Amos 9:1 - Ebaibul

¹ Tema Amos, “Abu ayoŋ eŋolik Ekapolon ewoi alodiyete Namuroet.” Okolimok iŋes ayoŋ tema, “Toram nooi ŋakyes a ŋipirin a ŋulu a Akai a ŋina ka Akuj, ikotere tomaranikis ŋalapatui ŋuna a Akai a ŋina ka Akuj; ido ŋulu ebucarosi, aari ayoŋ ke ekileŋ, mam ikes ipei daŋ ŋini eemi, mam ikes ipei daŋ ŋini ebucar.

Amos 9:1 Iomraidhean Croise

2 Ŋakiro a ŋirwa 18:18

Tema nai Mikaia neni keŋ, “Kiira ŋakiro ke Ekapolon nu, abu ayoŋ eŋolik Ekapolon iboi alokicoloŋ keŋ a ŋolo ka apedor, ewuasi ŋimalaikan ŋulu anakuj daadaŋ aloteten ka alokedyeny keŋ.

Ŋikiru. 68:21

Nai iimimaari Akuj ŋakyes a ŋimoe keŋ iimimaari ŋibokoto a ŋulu emasikinito eseceneneete.

Ŋikiru. 68:22

Abu Ekapolon tema, “Atiyauni ayoŋ ŋimoe kus alo Basan, enyakuni ayoŋ ikes alokwap ŋakipi ŋuna ka anam,

Isa. 30:16

ido tolimut temasi, “Mam, nyikiemi isua ikidokit ŋaŋolei.” Aŋun iemete iyes! ido temasi nabo, “Ikiemi isua edokitae ŋaŋolei ŋuna apiranak.” Aŋun, ikiwuapete iyes ŋimoe kus ekerete akilo iyes!

Isa. 6:1

Alokaru a ŋolo atwania erwosit Usia, abu ayoŋ eŋolik Ekapolon iboi alokicoloŋ keŋ a ŋolo ka apukan, ikiara ka itopolooritae, ileleba ekaaso keŋ Kai ka Akuj daadaŋ.

Yer. 11:11

Aŋun, kire jik abuni ayoŋ ayaun ŋican neni kec ka nyesiyete ikes alocan a ŋul, tari kekekaloikis ikes ayoŋ, nyapupokini ayoŋ ikes.

Yer. 42:16

ikiryamuni iyes anakwap a Ijipit ekileŋ ŋolo ikerito iyes ka ikiwuapakini iyes ilosete Ijipit akoro ŋina ikerito iyes ka itwakete a nen.

Yer. 48:44

“Ŋini eemi aŋuna a ekabule ibusokin nakipany, ŋinituŋanan daadaŋ edokuni anakipany ikamuni aloc, anerae ayauni ayoŋ ŋiboro ŋul Moab, alokaru a ŋolo a akisicanio kec.

Esek. 1:28

Ekoni akica ŋin ileere neni ileereo alokakinet apaki ŋina eyakar akiru tocai akoloŋ. Ayai etorube ŋol kidiŋ akica ŋin. Arae ŋol etakane ŋolo ka apolou a ŋina ke Ekapolon. Ani eŋolikini ayoŋ akica ŋin, abu omin kwap, oper obuburiyar, eiira etoil a ice irworo neni kaŋ.

Esek. 10:4

Abu nai akica ŋina ka Akuj tolomu aneni a ŋisubuna a ŋulu a ŋabebenuk, min lopuke ŋolo ka Akai ka Akuj; kilelebun edou Kai ka Akuj ka kilelebun akwaŋis ŋina ka akica a Ekapolon nalapatu ŋina ka Akai ka Akuj.

Esek. 15:7

Etekini ayoŋ ikes etoroniyarit. Tari daŋ keiuna ikes alomoe a ŋulu ke ekiŋaren, emunyarete ŋimoe ikes, ido iyenunete iyes atemar arae ayoŋ Ekapolon apaki ŋina etekinio ayoŋ ikes etoroniyarit.

Esek. 9:2

Apotu nai ŋikilyok ŋikanikapei potu alowae a ŋolo a epuke a ŋolo ayai neni amukur alowae a ŋolo alo Kuju Akai ka Akuj. Ayakar ŋolokile ibore ŋiniaaret, arukito ŋikilyok ŋul ka ekile ŋolo anapit ŋilowi ŋulu amilimilak, toyakar nawae keŋ ibore ŋini aya ŋiboro ŋulukigiret. Apotu ikes tolomasi tooma towua alodiyete namuroet ŋina etiyaunitae ke eburonis.

Amos 3:14

“Akoloŋit ŋina esicania ayoŋ ŋituŋa a Isirael aŋuna a ŋasecisya kec, amunaari ayoŋ ŋamuroeta ŋuna eya lotaun Besel, atubori ayoŋ ŋamomwar ŋuna eya lokoonae a Ŋamuroeta tocakakin kwap.

Amos 7:17

Aŋun, alimu Ekapolon ŋakiro nu ebe, ‘Eruwor aberu kon amalaat alotaun, ido earyo ŋidwe kon ŋulusapa ka ŋulupesur, ido tokorakinae akwap kon neni a ŋituŋa a ŋulugelae, itwani iyoŋ anakwap a ŋituŋa a ŋulu nyenupito Akuj, kire erikoryo Ŋisirael nakwap ŋinagela.’ ”

Amos 7:9

Emamukaun ŋituŋa anakiboisyo a ŋunamukur a ŋuna ilipyata ŋiletok a Isaka, inyasunio ŋakiboisyo ŋuna ilipyata Ŋisirael, aari ayoŋ ŋiletok a Yeroboam a ekileŋ.”

Abak. 3:13

Ibu iyoŋ toloma kiŋa aiun ŋituŋa kon, aiun erwosit kon ŋolo iseunit iyoŋ. Ibu iyoŋ toar ekarikon a apukan a ŋina aronon, ido ibu tomunya apukan ŋin.

Sepan. 1:12

Apaki ŋin, atiŋi ayoŋ etaa ŋolo enoki, ewarya ŋikasecak Yerusalem, ido esicani ŋituŋa ŋulu ebasi ikiyakar ibore daadaŋ, ŋulu irworosi ebe, ‘Emam ibore itiyakini Ekapolon alopite a lo kori a ŋol.’

Sepan. 2:14

Eruwor nen neni euryaniata ŋaatuk, eruwor nen akibois a ŋityaŋ a ŋulu ka ariet; akibois ŋina iboiyoto ŋitulae ka ŋikurukwa a nakyes a ŋipirin keŋ; eruwor lodirisae keŋ erwotor ŋitulae, eruwor nalosin keŋ erwotor ŋikurukwa; anerae ielaryo ŋakito ŋuna a Cedar ŋuna sek eya kidiama ŋakais keŋ.

Yoa. 1:18

Emam ituŋanan eanyunit Akuj; nai Lokoku ŋolo donupei ŋolo erae epei ka Papa, iŋes ikitaanyu iwon Akuj.

Yoa. 1:32

Kiteyenu Yoana ŋuna abu iŋes kiŋolik tema, “Abu ayoŋ eŋolik Etau ŋolo ka Akuj ebuni anakuj ikoni akuri, min neni keŋ.

Ŋitic. 26:13

Erwosit Agripa, ani edoli kidiŋ apaaran, abu ayoŋ oanyua eriŋa alosi alorot akica ŋina aŋesun atipei anakuj, ŋina acai akilo akoloŋ. Tocau ekenuak ayoŋ kaapei ka ŋulu ikirukitor.

Yos. 10:18

Tema Yosua, “Kikokorikisi ŋamoru ŋuna apolok lokek a aturukan, kiwuakis ŋikilyok kiteto nen.

Akis. 1:17

Ŋinapei eŋolikinia ayoŋ iŋes, abu oramakin nakejen keŋ ekok ituŋanan ŋini atwan. Abu nai iŋes kiwuak akan keŋ ŋina aloteten neni kaŋ tema, “Nyikuryaniar! Arae ayoŋ ŋolo Eŋarenon ka ŋolo Esidyon.

Akis. 8:3

Abu emalaika ece ŋolo ayakar abakule ŋina etiyaunitae a egolid, ŋina ecunyeneneere eminae ŋolo ke ekinyate, bu towo alokiŋaren Namuroet. Aponi inakinae iŋes eminae ŋolo ke ekinyate ŋolo alalan, kimorikin ka ŋakilipasinei ŋuna a ŋituŋa a ŋulu ka Akuj a daadaŋ, ya Namuroet ŋin ŋina etiyaunitae a egolid ŋina ayai kiŋaren ekicoloŋ.