Amos 9:7 - Ebaibul

⁷ “Ebala Ekapolon, ‘Okoe Ŋisirael, nyikwaan mono iyes ka ŋituŋa ka Esiopia a? Meere mono ayoŋ ayauni Ŋisirael alo Ijipit, oyau Ŋipilistin alo Kapitor ka oyau Ŋiarameani alo Kir a?

Amos 9:7 Iomraidhean Croise

2 Ŋirw. 16:9

Abu erwosit ŋolo ka Asiriya tocamu ŋakiro ka Aas, tosodi min torem Damasko kikama. Torik ŋituŋa, ya Kir lotaun ŋolo ka akwap keŋ, ido toar Resin ŋolo arae erwosit.

2 Ŋakiro a ŋirwa 14:12

Aŋun, abu Ekapolon kilou Ŋikusi alokiŋaren Asa ka ŋasigarya a Yudaya, tobwaŋas Ŋikusi toema.

2 Ŋakiro a ŋirwa 14:9

Abu Sera ŋolo arae ekarikon a ŋasigarya a Ŋikusi tolot akirem Yudaya, ayakar iŋes ŋasigarya amilion ka ŋagaari ŋamiae ŋauni. Apotu ikes toloto tari lotaun ŋolo anyaritae Maresa alo Yudaya.

Awos. 12:51

Abu nai Ekapolon yau Ŋisirael a ŋatukon a ŋuna asibito ŋajoresyo akoloŋit ŋinapei anakwap a Ijipit.

Isa. 20:4

ebuni erwosit ka Asiriya arikor Ŋijipitian erae ŋienan ka ŋituŋa ka Esiopia erae ŋirikon, erikoryo ŋituŋa ŋul ŋisorok kaapei ka ŋikasikou, erikoryo ikes daadaŋ elerete ka emam ŋamuk enapito, totakanete ŋikaosios, itoodiunito ŋileec aŋuna a ŋituŋa a Ijipit.

Isa. 22:6

Apotu ŋasigarya a Elam potu etiŋito ŋatorosya a ŋikaleŋeleŋe, emeto ŋagaari ŋuna iritae a ŋaŋolei ka eyakatar ŋasigarya ŋuna ameto ŋaŋolei, apotu ŋasigarya a Kir kisileereut ŋaupala kec.

Isa. 43:3

anerae arae ayoŋ Ekapolon Akuj kus, Akuj ŋina asegan ŋina a Isirael, ekaiunan kus. Ajali ayoŋ Ijipit aŋuna ka alacakinia iyes, ajali ayoŋ Esiopia ka Seba aŋuna ka akilokonyunia iyes.

Yer. 13:23

Epedorete mono ŋituŋa ka Esiopia akilocokin eyakae a ŋawat kec a? kori epedori eris akilocokin ŋameriyek keŋ a? Iŋes atemar iyes daŋ ipedorete akilocokin ŋiticisyo kus ŋulu aronok toruworos ŋulu a jokak.

Yer. 47:4

aŋuna ka akoloŋit a ŋina ebunit, akoloŋit a ŋina emunyarere Ŋipilistin, emunyaryo alo Tiro ka Sidon ŋituŋa daadaŋ ŋulu edoŋito ŋulu amaikina kiŋarakis Ŋipilistin, anerae elosi Ekapolon amunyar Ŋipilistin, emunyari Ekapolon ŋipiya a ŋituŋa a ŋulu iboiyete alodiyete anam aneni enyaritae Kapitor.

Osea 12:13

Abu Ekapolon kisitiya ekadwaran ayaun Ŋisirael alo Ijipit ka abu Akuj kisitiya ekadwaran akiyokuunio ikes.

Amos 1:5

Eelari ayoŋ ŋasuwa ŋuna edukitere epuke a Damasko, ido amunyari ŋituŋa daadaŋ ŋulu iboiyete anakadipaalat ka Apen, alemari ayoŋ ŋini eyakar apedor alo Bes-Eden, erikoryo ŋituŋa ka Aram nakwap a Kir.”

Amos 2:10

Nabo abu ayoŋ okoyau iyes anakwap a Ijipit, okorik iyes ŋikaru ŋatomoniomwon analoŋisat, ikotere okoinak iyes akwap a Ŋiamori.

Ŋikis. 2:23

Apotu Ŋikapitorim ŋulu aponito alo Kapitor tomunyasi Ŋiapim ŋulu aya ŋalomarisinei diyete Gasa, ido kilunyokin akiboi a nen.)