Amos 9:13 - Ebaibul

¹³ “Ebala Ekapolon, ‘Ebunit apaki ŋina erukaununotor akitare ka akilem, ekoni epiini eriŋa ecuyo ŋolo paaran alemunio, eituni epiini alomoru, eleleiyari epiini alokamukumukui.

Amos 9:13 Iomraidhean Croise

Akisy. 49:11

Eenikini iŋes isigirya keŋ lokitoe ŋolo a epiini alomanikor keŋ, eenikini iŋes itaok a asigirya keŋ lokitoe a epiini ŋolo ajokan, eruwor epiini ilosya iŋes ŋilowi keŋ ka ipuri ekaaso keŋ a areŋis a epiini;

Ŋikiru. 97:5

Etalarete ŋimoru alokiŋaren Ekapolon, etalarete ikes ikwa amanok alokiŋaren Ekapolon ŋolo ka akwap a daadaŋ.

Isa. 16:10

Alemar alakara ka alelyanu aneni a ŋimanikorin a ŋulu araak, ido adaun ituŋanan eriŋa eeo alomanikorin a ŋikito a epiini mam ituŋanan eriŋa ecela a nen, mam ituŋanan eriŋa ecui epiini anacuet, anerae alema ayoŋ ŋulu sek ecelasi a nen.

Isa. 55:13

Erupunete ŋikito a Cipres aneni iboiyoto iyes, meere nabo ŋamoni ŋuna a ŋikukwa, erupunete ŋikamurya aneni iboiyoto iyes, meere nabo ŋikito ŋulu a ŋikukwa Eruwor ŋin akitoodikinet ŋina a Ekapolon ŋina nyimuryakin ŋikaru ka ŋikaru, akitoodikinet ŋina nyepedoryo akinyasun.”

Esek. 28:26

Iboikinosi ikes nen emam awasya, edukokinete ikes ŋakais nen ka itakinete ŋikito a epiini nen. Iboikinosi ikes nen emam awasya apaki ŋina esicania ayoŋ ŋikidunyet kec daadaŋ ŋulu apotu kinyasa ikes imanito. Eyenunete nai Ŋisirael apaki ŋin atemar arae ayoŋ Ekapolon Akuj kec.”

Esek. 36:35

Etemarete ikes ebe, ‘Ekwaanikin akwap na ŋina abu toruwor ekasile ka emanikor ŋolo a Eden, ido eboikinosi tokona ŋituŋa nakiboisyo ŋuna sek apotu toruwor ŋakoŋinae ka ŋuna asilok, aduki nabo ejok nooi ŋitaunio ŋulu aponi tomunaarae.’

Yoel 2:24

Ilelebun ŋikinyom nalosin kus ŋuna iramyata iyes; elelebun epiini ŋolokitete ka akimyet anamoti kus kilapanar.

Yoel 3:18

“Akoloŋit ŋin, elomuni epiini ŋolo abobon alomukur, eleleunete ŋakile alomukur, ido elelearete ŋakipi alotai a ŋayona a Yudaya a daadaŋ; elomuni elelya alo Kai ke Ekapolon, toleleya nayonae ŋina enyaritae Sitim.

Yoel 3:20

Nai iboikinosi ŋituŋa Yudaya ŋikaru ka ŋikaru, ka iboikinosi ŋituŋa a ŋanyameta ka ŋanyameta Yerusalem.

Ŋilep. 26:5

Irubakinete iyes iramete ŋikinyom kus akitodol ŋina ilemyata epiini, ido irubakinete iyes ilemete epiini akitodol apaki ŋina itakiniata, imujete iyes akimuj daadaŋ ŋina icamito, ido iboiyete anakwap kus emam ŋace.

Amos 9:5

“Ekapolon Akuj ŋina a ŋajoresyo, ŋina ani ketap akwap, emaranikini akwap, ikalounete ŋituŋa daadaŋ ŋulu iboiyete anakwap, iyatanakini ka itiditeununui ebari lopite ŋolo a ŋakipi a Nile.

Yoa. 4:35

Meere eminae atemar idoŋit ŋilapyo ŋiomwon tolemikinae a? Nai akalimokini ayoŋ iyes atemar, kireosi lomanikorin; akoko ikes etemokin akilem!

Ŋikat. 5:5

Apotu ŋimoru tomaranikis alokiŋaren Ekapolon, ŋolo a Sinai tomaranikis ŋimoru alokiŋaren Ekapolon Akuj ŋina a Ŋisirael.