Amos 8:3 - Ebaibul

³ Akoloŋit ŋin, iwololoete ŋituŋa eeosi alo kai a ŋina ilipyata; ilelebun ŋawat a ŋituŋa ŋiwaetin daadaŋ ŋulu ka akwap, imasaryo ŋawat a ŋituŋa kiŋa ekililiŋat.”

Amos 8:3 Iomraidhean Croise

Ŋikiru. 39:9

Eliliŋi ayoŋ; mam ŋakiro alimuni, anerae iyoŋ idau akiteryamun ayoŋ ŋican ŋul.

Isa. 37:36

Akoloŋit ŋin nakwaare abu emalaika ke Ekapolon tolot neni aya ŋasigarya ka Asiriya toar ŋasigarya ŋalipyo amiat ka ŋatomonikanikauni ka ŋikan, ani taparacu iwalari akwap, toryamunae ikes daadaŋ erae ŋalyalin bon ayakasi nen.

Yer. 22:18

“Aŋun, alimu Ekapolon ŋakiro nu aŋuna a erwosit Yeoiakim a lokoku a Yosia a ŋolo a Yudaya ebe, Nyiwololoete ikes aŋuna keŋ ebasi, ‘Okoe lokaato kaŋ,’ kori ‘Okoe nakaato kaŋ.’ Nyiwololoete ikes aŋuna keŋ ebasi, ‘Okoe Ekapolon,’ kori ‘Okoe erwosit!’

Aum. 2:10

Iboiyete ŋikasikou a Yerusalem alokwap ililiŋete cek; ipuripurito apuwa nakyes kec ka enapito ŋiguniyae; ijuuruyete ŋasorok ŋuna a Yerusalem.

Yoel 1:11

Kiyaloloŋo, iyes ŋiketak, kiwololoto, iyes ŋiketak ŋikito ke epiini; kiyaloloŋo aŋuna a ŋaganoi ka ŋikinyom ŋulu ikote erau anerae erikar ŋikinyom alomanikorin.

Yoel 1:13

Tonapa ŋiguniyae, iyes ŋisacaradotin, ido kgiworo; kiwololoto, iyes ŋulu itiyaete Namuroet. Potu, tonapa ŋiguniyae akuwar kya, iyes ŋulu irae ŋiketiyak ŋulu ka Akuj; anerae alemar alo Kai ka Akuj kus ŋainakineta ŋuna a ŋikinyom ka ŋimaten.

Yoel 1:5

Tonyoutu iyes ŋikamerak, ido kigworo; kiwololoto iyes daadaŋ ŋikamatak epiini, anerae alemar epiini anakituka kus.

Ŋilep. 10:3

Tema nai Moses neni ka Aron, “Arae ŋakiro ŋun ŋuna esileereunit Ekapolon ŋinibore abaakar ebe, ‘Itoodiun asegis kaŋ aneni, a ŋulu eketopoloorito ayoŋ ka eketopoloorete ayoŋ ŋituŋa daadaŋ.’”

Amos 4:10

Abu ayoŋ ekeyakik iyes ŋakisicaneta lopite ŋolo abunio eyakikinia nakwap a Ijipit; abu ayoŋ oar ŋisorok kus a ekileŋ, abu ayoŋ emyek tomyaarae ŋaŋolei kus, ido abu ayoŋ etobos tul ŋakiboisyo kus, nai ipotu iyes nyikiwa.

Amos 5:16

Aŋun, alimu Ekapolon Akuj ŋina a ŋajoresyo, Ekapolon ŋakiro nu ebe, ‘Iwololoete ŋituŋa analapatui a daadaŋ a ŋuna ke etaun ka alorotin a daadaŋ a ŋulu ke etaun ebasi, oitakoi, oitakoi! Enyaraunete ŋituŋa ŋul ŋiketak kigworo ka ikes, enyaraunete daŋ ŋulu eyenete akiwolol, potu kiwololoto.

Amos 5:23

Tojoŋoto aeore ŋieosyo kus ŋulu ieosi iyes icelasi anakilip kus, nyapupokini ayoŋ eruye a ŋaduŋgui kus.

Amos 6:4

Ekaŋ iyes ŋulu iperete alokitaadae a ŋulu isibusitae a ŋikyal a ŋitome! Ekaŋ iyes ŋulu isaanaete alokicoloŋo a ŋuludupuk, tonyamete ŋikaalei ka ŋitak ŋulu anakunak.

Amos 6:5

Iyes ŋulu ieosi ŋieosyo ŋulucaryo, ido iramete ŋaduŋgui lopite ŋolo etiyaa Daudi,

Amos 6:8

Adau Ekapolon Akuj alope akikoŋ nu ebe, ‘Nyacamit ayoŋ akituro a Ŋisirael, aŋerit daŋ ŋaduketa kec ŋunajiet, ido ainakini ayoŋ etaun a Ŋisirael ŋolo apolon ka ŋinibore daadaŋ eyai tooma keŋ nakan a ŋimoe kec.’

Amos 8:10

Eturuwori ayoŋ ŋasuban kus ŋuna igworore ka ŋieosyo kus daadaŋ eruworosi ŋulu ka akiwolol. Eketanapi ayoŋ iyes daadaŋ ŋiguniyae anacirin, eketabanyari ayoŋ iyes ŋitim anakyes kus; ekesigwori ayoŋ iyes lopite ŋolo igworore ikoku ŋinikiyae; eruwor akoloŋit ŋin daadaŋ ŋina aronon nooi.’

Naum 3:3

Emotuno neni kon ŋikametok ŋaŋolei, imilyasi ŋileŋia ka epariparete ŋakwaaras! Etukosi alotooma kon ŋawat a ŋituŋa a ŋulu etwakito, etukosi alotooma kon ŋawat ŋuna nyimarun, ibusonokinete ŋawat ŋun ŋituŋa.

Sepan. 1:7

Kililiŋa alokiŋaren Ekapolon Akuj, anerae aapuu akoloŋit ŋina ke Ekapolon; etemok Ekapolon amuronot; adau iŋes akitaleun ŋulu enyarit iŋes.