Amos 8:2 - Ebaibul

² Ekeŋit ayoŋ Ekapolon tema, “Amos, nyo ite iyoŋ?” Oboŋok ayoŋ otema, “Ete ayoŋ ebukit ŋolo eya ŋaraito ŋuna akonok.” Tema nai Ekapolon neni kaŋ, “Adolu apaki ŋina esidyon aŋuna a ŋituŋa kaŋ a Ŋisirael, nyesyoni ayoŋ ikes nabo jik.

Amos 8:2 Iomraidhean Croise

Akisy. 6:13

Tolimok Akuj Noa tema, “Adau ayoŋ atubun amunyar ŋituŋa daadaŋ anakwap, anerae eelakis ŋituŋa aryenyeo nakwap; nai tokona, amunyari ayoŋ ŋituŋa kaapei ka akwap.

Isa. 28:4

ŋulu ecucukaiya akibuses kec ikwa ŋatur ŋuna itanapikinitae neni a ŋikapolok a ŋulu imujete ŋamuja ŋuna ajokak, ikwaanikin ikes ka ŋaboboryo ŋuna ekokete eriŋa akamu, ŋuna elemari ituŋanan ca daadaŋ ŋini iŋolikini.

Yer. 40:10

Ani eruwor ayoŋ, eboi ayoŋ alo Misipa okowoik iyes alokiŋaren Ŋibabiloniyae ŋulu epote neni yok; nai iyes, emaikina tolema ŋaraito a epiini, ŋaraito ŋuna ka akamu ka akimyet, kiŋadakis ikes loboro kus ka kiboiyoto alotaunio a ŋulu idaut iyes akikamar.”

Yer. 5:31

edwarete ŋikadwarak alyokonu ka ipukato ŋisacaradotin lopite ŋolo elimokiniata ŋikadwarak ikes, italakarito ŋakiro ŋun ŋituŋa kaŋ, nai anu itiyaete iyes apaki ŋina ebunio asalunet?”

Aum. 4:18

Ikiwarito isua ŋimoe kosi, aŋun, nyepedoritae isua alosit alorotin a etaun. Abu adaun kosi toapu, emaruna ŋirwa kosi, anerae abu todol isua adaun.

Esek. 12:23

Tolimok tokona ikes atemar ŋakiro ŋuna irworo Ekapolon Akuj ikes nu, ‘Etasaluni ayoŋ akitadapet na, ido ejoŋoete ikes alimunun iŋes jik alo Isirael. Nai tolimok ikes atemar aapuut ŋirwa ŋulu isiyookinere ŋakiro ŋuna itoodiunetae daadaŋ.

Esek. 29:8

“Aŋun, alimu Ekapolon Akuj ŋakiro nu ebe, ‘Iyoŋ akwap a Ijipit ayauni ayoŋ neni kon ŋikaarak ŋulu etiŋito ŋileŋia, earete ikes ŋituŋa kon ka ŋityaŋ ŋulu eya tooma kon;

Esek. 3:10

Tema ŋini erworo neni kaŋ, “Lokoku a ituŋanan, topupok mono iyoŋ icoikinit nooi ka kiwuak lotau kon ŋakiro daadaŋ ŋuna erwori ayoŋ neni kon.

Esek. 3:7

Nai emam Ŋisirael ŋini ecamuni apupokin ŋakiro ŋuna irwori iyoŋ, anerae nyecamito daadaŋ akiirar ŋuna erworo ayoŋ aŋuna etogogoŋioto ŋakyes kec ka aruworotor ŋasyanisya alotai kec.

Esek. 7:6

Adolu neni kus adaun, adolu neni kus adaun, ikinyoik iyes ikitoŋoiya, kiirasi abu!

Esek. 8:12

Tema Akuj neni kaŋ, “Lokoku a ituŋanan, iŋolik iyoŋ ŋuna itiyaete ŋikasikou a Ŋisirael anakimunono a? Iŋolik iyoŋ ŋuna itiyae ŋinituŋanan alokai keŋ a ŋina eyakasi ŋitorubei a? Ebasi ikes ebe, ‘Mam nyikite iwon Ekapolon, nyeriŋa Ekapolon etamunit akwap yok.’ ”

Esek. 8:17

Tema nai Akuj neni kaŋ, “Lokoku a ituŋanan, iŋolik iyoŋ ŋakiro nu a? Nyerae mono ibore ŋini aronon nooi akiŋolikin asiilyo ŋina itiyaete ŋituŋa a Yudaya a ne a? Emaikina mono ikes kilelebikis tari aryenyeo nakwap ka torubakis eketoŋoito ayoŋ a? Kiŋolik iyoŋ epite ŋolo iasyata ikes akitoŋo ayoŋ nooi alopite a daadaŋ a ŋolo ecamito ikes!

Esek. 8:6

Tema nai Akuj neni kaŋ, “Lokoku a ituŋanan iŋolik iyoŋ ibore ŋini itiyaete ikes a? Iŋolik iyoŋ ŋakiro ŋuna ka asiilyo ŋuna itiyaete Ŋisirael a ne aŋuna ka akiritar ayoŋ anakibois kaŋ a ŋina asegan a? Iŋolikini daŋ iyoŋ ŋace ŋuna ka asiilyo a ŋina apolon nooi.”

Osea 9:7

Adolut ŋirwa ŋulu ka akisicanio, adolut ŋirwa ŋulu a ŋinyaŋ, igworosi ŋituŋa a Isirael ebasi, “Erae ekadwaran ebaŋ, irumito ŋikerep ituŋanan ŋini eyakar etau ŋolo ka Akuj.” Aŋuna a ŋasecisya kus a ŋuna alalak, elalak daŋ ŋiminan kus.

Amos 7:8

Tema Ekapolon neni kaŋ, “Amos nyo ite iyoŋ?” Oboŋok ayoŋ otema, “Ete ayoŋ akipimet.” Tema nai Ekapolon neni kaŋ, “Alosi ayoŋ etoodik Ŋisirael atemar nyipimara ejok ŋakiro ŋuna itiyaete ikes, nyesyoni nabo ayoŋ ikes jik.

Amos 8:1

Abu Ekapolon ekesileerek ayoŋ ŋakiro nu: Abu ayoŋ eŋolik Ebukit ŋolo aya ŋaraito ŋuna akonok.

Mika 7:1

Emam akigeno apei daŋ eyai neni kaŋ! Ikikwaanikin ayoŋ ka ituŋanan ŋini enyamit akoro, ŋini ani elosi lokitoe ecamit ŋaraito, nyeryamu tari apei imyekinitae ka nyeryamu tari arait ke epiini apei daŋ, toryamu epiini ka ŋaboboryo ŋuna akonok daadaŋ kigyeror.

Sakar 5:2

Ekeŋit ayoŋ emalaika tema, “Nyo ite iyoŋ?” Oboŋok ayoŋ otema, “Ete ayoŋ ekitaabo eyai lokuwuam, erae aoyau keŋ ke epeiwae ŋimitae ŋakanikaomwon ka erae auruwuanut keŋ ke epeiwae ŋimitae ŋaomwon ka atutubet.”