Amos 9:9 - Ebaibul

⁹ “Ebala Ekapolon, ‘Kire jik, epukae ka eloilookini ayoŋ Ŋisirael kaapei ka ŋituŋa a ŋakwapin a daadaŋ, ekeike ikes lopite ŋolo ikeikea ituŋanan ŋikinyom, otyaka ŋituŋa ŋulu aronok daadaŋ aneni a ŋulu ajokak.

Amos 9:9 Iomraidhean Croise

Isa. 27:12

Akoloŋit ŋin, ecununi Ekapolon ŋituŋa keŋ ameun anakitelosit a aŋolol Eupurate tari nayonae ŋina alokukoru a Ijipit, okoe Ŋisirael, ikicununio iyes a ŋipeipei.

Isa. 28:28

Iryeo ŋikinyom aŋuna ka akimuj, nai nyerami ituŋanan ŋikinyom ŋul a ŋinakoloŋit; epedori ituŋanan akiram ŋikinyom a ekukoŋ, kori akiraga a akokoro a agaari, nai nyinyaadiyarete ŋul ŋikinyom.

Isa. 30:28

Ikwaan ekieŋanu keŋ ka ayonae ŋina ilapit elele, ŋina edolete ŋakipi lodokole erae kidok. Iwokori iŋes ikwa arimama ŋituŋa a ŋakwapin namunyaro, irepakini iŋes ŋaunoi loŋitiny a ŋituŋa torikorere ikes nariet tooliyosi

Yer. 31:36

Ani ca kerubakinito ŋisubuna ŋul eyakasi, erubakinete ŋituŋa a Isirael daŋ eyakasi nakwap kec ŋikaru ka ŋikaru.

Yer. 46:28

Ŋituŋa kaŋ ŋiletok a Yakob, nyikuryaketa, anerae ikirukit ayoŋ ka iyes amunyari ayoŋ ŋituŋa a ŋakwapin a ŋuna abu ayoŋ ekeelak iyes, nai nyakamunyari ayoŋ iyes. Ekesicani ayoŋ iyes alotooma akiyookino, nai nyekemyekini ayoŋ iyes nyisicana.”

Yer. 49:36

ka etukutuni ayoŋ neni keŋ ekuwuam alowaetin a daadaŋ a ŋuluomwon, ealari ayoŋ ikes lokuwuamin ŋul daadaŋ, mam akwap ŋina nyerikoryo ŋituŋa a Elam.

Esek. 20:38

Alemari ayoŋ aneni a ŋituŋa a ŋulu akaŋerito ayoŋ, ŋulu nyecamito akiwuap ŋakiro kaŋ. Ayauni ayoŋ ikes anakwapin aŋuna iboiyoto tokona erae ŋigelaanotin, nai nyelomarete ikes nakwap a Isirael. Ŋun nai iyenuniata iyes atemar arae ayoŋ Ekapolon.

Esek. 36:19

Abu ayoŋ eela ikes nakwapin ŋunace ka aponi ikes tokorarae nakiboisyo, abu ayoŋ esican ikes aŋuna a ŋipitesyo kec ka aŋuna a ŋiticisyo kec.

Esek. 39:28

Eyenunete nai Ŋisirael atemar arae ayoŋ Ekapolon Akuj kec, anerae abu ayoŋ eela ikes nakwapin ka abu ayoŋ ocunu ikes anakwapin esiboik nakwap kec. Nyemyekini ayoŋ ikes tari ipei anakwapin a ŋunagelae;

Esek. 5:10

Kire jik, enyamete ŋikauruunak ŋidwe kec alokidiŋ kus ka enyamete ŋidwe ŋikauruunak kec; ekesicani ayoŋ iyes ka eelari ŋipiya kus iwace.

Esek. 5:12

Atutubet kus apei alotooma ŋauni, emunyari edeke, kori emunyari eron alokidiŋ kus; atutubet ŋina a ŋaarei alotooma ŋauni, earakinio kiŋa ŋarwatatain a etaun kus ka atutubet ŋina a ŋauni alotooma ŋauni, eelari ayoŋ nariet, ido etutupak ikes ekileŋ kaŋ.

Ŋilep. 26:33

Ekeelari ayoŋ iyes nakwapin, ido eturubakini ayoŋ ŋimoe ikiwuapito iyes. Idoŋi akwap kus erae ŋina asilon ka eruwor ŋitaunio kus ŋireŋoroto.

Luk. 22:31

“Simoni, Simoni! Topupok mono iyoŋ! Aryamu Satan apedor ŋina kikeikeet iyes daadaŋ, ikwaŋina ikeikeya eketan ŋimomwa.

Ŋikis. 28:64

Ikielari Ekapolon iyes nakwapin, idolete iyes nakisaleta ŋuna ka akwap, itiyanakinete iyes a nen ŋakujo ŋuna itiyaunitae a ŋakito ka ŋamoru, ŋakujo ŋuna nyeyenuna iyes ŋinapei, kori atapapaa kus.