob 7:3

Aŋun, akainakin ayoŋ ŋilapyo ŋulu araakar ekoŋinait, ido akatubokin ayoŋ ŋakuwarisya ŋuna ka akiyaloloŋ.

Ŋikiru. 126:5

Ikes ŋulu eete ŋikinyom icidete ŋakiyo, epote akilem nyikinyom eeosi ŋieosyo ŋulu ka alelyanu.

Ŋikiru. 31:11

Aruwor ayoŋ ejamuwaritono a ŋimoe kaŋ a daadaŋ, aruwor ayoŋ ŋolo enyasuna aneni a ŋikidunyet kaŋ, ani ekeŋolekinete ayoŋ ŋituŋa alorot, toema aneni kaŋ.

Ŋikiru. 6:6

Alemun ayoŋ anakigworo kaŋ; akuwar kia itapapalete ekitaada kaŋ ŋakiyo ŋuna egworor ayoŋ; ibwaliyananarete ŋakiyo ibore ŋini ecoloŋit ayoŋ aperi.

Ŋikiru. 69:21

Apotu ŋituŋa okoinakis ayoŋ ekitoe ŋolo aaran akilo akimuj, ani akanyami ayoŋ akure, apotu okoinakis epiini ŋolo adadaŋan akimat.

Ŋakit. 19:7

Ani kimanito tari ŋiyeneta a ŋikulyak ŋikulyak, etya nai ai epite ŋolo eŋeritotor tari ŋikonei kec ikes!

Yer. 13:17

Nai ani pa kiirasi iyes ŋakiro keŋ, alosi ayoŋ akigwor anakimunono aŋuna kaakituro kus egwori ayoŋ nooi kibwaliyasi ŋakiyo ŋakonyen kaŋ anerae erikoryo ŋituŋa a Ekapolon nakwap ace.

Yer. 2:25

Ŋisirael, tojoŋoto akerit, nyinyamut ŋamuk kus ka nyitoon ŋitoilon kus aŋuna ikinyamitor akure. Nai ipotu iyes temasi, ‘Erae ŋun ŋakoŋinae, adaun isua aminakin ŋigelaanotin, ido ikiwuapi ikes jik.’

Yer. 3:1

Ŋakiro ŋuna irworo Ekapolon ikes nu, “Ani kelak ekile aberu keŋ, ido tolot aberu ŋin aneni keŋ toruwor aberu a ekile a ece eboŋori mono iŋes neni a aberu a ŋin a? Nyeruwor mono ŋun ŋuna emunaarete akwap ŋin a? Itiyata iyes amalao ka ŋulu iminatar ŋulu alalak; ipedorete nai iyes aboŋun neni kaŋ a?

Yer. 30:14

Imuryakinosi iyes aneni a ŋulu ikiminasi iyes nyeriŋa ikes ikimisito iyes, anerae ekesican ayoŋ iyes lopite ŋolo isicanere emoit, ekesican ayoŋ iyes lopite ŋolo isicanere emoit ŋolo nyisyoniono anerae epol nooi aronis kus ka elalak nooi ŋasecisya kus.

Yer. 4:30

Okoe Yerusalem, aema ŋituŋa aneni kon, anijokis enapitotor ŋituŋa kon ŋilowi ŋulu areŋak, anukiro esiritotor ŋituŋa kon a ŋinapen a ŋulu itiyaunitae a egolid ka iosyata eraŋgi nakonyen kec? Isibusasi ŋituŋa kon koŋin, ikijamuwarito iyes ŋulu ikiminasi iyes, iwarito ikes akiar iyes.

Yer. 9:1

Okoe kerae ca torae akou kaŋ eitanit a ŋakipi ka torae ŋakonyen kaŋ elelya a ŋakiyo, kapedorit ayoŋ akigworo naparan ka nakwaare aŋuna a ŋituŋa kaŋ a ŋulu aari, a ŋulu a ŋican.

Aum. 1:19

“Aponi isua tonyarae ŋituŋa ŋulu sek ikiriit ka isua, nai apotu ikes ikilukis isua. Apotu ŋisacaradotin ka ŋikasikou kosi totwanikis lotaun eriŋa iwarito ibore ŋininyamat aŋuna ka arubakinia eyarete.

Aum. 1:21

“Adaut ŋituŋa akiirar aumen kosi, nai mam ŋini ebuni akisirworiun isua. Adaut ŋimoe kosi daadaŋ akiirar ŋican kosi; elelyanete ikes aŋuna idau iyoŋ akitiya. Kitodolu kareca akoloŋit ŋina sek ilimunit iyoŋ, ikotere ŋimoe kosi ekwaanikinos ka isua.

Aum. 1:9

Ileere jik asiilyo a ŋituŋa a Yerusalem, nai apotu ikes nyitiyata ŋadi akiretakinia ŋican aneni kec. Arono nooi akinyasuno kec, mam ituŋanan epedori akisirworiun ŋituŋa a Yerusalem. Ebasi ŋituŋa keŋ, “Okoe Ekapolon, kiŋolik kareca ŋican ŋulu eryamunitae isua, anerae ikilout isua ŋimoe kosi.”

Aum. 2:11

Amuumu ŋakonyen kaŋ aŋuna ka akigworo, eryebete ŋakiro etau kaŋ nooi. Akaup ayoŋ akiyaloloŋ aŋuna amunyarere ŋituŋa kaŋ ka aŋuna iridyata ŋidwe ka ŋiŋwea alorotin a ŋulu ke etaun.

Esek. 16:37

acunakini ayoŋ ŋuluminan kon daadaŋ ŋulu iponiata iyoŋ tolakarotor, ŋulu imina iyoŋ ka ŋulu pa imina iyoŋ daadaŋ, acunakini ayoŋ ikes ikiman iyoŋ alowaetin kon a daadaŋ, esileerek ikes epite ŋolo ileryo iyoŋ, ikiŋolikis ikes iyoŋ ileri.

Osea 2:7

Iwuapi iŋes ŋikilyok ŋulu emina iŋes, nai nyerukauni ikes; iwari iŋes ikes, nai nyeryamuni ikes. Ekaku etemari iŋes, “Aboŋori ayoŋ neni alokile kaŋ a ŋolo a ekiŋaren, anerae ajok paaran akiyar kaŋ ikirukit ka iŋes akilo tokona.”

Mika 7:5

Nyikinyom ekone, nyikinyom neni a ŋini imina iyoŋ; tocoik ŋakiro ŋuna irworo iyoŋ tari neni ka aberu kon,

Akis. 17:13

Eruworosi ŋulutomon ŋul daadaŋ ŋipei, einakinete daŋ apedor ka apolou kec neni ke etyaŋ.

Akis. 17:16

Ŋamomwar ŋatomon ŋuna ibu iyoŋ toanyuwa, eremokinosi ikes kaapei ka etyaŋ eŋerete amalaat; elemarete ikes ibore daadaŋ ŋini eyakar iŋes, kimyekis eleri, irikarete ikes iŋes ka kicunyasi.